天寒地凍 圍爐取暖 @ 舅父仔火鍋 ( 深水埗 )

早排天寒地凍,最佳禦寒方法就一定係食火鍋,加上近新年又開始凍,不如熱熱鬧鬧食餐火鍋當做團年飯都得。

香港火鍋店林立,想搵間有水準的當然不少,今次就去了隣近深水埗的舅父仔火鍋。

竹蔗茅根水($48)

餐前先飲杯竹蔗茅根水清熱氣打打底,甜甜地又清潤。小食
黃金炸魚皮($68)

朋友未到,選幾款小食傾下計。

炸魚皮加入咸蛋黃,即叫即炸好熱氣,但脆卜卜又點可以放過呢?

黃金炸響鈴(4條$48/6條$78)

同樣以咸蛋黃汁包裹,但質感較鬆軟,佐酒一流。

椒鹽豆腐($58)

一口氣來三碟炸或辣小食,好彩有竹蔗水打底。

火炙薄切鮮牛肉($198)

輕輕炙過的牛肉,肉質不會太老,反而突顯出牛肉的香味。

花膠雞湯鍋(半隻$238/全隻$328)

只得4個人,半隻已經足夠了。

雞湯底的確好鮮甜,半隻雞已好夠食,而且仲有花膠筒,真係好滋補。

鴛鴦雙蚌($148)

是珊瑚蚌及桂花蚌,兩者我都超鍾意。

尤其是兩者都是爽口彈牙,味道又鮮,蘸點一下醬油,滋味無窮。

蟶子皇(時價)

又係勁大隻,洗得好乾淨,一點砂石都沒有,彈牙又甜。

帆立貝($38/隻)

肥大肉厚,所有內臟位都洗得乾乾淨淨,喜歡海鮮的人,一定不會失望。

安格斯頂級牛頸脊($368/大)

海鮮過後就到牛肉登場,香港人食火鍋又點可以無牛?

安格斯頂級牛頸脊只見油花滿滿而平均,簡簡單單的灼幾下就食得,下點醬油就更鮮。

日本A4和牛($388)

近年火鍋常客,肉質會更軟熟,我鍾意。

牛白肉($78)

即是大家所叫的“牛胸油”,又係只宜灼十秒八秒,否則就會好韌。

獅頭鵝腸($118)

勁粗身同大條,油脂並未除淨,反而灼起來有豐富油香。

加上台灣正宗鴨血($58)、蜂巢凍豆腐($48)及五色蔬菜盤($88,今次真係食到捧住個肚走。

地址 : 深水埗福華街39號地舖

電話 : 26887388

      93893998 ( WhatsApp )

IG : foodiephilip

小紅書 : 美食焚化爐

味道 : 4  環境 : 4  服務 : 4  衛生 : 4  抵食 : 4  位置 : 4

希望各位喜歡這篇文章的朋友,請在我的專頁上剔”LIKE”,當作小小的鼓勵吧!謝謝!

http://www.facebook.com/foodiephilip

愉景灣的隱藏美食 @ 牡丹軒 ( 愉景灣 )

或許好多人對愉景灣覺得好遙遠,又要搭車又要搭船,但正正因為環境寧靜自成一國,吸引了不少外籍人士居住,早前就同幾位在愉景灣工作的朋友飯聚。

今次就去了牡丹軒,餐廳比想像中更堂皇,空間感強烈,而且廂房都同樣闊落。

蜜汁黑豚肉叉燒, 清酒一口鮑魚, 脆皮素鵝Appetizer SymphonyBarbecued Iberico Pork Fillet, Chilled Abalone, SakeCrispy Bean Curd Sheet, Spiced Salt

以黑豚肉作叉燒已成了近年趨勢,肉質鬆軟有嚼口是必然的,邊位帶少許焦香,可惜欠一碗白飯。

鮑魚柔韌有彈性,淡淡的酒香令人增添食慾感。

素鵝毫不油膩又有微脆口感。

花膠菜膽螺頭湯Double – boiled Fish Maw Soup, Sea Whelk, Vegetable

火喉十足,螺頭的味道都溶入湯裡,湯色清澈而醇厚。

金湯白玉星班球Simmered Spotted Grouper Fillet, Turnip, Pumpkin Purée

蒸得啱啱好,魚肉細緻嫩滑又無骨,甜美的南瓜湯汁令班片味道更豐富。

懷舊荔茸香酥鴨Deep-Fried Taro Puff, Duck Meat

簡單不花巧,芋茸與鴨肉是天作之合,外層炸至酥香,有水準。

野菌釀北海道南瓜盅Braised Hokkaido Pumpkin, Mushroom, Carrot, Pine Nut,Vegetable, Walnuts, Vegetables

