自助餐一向是自己喜歡的模式之一，畢竟自己胃納大又心多，有時候朋友間聚會，又不想花太多時間找適合大家的食肆，一句不如食Buffet，多數都會通過。
今次選了位於銅鑼灣的Mr. Steak Buffet à la minute，由於大家下班時間都不同，難以遷做，所以選擇了第二個時段。
店內空間闊落，食物分佈令客人不會逼埋一齊，又有卡座，感覺良好。
人齊即刻開動，先在最喜歡的海鮮區睇睇！
Seafood Station
半開波士頓龍蝦任食，而且全程未見過吉位，refill速度快，大家根本無須搶食，加上肉質爽彈，吃得令人滿意。
近年另一海鮮大熱一定係麵包蟹，反正都要將隻蟹分屍，一於開半，只見大量嫣紅蟹膏，邪惡到一個點蟹肉又鮮甜，唯有跑多兩個圈消滅膽固醇 。
之前兩款海鮮已經比起不少酒店強，再加上鱈場蟹爪、青口、藍貝與及熟蝦，可以話無敵組合，好彩午餐未算太飽，仲有多少位。
燒烤吧
其實是餐廳另一賣點，尤其是當海鮮燒至微焦，陣陣香氣四溢，真係令人食指大動。
原隻活鮑魚，可以供應至差不多完場，煙韌彈牙肉質，吃得出的新鮮，而且不會將價就貨，絕對不會係鮑魚BB級，何只收貨吖！
燒生蠔時間啱啱好，又保留了蠔汁，嫩滑可口，怕生食蠔肉的朋友就最合心意。
芝士煙肉焗蠔外層微焦，每口都帶有煙肉的香氣，最難得是保留了肉汁。
而大蝦就燒到蝦殼卜卜脆，咬開蝦殼，紅白相間既蝦肉份外誘人。
仲有清酒煮蜆，除了肉質幼嫩之外，就連湯汁都非常鮮甜，而燒大蜆肉質較乾身，身。
佐賀牛專區
餐廳另一個絕殺點，莫過於特設的佐賀和牛區。
壽喜燒
灼得啱啱好，牛味濃郁，而肉質鬆軟，好吃到一個點。
炙和牛壽司
將油份都逼了出來，滿口油香，就算會佔胃納，仍是不能錯過。
鐵板和牛粒
可能平日都會接觸到，就算質素中上，但都只是略為試試。
刺身
有帶子、甜蝦、赤貝、油甘魚、鯛魚及三文魚，當然地點了肥大肉厚的帶子、鮮甜的甜蝦及爽口彈牙的赤貝，絕對是新鮮可口。
Carving Station
雖然不是酒店，但提供的菜色跟酒店Buffet是毫不遜色的，法式煎鴨肝煎得兩邊微脆，內裡入口即溶，油香四溢。
澳洲羊架就似乎熟了些少，不過羶味輕盈，幾位同行女士都接受到。
燒牛肉
畢竟店方是以牛扒聞名，質素是有保證，特意留到中後段時間，帶點血水，肉質嫣紅，而且有嚼口。
熱葷
陣容強大，如果有怕食生冷食物既老人家就最啱。
海參冬菇燴鴨掌跟蠔皇冬菇燴花膠味道相差不大，但不論海參、鴨掌或花膠，同樣炆得夠稔入味，相當認真。
雖然清蒸比目魚並非原條上，但肉質嫩滑，甜豉油又調教得啱啱好。
其他海鮮有辣酒煮花螺及清蒸蒜蓉粉絲帶子，海鮮迷值得一試。
熱葷中仲有黑椒牛仔骨、卡邦尼意粉和古法雙冬羊腩煲，對於喜歡熱辣辣食物的朋友，又多了一個選擇。
泰式紅咖喱雞、馬來西亞咖喱牛腩、咖喱什菜、泰式青咖喱雞、籠仔蒸蝦、鴛鴦炒飯、蒜子娃娃菜與及豬腳薑，真係無可能試得晒。
湯
酥皮海鮮忌廉湯
酥皮搓得鬆化，湯亦夠濃稠，不過份量似乎少了一點。
黨蔘蓮子圓肉響螺燉湯
用料足，但火喉略嫌不足，所以味道未夠濃香，可惜。
芝士
有與別不同的芒果蜜瓜芝士，竟然是香甜軟糯，另外的合桃芝士、金文畢芝士及牛乳芝士，亦有不同的口感。
Cold
Cut
Cut
巴馬火腿、沙樂美腸及意大利燈籠腸，興趣不大，空間還是留給甜品好了。
沙律
除了自助沙律吧，又是得人驚的多款式，煙三文魚意粉沙律、紅菜頭沙律、番茄青瓜沙律、芝士腸仔沙律、火腿粟米沙沙律及煙鴨胸沙律，真係睇妳食得幾多！
甜品
最有驚喜是「傳情達意」心太軟，客人可以寫上心意話句，由甜品師用果漿繪上圖案，最後放上即烘的心太軟，每碟的公仔都不同，實在好有心思。
Movenpick 雪糕
瑞士朱古力、椰子瑞士朱古力共六七款口味，也未免太過份了吧。
Häagen-Dazs雪糕杯
杯裝上，有朱古力及草莓味，稍後更有雪糕批，實在令人嘩了一聲，還以為去了雪糕專門店。
其他甜品有綠茶紅豆蛋糕、日式芝士蛋糕、Tiramisu、黑森林蛋糕、紅桑子慕絲蛋糕、什果啫喱杯、草莓朱古力點士多啤梨、藍莓撻、栗子撻、藍莓芝士蛋糕、雜果撻、迷你芒果拿破侖、朱古力合桃批、雜錦馬卡龍、黑朱古力慕絲餅、白朱古力慕絲餅、馬豆糕、桂花糕、水果以及原桶豆腐花，真是花多眼亂，朋友間一致推介3.6北海道牛乳布丁。
飲品
有冰紅茶、蘋果汁、自助飲品機及紅茶包，種類不算多。
都不是第一次面對過百款食物，但大部份都非常好食，如果可以的話，組隊5位朋友一齊，仲可以有一位免費，就算是 $568 / 位，個人都覺得合理。
P.S :
星期一至五 5:00pm~7:00pm 成人
$408 / 位 小童 $248 / 位
$408 / 位 小童 $248 / 位
星期六、日及公眾假期 5:00pm~7:00pm 成人
$448 / 位 小童 $268 / 位
$448 / 位 小童 $268 / 位
星期一至日 7:30pm~10:00pm 成人
$568 / 位 小童 $298 / 位
$568 / 位 小童 $298 / 位
地址 : 銅鑼灣告士打道280號世貿中心6樓
電話 : 2881 5757
味道 : 5 環境 : 4 服務 : 4 衛生 : 4 抵食 : 4 位置 : 5
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!