自從澳門多了新酒店後，有一段日子都往氹仔那邊出沒，但有時候想在三盞燈附近吃緬甸菜，又或是想在戲院附近吃牛雜，甚至想起牛記的蟹黃麵，通通都要轉的士，實在不方便。
雖然酒店都有歷史，但早前裝修過，是絲毫沒有殘舊感，反而有種樸實的氣派。
房間以桃紅木作主色調，有種暖和的感覺。
雙人床夠闊落，而且不會太軟稔，啱晒自己。
而房間更有最新的智能電話外帶使用，對於不想另花漫遊費用的客人，實在是超方便及有用。
如果想靜靜地在房間休息，又可以使用DVD機欣賞電影。
望望酒吧位，小型雪櫃、飲品及小型水煲，都是一應俱全。
就連小型夾萬都有，客人大可放置貴重物品。
可能是新裝修關係，房間有部份插頭，已換上USB插，方便客人叉電，又是一個窩心位。
想不到酒店選用具有悠久歷史，來自德國的AIGNER，令人客人更加安心。
今次順道參觀了親子房間，發現有幾個窩心位。
子母床而不是上下格床，不怕小朋友跌親。
浴袍同拖鞋，都有小朋友size，實在太好啦!
最開心係洗手間有小朋友專用牙膏及牙刷提供，真係一家大細照顧周到。
至於酒店設施，先跑去室內恆溫泳池，職員當日會將池水的溫度、氯含量及酸鹼度標明，好細心。
健身室就在泳池附近，可以說是「麻雀雖小，五臟俱全」。
其實酒店除了有「FADO」的正宗葡萄牙菜，還有大堂Lobby提供自家製dessert外，更有中菜廳「梓園」 ，只可惜未有機會試試。
至於差不多澳門必備的賭場，酒店方便只提供電子賭博，喜歡自己睇牌的客人，未必欣賞。
整體感覺上，酒店走的是紮實而不花巧的路線，食物令人有驚喜，附近又沒有品流複雜，而且多特色食肆，截車問題不大，如果想體驗澳門本土特色，相信是一個上佳的選擇。
酒店專頁 : 皇都酒店
地址 : 澳門得勝馬路2-4號
電話 : +853 2855 2222
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!