說起來，今個大閘蟹季節就只有在重陽前後，短短的兩星期，真係要食就快手。
坊間有不少食肆供應大閘蟹，但未必滿足到蟹痴，如果可以任食就太好了。
位於沙田帝都酒店的帝玉庭中菜廳，便提供了 $438 (星期一至星期四)
，$468 (星期五至星期日及公眾假期) 任食套餐，日前便拉了幾位朋友去試試。
，$468 (星期五至星期日及公眾假期) 任食套餐，日前便拉了幾位朋友去試試。
套餐
除了任食四款不同味道的大閘蟹外，更會先送上「蟹肉雞茸雪燕羹」 ，舀一下，發覺雞茸夠細緻，蟹肉亦沒有絲毫腥味，最難得玻璃芡埋得超薄，至於置面的雪燕，其實係植物木髓的分泌物，賣相晶瑩剔透，質感與燕窩相近，聽說有潤腸、增強免疫力及調節膠原蛋白等功效，真係食得又睇得。
上年三款大閘蟹是清蒸、麯酒及龍井，而今年取消了龍井味而改為伯爵茶，另外再加上黑松露，總共是四種口味，變化更多。
酒店提供的是太湖四兩左右的大閘蟹，而之前問過廚師，原來今年大閘蟹最佳時機是重陽前後一個星期，最遲大概去到十一月中，所以要食就快手。
未食蟹前，大家亦可飲返杯薑茶，先行暖胃，而店方亦有充足的手套及拆蟹工具，非常方便。
可能上年第一次品嚐麯酒浸大閘蟹，實在令人回味，今次一於打頭陣，一向凍蟹都是以潮式花蟹為主，大廚以紹興酒、五糧醇及香料把蒸熟的大閘蟹浸泡一日，酒香已然滲入蟹身，吃起來肉質甜美，又不失蟹鮮，實在是齒頰留香。
再來是最傳統的清蒸大閘蟹，簡單得在家也可以蒸到，不過話明任食，有時候，錢是要花的，以紫蘇葉墊底去蒸，令蟹身毫無腥味，蟹肚位雪白，就連蟹鉗的毛毛亦沒有污泥，望落已經有信心，揭開蟹蓋，仍然在冒熱氣，真好，雖然未至於爆膏，但入口一陣醇香，口感豐腴，足以合格收貨。
上年的龍井味太淡了，今年大廚玩點新意，改用西式的伯爵茶，但茶味依然單淡，不過部份蟹肉位，依然可以擦覺到茶香的，如果蘸點了陳醋，更加蓋過了茶香。
最新又有創意的黑松露大閘蟹，味道是最濃郁，當然要擺到最後先食，一揭開蟹蓋，發覺有黑松露的香氣在瀰漫，原來是事前拆了蟹蓋，拖過油，再拌以乾蔥、蒜蓉及黑松露炒香，的確夠惹味。
可能 $438 任食實在太划算了，整晚都見侍應不停出蟹，貪得意一問，原來平均每位客人可以消滅到十一隻大閘蟹，也未免太誇張了吧？
老實說，少食多滋味，自己除了四款口味各一之外，再encore一次麯酒浸大閘蟹，前後都不過五隻，啱啱好。
越州花雕 (5年)每樽 $290 每酙 $78
品嚐大閘蟹除了薑茶，最好來一杯醇厚甘香的花雕酒，如果有幾位一齊，個人讚成order一樽，既能慢慢飲，又可以一邊拆蟹，真係雙重享受，若果酒味太強烈，不妨放粒話梅，甜甜地更易入喉。
巴馬火腿焗大閘蟹蓋 ( $12 )
若然客人嫌單調，又可以加錢另點蟹粉菜色，就以蟹蓋為例，都不過是 $12 隻，加入洋蔥及蘑菇，令口感豐富，又真的平靚正。
魚湯浸時蔬 ( $68 )
吃得蟹肉太多，用清甜的魚湯浸莧菜來清清味蕾與及幫助消化，確實是最佳選擇。
生滾沙田雞粥 ( $68 )
單是拆蟹未必夠飽，主食先點了一小窩的雞粥，粥底是廣東式的開米花，既綿且滑，雞件煮得過熟，只是吃粥感覺還好，下少許蔥花提香，不錯。
蟹粉炒絲苗 ( $68 )
雖然只是收幾十蚊，但火喉的確有水準，米飯粒顆分明，四個人啱啱好每人一碗，碟底沒有多餘的油份，蟹粉份量不多，但拆得細心，又沒有吃到碎殼，大滿足。
蟹粉小籠包 ( $88 / 3隻)
想不到小籠包基本功紮實，包皮柔韌有彈性，夾起時毫無穿破，一咬開肉汁豐盈，但略嫌蟹粉味不足。
甜品
薑茶湯丸 ( $38 )
薑味幾強，湯丸很大路，可能之前已經飲過薑茶，感覺只是一般。
帝都果皮雪糕及話梅花雕雪糕 ( $38 )
至於兩款別具特色的雪糕，前者的果皮味太輕，反而後者的話梅及花雕味好夾，加上雪糕的質感，似乎把兩者的味道凝住。
蟹形桂花薑茶啫喱 ( $38 )
可能之前好幾味菜色都帶薑味，這道甜品實在太輕盈了，用馬天尼杯作盛器，置面的蟹形桂花糕跟底下的啫喱是同一樣食物，很難看得出端倪，平白浪費了心思，可惜，當是有薑味的桂花糕算了。
食物是要好好品嚐，其實就算是任食，都不能過了火位，聽聞上年有人一次過吃下40隻蟹，結果要入支撐不了，要送入醫院，豈不是更浪費及辛苦？
Facebook 專頁 : 帝都酒店帝玉庭
酒店專頁 : 沙田帝都酒店
電話 : 2694 3939
味道 : 4 環境 : 4 服務 : 4 衛生 : 4 抵食 : 5 位置 : 4
如果喜歡這篇文章,請在我的專頁上剔“LIKE”,當是給我小小的鼓勵吧!謝謝!