《環迴深圳》結婚31周年之旅續篇 湖光山色一覽無遺 @ 觀瀾湖新城及東莞觀瀾湖

結婚之旅踏入第二日,早上食過早餐後,再去健身室踩單車,便出發去觀瀾湖新城站。

話分兩頭,家陣深圳四通八達,出入勁方便,使費又平,同90年代時,巴士仲係熱狗無冷氣,完全係兩回事。

其實喺疫情之前已經同仔仔去過深圳觀瀾湖, 當時未有地鐵要喺皇崗口岸坐shuttle bus過去, 事隔多年今日再去觀瀾湖站附近發覺變化不大,只是人流更多,但今次走遠一點,去另一間位於東莞的觀瀾湖酒店。

雖然睇好似好遠,其實大家可以喺觀瀾湖新城有專線巴士直達東莞觀蘭湖酒店門口。

東莞觀瀾湖酒店位於國家5A級旅遊景區之內,空氣特別清新,而且比較寧靜,最啱愛享受大自然的朋友。

房間大部分都是面向山景及湖景,非常開揚。

而且每一間房間都有一個小露台, 大可以沖杯茶慢慢欣賞湖光山色。

雖說觀瀾湖酒店已有一段時間但房間都不覺得殘舊,可能是維修工作做得好吧!

跟深圳的觀瀾湖渡假村一樣,除了主題的哥爾夫球活動外,有勁多適合小朋友的地方。

先有偌大的遊戲室,有3D立體打卡位,電子遊戲室、波波池及角色扮演位。

室外有釣魚區及小動物樂園,大家可以買龜糧、魚糧或鳥糧餵飼,真係好啱小朋友。

觀瀾湖官網

最難得係今年仲加設比小朋友玩既夏令營,仲要有好多特別項目,例如滑雪同無人機班,理論同實踐都有,仲要有專業導師指導,我身邊真係有朋友參加過,覺得好好玩,今年報埋其他班,今個暑假可以好充實。

有關報名同詳情,可以睇官網又可以係WhatsApp問。

WhatsAppo傳送門 : 

https://chat.whatsapp.com/DuWEcx0gSmZ5LIzXauBrSt

觀瀾湖是已打哥爾夫球聞名, 酒店有很多商店售賣各種哥爾夫球服飾及用品。

是日天氣好好當然要去打哥爾夫球, 酒店方面提供有專用哥爾夫球車搭載客人前往各個訓練場地,如果是初哥,酒店是可以提供專業導師的。

係絕對空氣清新的環境下打哥爾夫球,自然心曠神怡。

晚上就係酒店餐廳 Melange  享用一頓豐富的晚餐。

簡單介紹一下是晚食物。

亮點是戶外BBQ,先要推介燒生蠔,加上辣椒蒜蓉,惹味到一個點。

烤原隻乳豬、燒春雞、牛扒、豬肋及德國肉腸,仲有烤魷魚鬚及雞軟骨,炭香跟肉香四溢,運動了一整天,食慾當然好。

湯類有濃稠的蘑菇湯跟鮮甜的鮮魚湯。

海鮮有熟蝦 、翡翠螺、青口及墨魚仔。

熱葷都好多選擇,但多數是中菜,例如是茶樹菇炒牛肉同蝦頭油菠蘿海鮮炒飯個人就好鍾意。

而飲品都勁多橙汁、澳洲金芒果、草莓汁、紅酒、啤酒同汽水,想點飲都得。

而最開心就係有live band,好多舊歌都耳熟能詳,勾起不少回憶。

第二朝起身可以去千樹里餐廳享用豐富嘅早餐,可能是日係平日,所以餐廳人數不多,但食物依然保持質素。

先來一份即煎雙蛋,再加一份奄列,配以一杯香濃的紅茶,很滿足。

其實仲有粥粉麵飯、沙律、奶類及包點,種類比起深圳觀瀾湖是更多。

早餐過後,聽說附近有個“秘密花園”,信步過去來回大約45分鐘,反正空氣清新,正好當作是晨運。

退房後可乘坐穿梭巴士返回深圳觀瀾湖新城。

難得可以玩足三日一於去盡。

午餐就去了一間滿有懷舊氣息的餐廳“筷樂記”。

有時真係高估了自己食量,因為點了招牌生炒骨、梅菜心蒸芥蘭、砂鍋魚頭煲、脆炸龜苓膏、脆皮芝麻雞、南薑焗桂蝦及西洋菜陳腎生魚湯。

兩個人只係消滅了7成,個人推介芝麻雞、魚頭煲及生魚湯,非常有水準,會另文介紹比大家。

天熱十實在太熱,一於入去卡魯冰雪天地,感受一下冰天雪地的感覺。

場內有齊所有禦寒衣物及滑雪用品,大家無須自備,而隨身物品又有儲物櫃提供,大家可安心去玩。

冰雪天地內有專用的滑雪區,又有小朋友玩樂的冰滑梯、堆雪區及剷雪區,太凍又或者肚餓又有溫室用餐,真係照顧周到,難怪好受歡迎。

仲記得上一次同囝囝玩過手功藝班,同一場地近日更有“ 當代藝術交流展”, 大家可參觀一下。

而自己今次同太太就去了 ”彩繪工坊”,親手製作了彩繪紙扇,過程有專業導師講解同指導,一學就識,都幾好玩。

回程當然係搭返地下鐵,家陣真係好方便。

結婚31周年之旅在二人世界中度過,期待32周年的來臨。

Facebook 專頁 : 觀瀾湖度假酒店

酒店專頁 : MISSION HILLS

地址 : 廣東東莞塘廈鎮大坪林坪路

想知道更多深圳資訊 :

深圳美食玩樂團(更新版)

大灣區吃喝玩樂齊分享

小紅書 : 美食焚化爐

IG : foodiephilip

希望各位喜歡這篇文章的朋友,請在我的專頁上剔”LIKE”,當作小小的鼓勵吧!謝謝!

http://www.facebook.com/foodiephilip

發佈留言

發佈留言必須填寫的電子郵件地址不會公開。 必填欄位標示為 *