6 月, 2024 - 美食焚化爐

親民價下午茶 @ Mall Cafe ( 尖沙咀YMCA )

是日太太休假，跟她出外走走，但下午時段的尖沙咀簡直是一個火爐，二話不說就拉了入YMCA的 Mall Cafe。

上幾個月前同朋友來過食下午茶，當時覺得餐廳的泰國菜有水準，而且變化又多，如果下午茶可以用泰國菜色作主題，未嘗可以帶點新意。

平日的下午時段人流不多，大多是酒店住客，氣氛寧靜舒適，最緊要係冷氣夠凍。

下午茶大概分為兩類，一是三層架的泰式下午茶，而另一款是粉麵或小食為主，選擇都多。

［泰滋味］下午茶

HK$348（另一服務費兩位用）（星期一至五、公眾假期除外）

HK$368（另一服務費兩位用）（星期六、日及公眾假期）

泰式炸蝦餅

很常見的泰式小食，炸得熱辣辣上檯，外酥內彈，沒得挑剔。

泰式咖哩豬肉酥盒

賣相不錯，酥盒亦鬆化，咖哩豬肉粒好香口，如果配啤酒更正。

雞肉沙嗲串

又是一道自己由細到大都鍾意食的小食，尤其是回想起學生時代企係街邊食的光景，家陣可以舒舒服服嘆住冷氣食，雞肉醃得好入味，又有沙嗲醬加埋，惹味到極。

泰式蝦沙律開面治

原隻蝦仁加上甘筍絲、青瓜及生菜，放在多士上，口感清新怡人。

泰青檸香茅芝士餅

既有青檸的清香，又有香茅獨特的氣味，再加上芝士的幽香，三者截然不同風格，卻又可以共存，幾有趣。

泰式奶茶布甸

真的好香奶茶味，質感亦覺滑溜，加上置面的珍珠，好明顯是一杯食得既珍珠奶茶。

紫番薯卷蛋

質地鬆軟，紫番薯慕絲好重手，但食落又不覺膩。

南瓜椰汁糕

很有亞熱帶風味，口感煙韌，甜度啱啱好。

榴槤波波

炸得外層色澤金黃，咬落香脆，內裡的榴槤陣陣幽香又軟熟，水準之作。

Cranberry scone

很喜歡撕開兩半，各自塗上 clotted cream 及果醬，可以同時享受兩種風味，正。

椰香冰咖啡

下午茶可以配上的特飲，椰奶下得重手，而且偏甜，大概亞熱帶的飲品都多數甜度較高，但咖啡與椰奶很匹配。

意猶未盡下，再係精選下午茶中追加一份“越式牛油雞翼”。

一份足足有六隻，仲要比平日見既大隻好多，都係賣緊$78，蘸上脆漿去炸，上檯時仍帶熱氣，好味。

飲品就建議來一杯凍青檸蜜糖梳打，天氣太熱，正好令人透心涼。

Facebook專頁 : YMCA

地址 : 尖沙咀梳士巴利道41號香港基督教青年會地舖

電話 : 2268 7819

味道 : 4 環境 : 4 服務 : 5 衛生 : 5 抵食 : 5 位置 : 5

希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!

http://www.facebook.com/foodiephilip

《環迴深圳》驚喜東南亞菜 @ 開唐餐廳 ( 深圳前海JEN 酒店 )