以迷你北海道南瓜仔挖空焗好,放入炒雜菌、甘筍及崧子仁,口感有層次,最重要係夠健康。

瑤柱蛋白炒飯Fried Rice, Conpoy, Egg White

小小的一碗份量恰好,飯粒乾身,炸過的瑤柱絲同菜頭粒,令飯粒更添嚼口,好味。

生磨腰果露/香濃芝麻卷Sweetened Cashnet Soup Steamed Sesame Roll

甜品一式兩款,腰果露幽香甜滑;芝麻卷帶來滿滿的兒時回憶。

地址 : 愉景灣愉景灣愉景廣場1樓153A號舖

電話 : 2215 0833

味道 : 4  環境 : 4  服務 : 4  衛生 : 4  抵食 : 4  位置 : 3

IG : foodiephilip

小紅書 : 美食焚化爐

希望各位喜歡這篇文章的朋友,請在我的專頁上剔”LIKE”,當作小小的鼓勵吧!謝謝!

http://www.facebook.com/foodiephilip

海鮮仲吸引 @ 伍佰 ( 尖沙咀 )

每次去伍佰,目的都當然係食火鍋,但估佢唔到,小菜都同樣出色。

其實伍佰設有廂房,仲有卡拉OK,可以邊食邊玩,真係好正。

頭盤竟然係原條加拿大野生象拔蚌刺身,新鮮貨果然不同,肉質爽彈鮮甜,沾上醬油味道更鮮,無得輸。

再來是石斛杞子燉雞,火喉十足,材料的味道都溶入湯裡,每口都是精華,舌底生津,而且份量夠大,差不多一人兩碗。

未到正題又來正野,就係白灼蝴蝶蜆,大大隻,肉又鮮甜彈牙,可能店主識人拎貨,海鮮類真心覺得好。

上湯焗龍蝦配煎米粉

很多時都會在酒樓食到的菜色,伍佰似乎都不錯,龍蝦爆得幾香,肉質爽彈,最喜歡置底的煎米粉,配上龍蝦汁超美味。

蒜茸粉絲蒸貴妃蚌

畢竟海鮮用蒸的,最能表現出鮮味,蒜茸的香氣,正好與肥美的貴妃蚌契合。

薑蔥焗蟹配腸粉

薑蔥蟹不是什麼令人驚艷菜色,但置底的腸粉蘸滿了蟹汁好惹味,似乎好啱我呢類懶人。

招牌燒乳鴿

押上了店名,可見有信心,鴿皮好香,有微脆,肉質亦不覺嚡,醃得好入味,送酒一流。

帝王瑤柱蛋白炒飯

份量十足,在瑤柱蛋白炒飯的基礎上加入蟹籽,令人更覺矜貴,而且炒得好乾身,不錯。

地址 : 尖沙咀山林道21-23號1及3樓

電話 : 6199 7676

味道 : 4  環境 : 3  服務 : 4  衛生 : 4  抵食 : 4  位置 : 5

IG : foodiephilip

小紅書 : 美食焚化爐

希望各位喜歡這篇文章的朋友,請在我的專頁上剔”LIKE”,當作小小的鼓勵吧!謝謝!

http://www.facebook.com/foodiephilip

手功潮州菜 @ 陳儀興尚潮樓 ( 鰂魚涌 )

剛結婚時蝸居屯門,晚上太太要返夜返,接放學後好多餐廳已關門,唯獨是有一間茶餐廳晚上會轉成[打冷]店,坐在室外,一條大眼雞、一碟蜆肉、一碗韭菜豬紅,再加兩碗潮州白粥,就算在寒風中依然覺得溫暖。

所以多年來同太太對潮州菜有著不可磨滅的情意結。

早前就同朋友走訪了近太古的[陳儀興尚潮樓]菜館。

餐廳除了大廳,亦設有廂房,好啱一班朋友聚會。

餐前先來一杯單欉茶,芳香醇厚,再來是坊間好少踫上的老藥桔,感覺似涼果沖水的味道,天氣乾燥潤下喉不錯。

滷水鵝六寳($488)

以8年陳滷水來泡浸,哪有不好味的道理?

