就快又到萬聖節，相信大家都同意海洋公園的萬聖節活動是最貼題同好玩，真係夠癲同嚇餐死，但又令人欲罷不能。
早前生日入過去一次（因為免費嘛），見已經初具規模。近日同朋友再走了一轉，有部分大型場景已佈置好。
在園中已經有“黑白無常”在園中穿梭往來，跟園遊客互動。
又有小型攤位遊戲，送上貼紙、糖果及園中優惠券，而幾大場景區亦已經蠢蠢欲動，氣氛滿滿。
晚上就選來了Ginger Grill食泰國菜。
說到底，餐廳價格以主題公園而言是合理的。
餐前先來一杯甜美芳香的“翻天覆地”，賣相又幾攪鬼。
其實泰式沙律真係好啱心意，尤其是加入了新鮮柚子肉，令口感不會太乾身，這個泰式柚子沙律（$108）仲要加上了車厘茄，不錯。
泰國菜當然有串燒，雞與豬各三串（$138），烤得啱啱好，邊位沒太多焦香，肉質亦不覺乾及嚡口，沙嗲醬亦顧及大眾口味，沒有辣度，但個人覺得有少少辣會更加刺激味蕾。
至於香煎三文魚扒（$248）真係好大塊，而且明刀明槍，毫無花巧，兩邊煎至微微焦香，但中間肉質呈艷麗色彩，質地粉嫩，好有slow cook的感覺。
泰菜中有好多款湯都啱我，這個炭燒大蝦酸辣湯（$138），有兩隻偌大的虎蝦，最欣賞是背位預先割開，並把蝦腸取出，蝦味可以滲入湯裡，講真，個湯似乎仲吸引。
炭燒東龍鯛配泰式汁（$248）是近日大熱菜色，原條環保海鮮烤至魚皮焦香，食之前澆上新鮮檸檬汁，配以羅望子汁及薄荷汁，滋味滿分。
單尾是泰式大蝦炒金邊粉（$208），放上兩隻大虎蝦，更加霸氣，粉條炒得均勻，好有泰式風味。
壓軸的甜品分別是椰汁千層糕（$68）、芒果西米千層糕（$68）以及香芒糯米飯（$98）。
前兩者口感Q彈，甜度比預期中輕盈，真的不錯。
其實餐廳又不算貴，六點後入場仲有免費泊車，如果係市區，等位都有排，一陣想偷雞泊，隨時食牛肉乾，仲得不償失，就算搭地鐵入去，係金鐘都係一個站，仲快過出旺角
Facebook 專頁 : Ocean Park
官方網頁 : 海洋公園
地址 : 黃竹坑海洋公園海濱樂園夢幻水都
電話 : 3923 2323
味道 : 5 環境 : 4 服務 : 5 衛生 : 5 抵食 : 4 位置 : 4
希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!