今次結婚周年之旅，選擇了前海的Jen作為其中一站，早餐及晚餐已在住宿篇介紹過，當天午餐其實在“開唐餐廳”享用。

餐廳以 open kitchen 形式運作，室內設計較時尚，稍微泛黃的燈光令人感覺舒服，遇上風和日麗的天氣，大可考慮在室外用餐。

而望望餐單，是主打東南亞菜色，比起好多深圳酒店走地方菜是有所不同。

先來兩杯特飲，輕輕鬆鬆嘆下冷氣，其實都幾舒服。

泰式班蘭葉炸雞（￥75）

雞肉有嚼口，醃得非常入味，外層班蘭葉炸至脆卜卜，但油份卻又不覺多，好香班蘭味，不過就好啱配啤酒。

新加坡喇沙湯粉（￥92）

湯底好濃稠，辣辣地又滿有椰香，大蝦、雞肉、魚片、雞蛋及豆卜，湯粉質地滑溜，掛滿了湯汁就更惹味。

泰式沙拉配牛肉（￥58）

雖然簡單，都不外乎是牛肉片、青瓜絲、車厘茄、青檸及蒜粒，但酸酸地好開胃，牛肉片亦軟熟可口。

仁當牛肉（配四塊千層餅）（￥108）

吃過泰國及新加坡菜色之後，再來是印尼菜色，仁當牛肉煮至軟稔，帶點肉絲的感覺，辣辣地幾刺激味蕾，釀入千層餅一齊食，更加有層次感，我鍾意。

馬來西亞桑巴醬豆角（￥58）

人大了，就更加注意健康，每餐飯都習慣了加入菜蔬，豆角煮得好稔及入味，滿有特色的桑巴醬越食越想食，如果配碗白飯會更啱心。

Facebook 專頁 : JEN Shenzhen Qianhai by Shangri-La

地址 : 廣東省深圳前海深港合作區前灣一路399號南山區

電話 : +86 755 8898 8988

想知道更多深圳資訊 :

深圳美食玩樂團(更新版 )

大灣區吃喝玩樂齊分享

小紅書 : 美食焚化爐

IG : foodiephilip

希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!

http://www.facebook.com/foodiephilip

《環迴深圳》結婚31周年之旅 @ 深圳前海JEN酒店

( 謝美女職員提供 )

同太太結婚超過30年，今年不想跑得太遠去慶祝，但又想過二人世界，今次就選擇了位於前灣站的深圳前海JEN酒店。

Jen是上年3月開業，算起來都是一年左右，所以設施都好新淨，而且走的是時尚路線，一入大堂，右手邊是大堂咖啡廳，而左邊是“前海精釀”酒吧，五樓則是“開唐餐廳”及”KOAN”酒吧，算起來都有好幾間餐廳供選擇，不錯。