鵝蛋、鵝肉、鵝腸、鵝掌、鵝肝及鵝翼滷得入味而不嗆喉,深邃的香氣,是用時間換來,最喜歡鵝腸的肥大爽口,美妙。

生醃膏蟹($688)時價

用上達一斤二兩的泰國膏蟹,膏位豐腴甜美,以大量刴碎青紅椒及蒜頭來醃製超過一日,雖說用來殺菌,有無效不太清楚,但又真係好惹味,尤其是蟹肉好鮮甜。

魚露花蛤($297)

另一道是以魚露醃製花蛤,潮州人對醃海鮮類真的有一手,大概與他們生活在靠海地方不無關係。

花蛤好大隻,肉質嫩又彈魚露都滲入肉裡,好味。

手工清金鯉蝦($65/隻)

可說是一道蝦中蝦菜色,所以要預訂,先把海蝦打成蝦膠,用來把海中蝦膠包裹,外表加些小聯想成金鯉形狀,口感不錯。

清燉荷包鱔($118/位)

看似一碗湯好貴,但知道工序後便覺合理,先把褪骨鱔肉釀入唐芹、冬菇及火腿,然後用鹹酸菜葉捆綁好,放入預先煮好的豬肉湯底內清燉。

鱔肉炆煮至近乎糜爛,相當對辦,無論湯、肉及鹹菜都消滅了。

荔芋香酥帶子

毫不油膩,餡料幼滑,外層酥化,比起好多中菜廳出色。

魚露金不換炒蟶子

蟶子勁大隻又好肉,陣陣魚露及金不換獨特的香氣,絲毫沒有違和感,必食。

風沙安格斯牛柳粒

以腰果、紅黃椒及炸蒜粒爆炒,食落好香口,用來伴酒好啱。

厚菇芥菜煲

冬菇選得好,真係超厚肉,芥茶亦覺甘甜可口。

潮式糖醋麵

兩面煎得一軟一脆,又是水準示範,下點砂糖同陳醋,口味正宗。

韭菜粿

很傳統的風味,賣相雖然不太討好,但咬落外層煙韌,內裡滿是韭菜的香氣。

招牌反沙芋頭

一道易整難精的甜品,芋頭條給砂糖衣緊緊包裹,內裡軟熟,令人滿意。

地址 : 鰂魚涌英皇道1001號7樓1號舖

電話 : 61883229

味道 : 4  環境 : 4  服務 : 5  衛生 : 4  抵食 : 4  位置 : 4

IG : foodiephilip

小紅書 : 美食焚化爐

希望各位喜歡這篇文章的朋友,請在我的專頁上剔”LIKE”,當作小小的鼓勵吧!謝謝!

http://www.facebook.com/foodiephilip

輕輕鬆鬆的團年飯 @ 粵軒 ( 灣仔六國酒店 )

自己一向都好欣賞六國酒店“粵軒”中菜廳馬師傅的出品,兩個月前幫家姐辦了一場壽宴,由馬師傅親自發辦寫菜單,如果係大家都滿意。

隔了一排,又心思思想食點心,二話不說,就拉了朋友走返轉。

雖說市面生意好差,但“粵軒”中午時段似乎沒多大影響,依然是高朋滿座,氣氛幾熱鬧。

啤梨鹹水角($60)

以菜汁搓成煙韌的皮,賣相亮麗,而且維肖維妙,豬肉碎、蝦米、冬菇及沙葛份量啱啱好,好味。

糖檸叉燒酥($55)

好少地方可以食到,酥皮是鬆化可口,內裡是加入糖檸的叉燒粒,清香甜美,我鍾意。

四寶滑雞扎($60)

自小便喜歡食雞扎,尤其是當中的魚肚,蘸滿了雞汁,一流。

鵪鶉蛋燒賣($60)

近年大家都追求健康,此類點心是買少見少,正是有得食就要食。

鵪鶉蛋半釀入豬肉中,每口都是兒時回憶,豬肉帶些少肥膏更香肉味。

蜂巢天鵝酥($60)

賣相亮麗,在傳統的基礎上作出微調,令造型真的似在湖上的天鵝,芋茸餡料好滑,外層呈蜂巢,口感酥香。

黯然銷魂飯($248)

正好踫上了今季有得供應的最後一日,當然不能錯過,叉燒厚切,邊位焦香,超正,雞蛋煎至燶邊,但蛋黃依然是流心,泰國青靈米加入刴碎的紫洋蔥粒,帶來微微的辛香及嚼口,飯粒夠乾身,把雞蛋戳破,讓蛋漿混和米飯,豐腴的口感簡直是人間美味。

