話咁快聖誕節已經過去，中國人最期待既農曆新年又快到，喜慶日子真係一個接一個，團年飯當然不能少，一餐飯要大魚大肉，有無想過以Buffet做節？
月前一家人到訪過怡東酒店，已經覺得食物質素提升了不少，近日見囝囝考完試，忍不住再走一轉，想不到，餐廳不單在海鮮上再加強陣容，更寧願犧牲部份可以做生意的地方，在大堂一角開闢了兒童天地，小朋友可以有玩具玩，又有廸士尼卡通片播放，家人在訂位時，不妨預訂旁邊長檯，就可以一邊品嚐美食，邊睇住小朋友。
生蠔
有Irish及Scotland兩款，而且是即開的，品質有保證，肉質有少許爽口，前者蠔味會較重，不錯，如果可以配上一杯白酒就更好。
Seafood Station
今日的海鮮陣容，可以話到訪以來最強的一次。
波士頓龍蝦
半開波士頓龍蝦，隻隻都充滿了蝦膏，入口豐腴甘香，而且食到最後，依然可以任取，夠晒回本。
鱈場蟹腳
大隻粗壯近乎小朋友的手臂，實在誘張到一個點，雖然檯面有鉸剪，但蟹殼大硬，吃起來有點難度，講真，食完一隻已經飽幾成。
法國麵包蟹
蟹肉鮮甜，但蟹蓋充實的蟹羔卻完全消失了，原來是取去作蟹粥用，或者保留部分蟹羔，給客人品嚐原味。
至於長腳蟹爪、翡翠螺、藍貝及熟蝦，在解凍的過程處理得宜，肉質沒絲毫雪味，或者講，單是海鮮及生蠔走一轉，已經至少回了一半本。
刺身及壽司飯
海膽配番茄啫喱
原片日本海膽入口即化，口感清新，陣容又真的強大了不少，至少有新意。
刺身品種更是罕見的多，赤貝、北寄貝、帶子、甜蝦
、八爪魚、油甘魚、三文魚及吞拿魚，貪心一點，來個刺身併盤，帶子肉質柔嫩，赤貝爽彈，而甜蝦鮮甜，都是令人食指大動。
熱葷
清蒸大海班
香港人實在太喜歡海鮮了，基本上，每次海班出現，總會係十五分鐘內給肢解，雖然是養魚，但火喉控制得幾好，肉質嫩滑。
菜膽雞
一般buffet都會有燒味，用上菜膽雞個人幾受落，薄薄一層玻璃芡，令雞肉更滑溜。
黃金蝦
可能性放得太耐，少了一陣香口的感覺，油份偏多，或者一出爐就食，效果會好得多。
花膠鮑魚扒西蘭花
原隻鮑魚仔配花膠筒絕對係滋補養顏食品，難得是不停refill，鮑魚仔一口一隻，煙煙韌韌，花膠部份炆得未夠時間，要注意一下。
仲有XO醬炒芥蘭、北海道雪蟹餅、特式焗蠔及香菇蟹肉扒伊麵，種類未算太多，但有水準，可以話貴精不貴多。
Carving Station
香煎鵝肝
煎得外脆內軟，入口即化，油份甘香，再淋少少陳醋，去除油膩感，就算是膽固醇朋友，都值得試返件。
燒羊架
羶味算是中度，肉色嫣紅，食落有嚼口，蘸點Mint Jelly味道會更香。
烤美國牛肋
肉味香濃，個人反而不太喜歡蘸點黑椒汁，簡簡單單灑點鹽提鮮就可以。
燒澳洲春雞
很少機會在Buffet內品嚐到原隻燒春雞，雞皮烤得香口，而且是半隻上，夠豪氣。
燒火腿
賣相飽滿，但實在已經撐不下。
灼料吧
白酒煮青口
擺放位置不太明顯，好容易會忽略，青口肉質柔嫩，酒香比較淡。
雞粥及蟹粥
想不到兩款粥都有水準，粥底是廣東開花粥，既綿且滑，雞粥用上去骨雞肉，而蟹粥除了蟹件外，更將麵包蟹膏放入粥底，令到每口粥都充滿了蟹粉，實在邪惡到一個點。
炆蘿蔔牛腩
在灼料吧旁邊另有一煲炆得夠晒火喉既牛腩煲，蘿蔔更加係清甜無渣，最啱淥碗麵自己加料，因為淥麵靚女點都唔肯加落麵，好堅守員工守則。
麵底有油麵、米粉同瀨粉，配料有牛肉丸、魚丸、豬肉餃、蝦、魚片及蜆，湯底可以有雞湯同喇沙湯，老實講，湯底煮得濃香，又有椰子幽香，比起尖沙咀另一間酒店的名物，絲毫不落下風，值得推介。
湯
總共有三款選擇。
人蔘雞湯
湯色清澈，呷一口，既有雞肉的鮮甜，又有蔘香，舌底生津，非常好飲。
椰子煲雞
火喉十足，椰子味濃郁，囝囝跟太太最鐘意。
蘑菇湯
充滿菇菌味的幽香，入口感覺到細碎的粒粒菇肉，不錯。
甜品
火焰雪山
每天限量提供，出菜前會有職員搖鈴通知，大概一晚只出三次。
即時淋上冧酒及火焰，香氣四溢，內裡是冰凍的雪糕，真是令人吃過不停。
在甜品區，最令兩位囝囝雀躍的首選雪糕。
哈根大師
有Cookies &
Cream、Chocolate、Coffee及草莓四款味道，一家人齊齊都試過了，真開心。
Cream、Chocolate、Coffee及草莓四款味道，一家人齊齊都試過了，真開心。
Chocolate Fountain
屬於迷你版，用朱古力緊緊地包裹水果粒，外層是濃郁的朱古力，而內裡是清甜的水果，美味。
自助班戟機
另外有自助班戟機，只要一按製，等一陣有得食，仲可以加點糖漿。
說起來，單是之前幾樣甜品已經令人飽到上喉嚨，更何況有朱古力蛋糕、芝士餅、甘荀蛋糕、檸檬撻、貝殼蛋糕、葡撻、窩夫及芝麻糊，甜魔一族見到已經開心。
說說笑笑，兩三小時轉眼就過，每天工作勞累，最開心莫過於一家人共聚，祈願大家新一年身體健康。
Facebook專頁 : Café on the 1st
酒店專頁 : The Excelsior, Hong Kong
電話 : 28376781
味道 : 4 環境 : 4 服務 : 5 衛生 : 5 抵食 : 4 位置 : 5
希望各位喜歡這篇文章的朋友，請在我的專頁上剔“LIKE”，當作小小的鼓勵吧!謝謝!