近日尖沙咀凱悅酒店推出的半自助午餐，真心覺得抵食，講真，家陣除了雙餸飯仲可以幾十蚊有交易外，去得茶餐廳同人逼都要一百幾十，仲要環境、服務及食物質素都未必合心意。
先講講價錢，這個平日半自助午餐（每位$218），如果想喝上一杯氣泡酒釀（每杯$88）
，紅/白酒（每杯 $68）而啤酒釀（每樽 $48）。
大家可以去自選沙律吧，挑選雜菜沙律、菠菜葉、羅馬生菜、粟米、洋、蔥黑水欖、雞心豆、麵包粒及車厘茄，來一個DIY沙律，當然係free flow，食幾多都得。
喜歡既，仲可以加入煙三文魚，然後澆上柚子沙律汁、千島醬、凱撒沙律醬或芝麻汁，炮製一個專屬口味既沙律。
最難得係連芝士都有。
餐包當然會有啦！
而是日餐湯是蘑菇湯，陣陣菇菌香味，濃稠又滑溜，正。
記住，上述食物係free flow。
而主菜可自選以下一款套餐：
是日亮點一定係金銀蒜清蒸原隻波士頓龍蝦（另加$100），用的是新鮮貨，肉質爽彈不在話下，更加係選用可持續發展海鮮，比多$100都覺得值。
中菜當然配上絲苗白飯同烚蔬菜，前菜係麻辣雲耳，仲有時令水果，實在好豐富，尤其是粉絲蘸上了龍蝦汁，真係好惹味。
燒美國牛扒配薯條（蘆筍、燒蒜頭、紅酒燒汁、時令水果）
放係晚餐，基本上係 Fine Dining，牛扒燒至medium rare，中間呈嫣紅的色澤，肉味濃香有嚼口，薯條即叫即炸，外脆內軟，配埋燒蒜頭，真係好正。
扒挪威三文魚配檸檬牛油汁
（配薯蓉、蘆筍、燒車厘茄、時令水果）
喜歡食魚的大可選擇三文魚扒，魚皮煎得香脆可口，魚肉又夠嫩，與檸檬牛油汁更是絕配，伴碟又有幼滑的薯蓉以及多汁的車厘茄，不錯。
印度牛油雞
（配薄荷醬、青瓜乳酪醬、印度烤餅、印度薄脆餅、時令水果）
有時候熱熱地無乜胃口，就會想食咖喱，牛油雞煮得好入味，辣辣地好開胃，仲可以有薄脆餅同烤餅，用來蘸點咖喱汁啱啱好。
海鮮意粉配辣番茄忌廉汁
（配時令水果）
最鍾意食意粉有 al dente 的感覺，而今次又真係食到，已經有好感，加上配料有蝦肉、蜆肉及青口，都好大隻，份量又足，有時候係街外食到體形似蝦毛淡菜size，真係哭笑不得。
其他菜色仲有日式魚生飯（配三文魚、吞拿魚、帶子、八爪魚、蟹肉、飛魚子、中華沙律、時令水果）、印度菜咖喱（配薄荷醬、青瓜乳酪醬、印度香料飯、印度薄脆餅、時令水果）以及乾炒牛河（配麻辣雲耳、時令水果）。
自選甜品櫃
凍櫃有New York cheesecake、紅絲絨蛋糕、栗子忌廉蛋糕、黑森林蛋糕、桂花啫哩、焦糖燉蛋、茉莉奶凍以及芒果布甸。
當中焦糖燉蛋更是即製。
天時暑熱，又可以食返杯雪糕。
仲有即製窩夫，喜歡的話，大可加球雪糕，又可以澆上芒果醬、草莓醬、朱古力醬、楓糖醬或香橙牛油，悉隨專便。
想輕食的，不妨來一片伯爵茶曲奇或朱古力曲奇，用來配杯熱咖啡。
酒店專頁 : Hyatt Regency Hong Kong, Tsim ShaTsui
地址 : 尖沙咀河內道18號香港尖沙咀凱悅酒店大堂樓層
電話 : 3721 7700
IG : foodiephilip
小紅書 : 美食焚化爐
味道 : 4 環境 : 5 服務 : 5 衛生 : 5 抵食 : 4 位置 : 5
希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!