梅菜蒸肉眼筋($178)

很有家常餸的氛圍,肉眼筋是說不出的軟稔,梅菜反而是靈魂所在,鹹度適中,而豉油更是調製過,用來伴白飯無得輸。

上湯豆苗($248)

不時不食,豆苗翠綠嫩滑到一個點,清清味蕾最好不過。

華宙金羅

好一道30年代的名菜,用上油泡螺片、雞片、雲腿及西芹爆炒,享用時蘸點一下蝦醬,令味道加以提升,六國的懷舊菜果真了得。

Facebook 專頁 : 六國酒店

地址 : 灣仔告士打道72號六國酒店1樓

電話 : 28663806

味道 : 4  環境 : 4  服務 : 5  衛生 : 5  抵食 : 4  位置 : 5

IG : foodiephilip

小紅書 : 美食焚化爐

希望各位喜歡這篇文章的朋友,請在我的專頁上剔”LIKE”,當作小小的鼓勵吧!謝謝!

http://www.facebook.com/foodiephilip

傳統星馬風味 環境清幽寧靜 @ 鐵飯碗 ( 灣仔皇悅酒店 )

好快就到新年,大家搵到地方食[團年飯]未呀?

家陣有個好介紹,就係位於灣仔皇悅酒店的[鐵飯碗]中菜廳。

餐廳位於酒店地庫,環境清幽,更設有廂房,帶來了私隱度,而菜色是涵蓋了粵菜及星馬菜色。

望望餐牌,都有好多飲品選擇,先來一杯 Mocktail 的 Kissing on the beach($68),內裡是橙汁、蘋果汁、桃糖漿及小紅莓汁,鮮甜可口,又幾啱自己口味。前菜
話梅蕃茄蕃石榴($98)

蕃茄早已褪去外層,話梅味完全融入,酸酸甜甜好正,而石榴清脆芳香,好快給消滅了。

金沙雲南雞縱菌($108)

天使與魔鬼混合,雞縱菌本身好健康,但卻沾上了薄薄一層咸蛋黃,邪惡到一個點。

馬碲手打墨魚餅($118)

係Q彈的口感中多了馬碲的清爽,煎得亦恰到好處。

蛋黃醬脆鴨絲夾($188)

賣相獨特,夾層間加入蛋黃醬,甜脆夾雜,送酒一流。

皮蛋五香炸肉卷($118)

大廚的煎炸功夫了得,肉卷外層酥脆,而毫不油膩,陣陣五香粉味好突出,皮蛋呈流心狀,個人覺得可以分開食。主菜

馬來黑豚肉叉燒($188)

烤的肉質鬆軟有嚼口,邊位微焦尤其香口,最啱配返碗白飯。

炭燒黑毛豬肋骨($328)

份量勁多,賣相澎湃,肋骨位最正係骨膜位置,滿是油香,炭香味令肉味更盛,火喉亦啱啱好。

香茅煙燻脆皮鴿($88/隻)

一揭開透明蓋,便瀰漫濃郁的煙燻香氣,鴿皮就算擺放了一段時間,依然香脆,鴿肉幼嫩入味,記得拎上手慢慢享受,事後更手有餘香,正。

肥仔芽菜海南雞($438/隻)($238/半隻)

雞肉是預期中的出色,就連胸口位都不覺嚡,芽菜是怡保芽菜,夠認真,醬油當然是三色醬,如果可以配上油雞飯就更吸引。

南洋傳統肉骨茶($128/位)

仗著人多,滿滿的一大煲,腩排、五層肉及冬菇煮至出味,配以油條、黑醬油、紅辣椒粒及蒜泥,但始終覺得用來泡飯更具風味。

江南香煎大頭蝦($188/隻)

原隻勁大羅氏蝦,不單止肉質爽彈,蝦頭位滿是蝦膏,蝦殼亦脆卜卜,不比龍蝦專美。

馬拉盞四大天王($188)

四大天王其實係茄子、臭豆、椰菜花同四季豆,以馬拉盞去炒,真係好香,自己係屋企都經常用來炒菜心同生菜,大家不妨都試下。

檳城福建蝦麵($138)

靈魂在於湯底,濃香的蝦味完美散發,油麵與米粉混和,令口感倍添,配料有雞蛋、魚片及腩肉片,蝦油蓋滿了碗面,每口都是鮮蝦的演奏。

正宗檳城炒貴刁($138)