因為想避開過關人潮，所以早到，見未可以 check in 就先行係“開唐餐廳”用餐。

餐廳走東南亞路線，食物都好大件夾抵食，味道亦相當對辦，遲些少再同大家分享。

今次入住的是“經典客房”，面積大約300呎，不設水吧，而有直接飲用水設備，仲要有無線電充電，果然與時並進。

窗外景觀可以遠眺前海歡樂港灣的摩天輪，但正中位卻給另一座高樓遮擋了，看不見海岸線的景色，未免有點可惜。

其實酒店每層都設有共享空間，住客可憑房卡每天享用兩杯咖啡，想吃點零食，又有一部自助售賣機，非常方便。

只可以說酒店設施可以用新及專業去形容。

自己都去過好多五星級酒店，但論健身室的規模及設備，恐怕都以Jen最強勁。

健身中心佔地達2400米，有擂臺的健身室見過未？有投影大銀幕的單車機見過未？仲有好多專業導師提供服務以及有勁大多用途健身室，至於健身設備好多都未見過。

而泳池更加係有露天同室內恆溫兩個，正到無倫。

更衣室內設有乾濕兩間桑拿房，喜歡邊一款都得。

同職員傾多兩句，特意介紹海邊位的日落咸蛋黃景色，真係靚到絕。

見距離晚飯仲有時間，如果想四圍行下，附近就比較靜，而酒店方面假日會安排專車去山姆，其實都幾方便。

至於山姆有幾多野買，只要去過既都知，消磨兩三個鐘完全不成問題。

不過返酒店就要搵網約車或者的士了。

晚餐就係“前海精釀”酒吧。

一間充滿美國風的酒吧，入門口處擺放了一張正式的美式桌球，喜歡玩兩手的可自便。

翻看餐牌，如果不是點牛排的話，好多菜色都係一百幾十，都幾相宜。

去得酒吧，當然要同太太飲返兩杯慶祝結婚周年。

一 set tasting puddle 都只是￥88，已經包括了8杯（120ml）不同口味的自釀啤酒，每款啤酒都有卡牌詳細介紹酒精度、苦度及色度，非常有趣。

前菜先來一份有齊牛油果、雞肉、車厘茄、生菜及雞蛋的 Cobb沙律，正好清清味蕾。

再來是滿有墨西哥風情的肉醬玉米片，不過真係超大份，玉米片好脆口，舀起牛油果茸、蕃茄醬及水瓜榴，食落好滋味。

主菜就選了QBC招牌澳洲M5和牛芝士漢堡，芝士竟然有拉絲效果，漢堡亦好厚身，同太太share啱啱好。

而伴碟的薯條是即炸，鬆脆可口，色澤金黃，好正。

意猶未盡，追加了馬來西亞走鬼烤雞翼，其中一截放在煙燻爐上，令雞肉好香口，醃得好入味，又係佐酒一流。

最開心係一到晚上，就會有 live band，兩杯落肚，人帶點酒意，歌聲也感到份外悅耳動人。

一宿過後，早餐係5樓“開唐餐廳”。

客人可以選擇室內或室外享用，但是日有點微雨，想感受一下陽光都不容易。

早餐是自助餐形式，單是蛋類已經有班尼廸、奄列、煎蛋、烚蛋及滷水蛋。

中式有齊牛腩或蕃茄蛋湯麵、中式點心、粥品、炒麵飯及豆漿類。

而西式有煙肉、火腿、腸類、烤椒及沙律，仲有甜品及包點類，都好豐富。

食得飽飽就梗係去健身室踩下單車出身汗。

之後返上房沖涼，之後就執好行李準備轉場去下一個充滿園林氣息的酒店。

Facebook 專頁 : JEN Shenzhen Qianhai by Shangri-La

地址 : 廣東省深圳前海深港合作區前灣一路399號南山區

電話 : +86 755 8898 8988

想知道更多深圳資訊 :

深圳美食玩樂團(更新版 )

大灣區吃喝玩樂齊分享

小紅書 : 美食焚化爐

IG : foodiephilip

希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!

http://www.facebook.com/foodiephilip

黃偉成師傅至臻品味套餐 @ 星宴 ( 尖沙咀港鐵九龍站香港W酒店 )

早排經常食自助餐，實在好豐富，減肥計劃恐怕又是天方夜譚，今次食得精緻一點，同朋友試試W Hotel 中菜廳星宴行政總廚黃偉成師傅的菜色。

餐前送上的漬冬瓜粒酸酸甜甜的好開胃，原來是用上了橙汁去泡浸，好啱我。

Chef Simon Wong’s Degustation Menu

黃偉成師傅至臻品味套餐

STARTER

冰煙滕椒蟶子

Ice-smoked Razor Clams with Sichuan Peppercorns

視覺效果一流，陣陣以乾冰營造出仙氣縈繞的感覺，選用新鮮蟶子碎上，加入了滕椒，多添一份辛勁。

炭燒西班牙黑豚肉叉燒

Barbecue Iberico Pork

叉燒烤得恰到好處，鬆軟有嚼口，蜜味不會過重。

桂花蜜汁香煎金蠔

Pan-fried Semi-dried Oyster with Osmanthus Honey

很久沒吃過如此具水準的金蠔了。

金蠔肉質柔韌富彈性，煎香後蘸上桂花蜜，甜美可口，放上少許桂花，望落更添觀賞性。

SOUP蜜瓜天籽蘭花燉花膠湯

Double-boiled Fish Maw Soup with Melon and Orchid Seeds

甜美清潤的湯水，湯色清澈但好夠火喉。

MAIN

海鮮汁脆皮釀遼參

Braised Crispy Kanto Sea Cucumber Stuffed with Pork and Shrimp in Superior Seafood Sauce