辣辣地本身已好開胃,最難得係加入豬油渣同炒,油香滿滿,超正。

甜品

一口氣把五款甜品全都點了。

傳統口味的有椰汁芋圓紫米露($68)、清補涼八寳糖水($68)及金銀芋摩摩喳喳($68),都煮得好夠火喉,甜品料都好軟稔。

鴛鴦班蘭椰絲拼($88)

店方名物,外層以班蘭汁搓成,椰絲餡料是預期中香甜幼滑。

貓山王楊枝甘露($138)

在楊枝甘露中加入貓山王榴槤肉,甜香的口感絕對是令人難以忘記。

地址 : 灣仔軒尼詩道33號灣仔皇悅酒店LG2樓

電話 : 2621 3168

味道 : 4  環境 : 4  服務 : 5  衛生 : 5  抵食 : 4  位置 : 5

IG : foodiephilip

小紅書 : 美食焚化爐

希望各位喜歡這篇文章的朋友,請在我的專頁上剔”LIKE”,當作小小的鼓勵吧!謝謝!

http://www.facebook.com/foodiephilip

$500有找 龍蝦任食 初二睇煙花 @ The Haven 再臨閣 ( 尖沙咀YMCA )

自從大家習慣北上消費之後,似乎所有行業都受影響,當中飲食業更是有點寒冬的感覺。

從近日見有好幾間酒店已取消提供自助餐已見一班,但所謂有危就有機,始終Buffet都屬於受歡迎項目,為了吸客,除了減價之外,最佳方法就係加強陣容,而尖沙咀YMCA再臨閣就屬於抵食夾大件類別。

家陣連加一平日都不過$468,而就算星期五、六、日及紅假都只是$499,一張大牛攪掂。

加上地點適中,就近尖沙咀地鐵站,所有坐位靠窗,街景一覽無遺,比起好多酒店優勝。

海鮮

雖然晚餐不用$500,但食物水準沒絲毫下降。

原隻波士頓龍蝦、琵琶蝦、龍蝦鉗、鱈場蟹腳

、藍青口、小龍蝦、砂白同海蝦任食,refill速度又快。

個人幾鍾意食琵琶蝦,因為平日係自助餐好少見到。

波士頓龍蝦又多膏;龍蝦鉗啖啖肉好啱我。

Carving Station

即煎扒老虎蝦,蝦殼香脆,肉質彈牙,當然任食,但每次只可以拎一隻,唯有排多幾次隊。

慢煮鮑魚

煮得好入味,口感Q彈,又係必食。

食肉獸又有燒美國肋骨牛肉燒T骨羊扒

同上次一樣,主食有海鮮叻沙,湯底同樣濃稠帶辛勁,很喜歡豆卜蘸湯後的味道,加上怡保芽菜,更係越食越想食。

前菜

每款都係細細碟,一口一件,幾切合想試多幾款的朋友。

煙黑魚籽雞蛋、水晶肴肉、黑鬆露蜜糖伴芝士

、紫蕃薯柚子沙律球及炸薯絲蝦卷

櫻花蝦豆腐是個人推介,香甜軟滑。

刺身

三文魚、鯛魚、八爪魚及希靈魚,當然仲有什錦壽司。

有家常湯感覺的藥膳瘦肉湯以及甜滑的南瓜湯熱葷

芝士焗蠔

雖然沒有生蠔,但焗蠔都好受歡迎,而且refill得好快。

日式牛肋條

牛肋條、蘿蔔同甘筍同樣炆得夠稔及入味,味道融入湯底,用來伴麵都不錯。

清蒸比目魚

選取中間最肥美肉厚的一段,蒸得啱啱好。

窩巴

其實有點意想不到是窩巴,加入了咸蛋黃,炸得勁香脆而不過火,絲不油膩,簡單但好味。

另外,仲有醬燒雞、魷魚仔墨汁麵、柚子蜜黑豚肉、蜜餞三色甘筍同燒新薯

Cold Cut 及芝士


至於凍肉有沙樂美腸、無骨黑椒豬柳及煙三文魚,個人覺得三文魚夠肥美,煙燻味恰好,不錯。

而芝士有車打芝士、金文畢芝士、藍芝士及高達硬芝士,又有乾果配搭。

沙律

喜歡健康的朋友,可以選擇地中海發達芝士沙律、野菌黑醋沙律及椰菜花米沙律

醒胃的有泰式去骨鳳爪沙律甜品
哈根大師雪糕

雲呢拿、Strawberry & Cream、比利時朱古力、咖啡以及Cookie & Cream,全部都係獨立杯上,絕對衛生。

先講講細細杯既甜品,基本上以花作主調,所以甜品區都以花佢擺設。

迷你版甜品有花彩杯子蛋糕、柚子蜜糖布甸、白桃奶凍、花盆杯以及櫻花水玄餅,最啱心多想試多幾款的客人。

至於整個蛋糕則有香橙西柚蛋糕、鮮花蜜糖蛋糕、蜜糖芝士餅同埋草莓撻

同上次一樣,蛋糕又係靚到大家不想破壞,但只要切開一睇,內裡層次分明,足幾吋高真係好吸引。

又有好少機會食到既暖蘋果撻

即製甜品有心太軟同班戟,加球雪糕,來個冷熱交融是絕配。

太太就比較喜歡中式甜品,桂花小丸子不單有香味,而且丸子有嚼口,幾啱口味。

水果

是日的幾款水果,菠蘿、蜜瓜、哈密瓜同西瓜幾款水果都好甜。

飲品

飲品有綠研綠茶(無糖)及橙汁,當然係free flow啦!

大家更可預訂初二晚,無須同人逼,在YMCA寬廣的天台觀賞當天的新年煙花盛放,一同慶祝龍年的到來。

YMCA專頁 : YMCA

訂檯傳送門 :

https://app.optitable.com/tc/reservation/at/thehaven/

地址 : 尖沙咀梳士巴利道41號香港基督教青年會南座4樓

電話 : 2268 7818

味道 : 4  環境 : 4  服務 : 5  衛生 : 5  抵食 : 5  位置 : 5

IG : foodiephilip

小紅書 : 美食焚化爐

希望各位喜歡這篇文章的朋友,請在我的專頁上剔”LIKE”,當作小小的鼓勵吧!謝謝!

http://www.facebook.com/foodiephilip

兒時夢伴 : Transformers : The Ark ( 將軍澳中心 )

[變形金剛]是不少小朋友兒時的卡通片,當年已大受歡迎,年前更有專門店進駐銅鑼灣,將各色人物化身成一道道美食,而家陣更加在將軍澳立足,開設第二間專門店。

店舖內依然擺放了巨型模型,銅鑼灣店是柯柏文,而將軍澳店則是大黃蜂,正好給大家打卡。

囝囝細個好鍾意睇電影版變形金剛,見佢又啱啱考完試,就拉埋佢去放電。

入門口處見到有三款特惠套餐牌。

先係買任何Pizza,只要加$15,即可配上兩款指定飲品其中一款。

第二款係購買任何漢堡另加$25,就可享指定小食及飲品,夠抵。

至於仲有一個$138套餐,就有齊兩杯指定飲品、沙律、翹薯、脆雞翼及勁脆無敵雞。

其實幾啱不同人數的組合。

店內是太空艙設計,牆上的動畫充滿了動感。

大黃蜂($35)

單點了大黃蜂,內裡是百香芒果,鮮甜味道,幾香。

藍色星光($30)

其實是青檸梳打,屬於套餐中指定飲品,清新的口感,用來平衡一下炸物好啱。

四季冰晴($30)

是苟蒻春茶,同屬於套餐飲品,有苟蒻感覺健康。

漢堡包的選擇都有好幾款,最款的造型都跟變形金剛的標誌有關,製作認真。

店方重點推介相信是安格斯松露($90),牛肉帶肉汁,松露的香味幾強,最開心係個包質地比初開店時鬆軟得多了。

蟹肉牛油果($80)

三種漢堡各有特色,囝囝就比較喜歡蟹肉牛油果漢堡,畢竟帶蟹肉的甜度,而且麵包係加入紅菜頭汁,所以呈嫣紅色,夠特別。

海苔鱈魚($55)

很有趣,鱈魚包是用上了墨魚汁,所以呈黑色,但絲毫無損質感,鱈魚柳亦軟熟,外層微脆,不錯。

除了漢堡包,仲有薄餅提供。

一口氣試了Parma Ham Pizza($78)及黑松露蘑菇 Pizza($78)兩種口味。

同樣地,外形都似變形金剛標誌,用料都豐富,擺滿了薄餅面,但始終非老本行,感覺餅底未夠脆。

前者味道傳統,而後者黑松露味好香。

勁脆無敵雞($50/兩件或$26/一件)

有個重點要講,就係餐廳所有雞類食物,都係選用無激素雞肉,成本貴,但質素有保證,作為家長,對於子女飲食,尤其是食安都係一個重要元素。

雞肉炸得好香口,但一點都不油膩,有水準。

另一款是勁脆爆炸雞粒($30),細細粒,香脆可口,最衰餐廳不設酒水,其實用來佐酒一流。

烤雞翼($26)

雖然只得一隻,睇落好似幾貴,但有方法可以平食,就係上述所講買漢堡包加$25,就有一隻同埋一杯飲品,係咪划算好多呢?