以禪衣式手法處理遼參，薄薄的一層脆漿，完美地包裹著，內裡釀入了蝦膠，令口感更佳，而置底的蟹黃沾上了更是滋味。

蔥香芥末炒澳洲和牛粒

Wok-fried Australian Wagyu Beef with Scallion in Wasabi Sauce

和牛粒很常見，爆炒亦很多時會遇上，但以中日元素夾雜就好少見，既有蔥油的香味，又有芥末的辛勁，正好平衡了油膩的感覺，不錯，但最精彩係置底的金盞其實係由銀魚仔壓成。

窩燒帶子脆紅米飯

Fried Beetroot Crisp Rice with Scallop in a Clay Pot

店方名物，以紅菜頭泡浸過的米，煮好後混入脆米及帶子，不單令色彩繽紛，口感更是層次分明，既有嚼口，又有帶子幼嫩的質感，美味。

DESSERT

黑糖桃膠薑汁奶凍、金箔新疆棗皇糕

Milk Pudding with Peach Gum and Brown Sugar in Ginger Sauce,Steamed Xinjiang Red Date Pudding

很喜歡奶凍的薑味好重手，質感亦好輕滑，配上甜美的黑糖以及健康的桃膠，滿意了。

棗皇糕咬落好Q彈，棗味好突出。

Facebook 專頁 : W Hong Kong

酒店專頁 : W Hotels

地址 : 尖沙咀柯士甸道西1號港鐵九龍站香港W酒店1樓

電話 : 3712 2848

味道 : 4 環境 : 5 服務 : 4 衛生 : 5 抵食 : 5 位置 : 5

IG : foodiephilip

小紅書 : 美食焚化爐

希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!

http://www.facebook.com/foodiephilip

遊水龍蝦放題海鮮陣容罕見 @ Cafe Too ( 金鐘港島香格里拉酒店 )