雞翼烤得出色,火喉恰好,而且醃得入味,好正,值得加錢換。

清清地來份方舟沙律($45),澆上橄欖油同醋汁,酸酸地幾開胃。

薯條類有海鹽薯條($30)同埋旋風翹翹薯($30),各有捧場客,但個人比較喜歡後者,至少賣相有點新意。

有囝囝係度,就當然要食雪糕,話就話三種選擇,其實係兩種口味,包括了能量海鹽雪糕($28)、特濃可可雪糕($28)同海鹽朱古力扭紋雪糕($28)

個人始終喜歡特濃可可的甘甜冰凍。

其實仲有兒童餐($85)已經包埋芝士通心粉、勁脆雞粒、海鹽薯條以及蘋果汁。

Facebook 專頁 : Transformers : The Ark

地址 : 將軍澳唐德街9號將軍澳中心1樓130-132號舖

IG : foodiephilip

小紅書 : 美食焚化爐

味道 : 4  環境 : 4  服務 : 4  衛生 : 4  抵食 : 4  位置 : 3

希望各位喜歡這篇文章的朋友,請在我的專頁上剔”LIKE”,當作小小的鼓勵吧!謝謝!

http://www.facebook.com/foodiephilip

新店速遞 @ Auntie Malay 安娣瑪萊 ( 尖沙咀海港城海運大廈 )

諗諗下,其實自己好多國家既菜都喜歡食,而今次就到訪了最近開業的 《auntie MALAY安娣瑪萊》。

原來餐廳主廚 Chef Han來頭絕不簡單,曾經在米芝蓮一星L’Orangerie及馬爾代夫四季酒店任職,實力已得到認證。

話梅蜂蜜梳打($48)

餐前先來一杯滿有熱帶風情的話梅蜂蜜梳打,酸甜夾雜,清新怡人。

迷你魚醬蝦米春卷

至於餐前小食就好得意,迷你版春卷,外層非常脆口,內裡是魚醬蝦米,辣辣地好惹味。

焦糖脆魚皮

再來的脆魚皮是加入了焦糖,既甜且香,咬落脆卜卜,佐酒最啱。

蟹肉雜菜薄餅卷

將蟹肉、甘筍絲及雜菜絲以薄餅皮緊緊卷起來,連同炸得香脆的櫻花蝦一齊食,滋味無窮。主菜

蠔仔塔塔蛋餅

無論口感同賣相,都跟潮式蠔餅近似,如果將雞蛋換成鴨蛋就更好了。

亞參酸辣沙巴仔配黃金油條

整道菜其實醬汁才是靈魂所在,蝦湯底加入羅望子、南薑、薑花及叻沙葉去煮,用來蘸點原條沙巴龍躉仔,肉質嫩滑,味道酸辣,好惹味,仲要配埋油炸鬼,夠晒邪惡。

仁當牛面頰肉 配 燒肉鬆糯米飯卷

牛面頰肉非常軟稔,尤其是醬汁香辣,拌和煙韌的糯米飯,好味。

芥蘭. 二食(蒜炒及脆炸)

芥蘭當造,爽脆的口感我鍾意,而脆炸有點新鮮感。

海南雞鑊仔飯

將海南雞飯重新包裝,飯底以平底鑊上,香茅置面令味道更具南亞風情,飯粒中加入牡丹蝦乾、芋頭及臘味,再澆上蔥油,飯粒更香口,但個人覺得油份似乎太多了。

雞肉是預期的嫩滑可口,跟油飯是絕配。

dessert

三款甜品中,就以班蘭咖椰多士最得我心,厚麵包烘得香脆,內裡的班蘭吉士醬,軟綿香滑,其實好啱配杯香濃咖啡。

另一款是薑汁焦糖布丁,以開心果碎及炸麵包粒伴碟,再淋上薑汁,用辛勁來平衡甜膩的感覺。

說到甜品,當然少不了娘惹七彩香蘭糕,丁方大小方便享用,班蘭的味道好出,但感覺有點粉質。

地址 : 尖沙咀廣東道3-27號海港城海運大廈地下G16號舖

電話 : 21103533

味道 : 3  環境 : 4  服務 : 4  衛生 : 4  抵食 : 4  位置 : 4

希望各位喜歡這篇文章的朋友,請在我的專頁上剔”LIKE”,當作小小的鼓勵吧!謝謝!

http://www.facebook.com/foodiephilip

上海韓風 @ 夜上海 ( 尖沙咀維港文化匯K11 Musea )

作為米芝蓮一星的夜上海菜館,當然是個人心目中想一親芳澤的餐廳,早前就有同朋友走訪過一次。

見時間尚早,先在頂層的露天酒吧來一杯 Cocktail 聊聊天,摸下酒杯底消磨時間,說真的,已很久沒這樣放鬆過了。

夜幕低垂,是時候落返下一層用餐了。

餐廳時尚中不失典雅,廂房、圓檯及卡座,適合不同的客人,空氣中跌宕著鄧麗君優美悅耳的歌聲,很喜歡這種氛圍。

餐廳近推出了韓風暖蔘套餐($2880 / 4位),連加一服務費,算來大概$800位,畢竟是尖沙咀旺區,而且有米芝蓮一星加持,已算合理了。前菜

XO醬涼拌韓國茄子

幾款前菜中最喜歡的一道。

茄子並不盲目碎上,而係撕成一條條,灼熟後放上自家製的XO醬,吃得出茄子的爽口,又有XO醬的微辣,又食得幾開胃。

蔥油海蜇頭

在上海菜館很常見的前菜,海蜇頭當然比海蜇絲更爽彈,拌和蔥油更加令人吃過不停。

鎮江肴肉

畢竟是上海菜館,肴肉是好難失手的前菜,個人覺得就算不蘸點陳醋,依然能吃得出肉香。

韓國人蔘佛跳牆

佛跳牆飲過好多次,但加入新鮮人蔘又真係未試過。

每口湯除了鮑魚花膠等食材的味道,更有人蔘回甘的餘韻,呷兩口已經覺得整個人有點發暖,效果真好。主菜


蟹粉釀蟹蓋

起初仲以為係真蟹蓋,原來是美麗的誤會,只係象真度高。

蟹粉拆得細心,吃不到半點碎殼,入口豐腴滑溜,喜歡的可以下點陳醋來提鮮。

燒汁炒韓牛

以韓國食材作主打,又點可以無韓牛?好多時睇韓國綜藝節目,大家你爭我奪都係為了一包韓牛,足見其地位,今次仲要係用上1++級別,份量大約每碟160G牛肉,賣相雖然平實,但肉質確實鬆軟有嚼口,牛味濃,以燒汁爆炒更覺惹味,就連青椒及雜菌沾上了肉汁就份外可口。

酒釀蒸銀鱈魚

酒香四溢,與銀鱈魚豐腴的油香不謀而合,大廚在火喉的控制真有一手,厚厚的一塊魚肉,熟透而不過火,正。

鮮百合炒韓國翠玉瓜

想不到韓國的翠玉瓜是嫩到一個點,簡單的配以鮮百合去炒,清清地好好味。小食

韓國泡菜豬肉鍋貼

煎得底部色澤金黃,微脆口感相當對板,一口咬下,傳來泡菜的辛辣,我鍾意。

吃著吃著,大家意猶未盡,一口氣追加了炸子雞

、奶油津白、特色崧子魚、鮮肉小籠包及蔥油開洋拌麵

炸子雞是非常出色,連雞胸位都毫無過火。

崧子魚外脆內嫩,甜甜酸酸的令人好開胃。

奶油津白軟稔入味。

小籠包即叫即蒸,夾起不破穿,有肉汁又夠鮮。

蔥油麵有嚼口,醬汁是靈魂,調較得鹹甜適中,又有豐富蔥油香味。甜品
韓國人蔘燉雪梨(每位)

用上足足半個去核雪梨,夠清潤,既有雪梨的清甜,又有人蔘的回甘,近日天氣乾燥,又真係好啱。

Facebook 專頁 : 夜上海

地址 :   尖沙咀梳士巴利道18號維港文化匯K11 Musea 7樓702號舖

電話 :   2376   3322

IG : foodiephilip

小紅書 : 美食焚化爐

味道 : 4    環境 : 5  服務 : 5  衛生 : 5  抵食 : 4     位置 : 5

希望各位喜歡這篇文章的朋友,請在我的專頁上剔”LIKE”,當作小小的鼓勵吧!謝謝!

http://www.facebook.com/foodiephilip