若果你係海鮮控，我諗港島香格里拉 Cafe Too 一定可以滿足你。

酒店大堂一角，擺放了兩個大魚缸，內裡全是鮮蹦活跳的波士頓龍蝦及大頭蝦，夠吸引了吧？

原先放燉湯的位置，已經改為擺放蒸好的龍蝦。

游水龍蝦兩食（清蒸及蒜蓉）

每次只能取半隻，但係可以無限再拎，仲要有清蒸及蒜蓉兩種口味，新鮮貨肉質有幾嫩彈，大家心中有數，最好係逐次拎，保證新鮮熱辣。

白灼游水大頭蝦

同樣係另一亮點，因為好多都有膏，拎上手仲熱，肉質爽彈盡在不言中。

白灼螺

當然係新鮮貨，煙韌的口感好正，可惜無兒時最愛的鴛鴦色紅黃甜辣醬。

茅台炒醉蝦

係鐵板燒位置，有堂弄炒醉蝦，放火版本令酒味四溢，又點可以錯過？

其實港九兩間香格里拉都有同本地品牌合作，Cafe Too就有一樂燒鵝同低調高手。

中環一樂燒鵝一向出名，仲要係米芝蓮榜上名單，家陣不單止無須係人地門口排隊食塵，仲可以任食加任意挑選部位，真係無得輸。

而鵝油炒飯更加係錦上添花之作，好香鵝油味之餘，粒顆分明有嚼口，有水準。

刺身

每晚7點半左右有即切大拖羅，食多兩片已經係回本位。

本身亦都有阿根廷赤蝦、希靈魚、三文魚、油甘魚、甜蝦、中拖羅及象拔蚌，又係一個食完想再食。

而壽司有鰻魚壽司、三文魚壽司、鯖魚壽司、吞拿魚壽司及玉子燒。

海鮮類

凍食海鮮區就有花蟹、瀨尿蝦、蜆、麵包蟹、熟蝦、青口、翡翠螺及雪場蟹腳，種類超多，而且解凍做得好好，沒有討厭的雪味。

至於其他海鮮有：

醉鮑魚

雖然放係頭盤區，但好大隻，絕非迷你版，又醃得入味，煙煙韌韌，正。

係其他地方分佈了不同的海鮮菜色。

避風塘炒龍蝦

辣辣地好惹味。

椒鹽鮑魚仔

除了嚼勁，仲多了一入辛椒咸香的口感。

豉椒炒蜆

很地道的美食，充滿了童年回憶。

蠔皇鴨掌蝦子燴海參

很有宴會菜的氛圍，鴨掌不會太淋，海參好滑溜。

金銀蒜粉絲蒸龍躉

啖啖肉最啱自己這類懶人。

另外，仲有竹笙瑤柱豆腐海皇羹、辣酒煮螺、蝦乾小炒王、蜆蚧鯪魚球、花蟹粥以及果皮蒸魚。

Carving Station

同樣係海鮮，鐵板區有海蝦、鱲魚及魷魚既可鐵板煎，又可以烤焗，幾好。

肉類中燒雞以及牛扒當然絕不能少。

泰國船麵

又一隱藏美食就係泰國船麵，最正係個湯底，好鮮甜夠味，配料就有牛肉、肥牛、墨魚丸、牛丸、魚蛋、魚片、鮮魷、鮮蝦、青口及芝心丸，加埋豆卜、芽菜、通菜、油麥菜、生菜、菜心、生麵、檬粉、河粉及米粉等主食，對於好似我既澱粉質怪就最啱。

熱葷

西式方面有：

燒鵝清湯意大利雲吞

可以話係中西結合，以燒鵝入饌不意外，但放係意大利雲吞內又真係好少見，效果出奇地不錯。

另外幾款係紅酒燴牛肉、炸雞及燒椰菜配水瓜柳牛油汁。中式方面：
蝦餃燒賣

是自家出品，尤其是蝦餃加入了筍尖，很清爽的口感，燒賣就吃得出肉的鮮味。

其他的有酸梅骨、黃金茄子、藏紅花飯及牛油雞。

燒味

自家出品的蜜汁叉燒、豉油雞、鹵水蛋及鹵水豆腐。

湯

個人好鍾意飲燉湯，無他，因為實在要好花時間，所以一有機必飲，今次數燉湯是川貝南北杏雪梨燉瘦肉，夠清潤，好啱我成日捱夜睇波人士。

而西湯係好滑溜鮮甜既南瓜湯，中湯就係好家常 feel 既清補涼。

日本串燒及章魚小丸子

串燒有雞軟骨及雞腎，加埋小丸子，佐酒最好。

沙律

有魷魚青口沙律以及烤蝦小米沙律。

頭盤

有煙三文魚、莎樂美腸及cold cut。

麵包

有Laugen、牛油麵包、迷你法式麵包、意大利香草和芝士麵包及蒜蓉法式麵包。

甜品

整個甜品區，打造成花園一樣，團團由大量甜品包圍，真係未食先興奮。

首選當然係本地品牌低調高手雞蛋仔，即場烘焙，又係任食，無須特登去買同排隊。

再上係熱辣辣燕窩蛋撻同格仔餅，蛋撻好香蛋味，邊位又鬆化；格仔餅又可以加雪糕同鍊奶，變化多端。

哈根大師雪糕

有抹茶、士多啤梨、rum酒提子、咖啡、雲呢拿及比利時朱古力口味，加落格仔餅好正。

要數甜品真係有排講，其中一邊係綠茶紅豆大福、麵包布甸、黑芝麻大福、玫瑰覆盆莓泡芙、檸檬蛋糕、馬卡龍、朱古力鳥結、柑橘朱古力撻、朱古力布朗尼蛋糕、Financier及柑橘寒天。

而另一邊係荔枝茉莉花茶蛋糕、白朱古力士多啤梨蛋糕、黑朱古力百利忌廉甜酒蛋糕、榛果牛奶朱古力蛋糕、豆腐慕絲蛋糕、櫻花白豆蓉卷、雲呢拿芒果蛋糕、焦糖香蕉朱古力蛋糕以及桂花奶茶蛋糕。

單是甜品近30款，各種口味都有，其實已經足夠當下午茶。

飲品

除了一般的茶及咖啡，仲有6款飲品，包括Bubble Tea有 Original 、 Taro 及 Melon口味，另外又有三款特飲，包括雜果賓治、西柚青檸檸檬茶以及橙汁，大家仲可以加珍珠及爆珠，配搭出個人專屬口味。

整個自助餐都充滿回本位，尤其是海鮮控真係食極都有新發現，真心值得推薦。

Facebook專頁 : Café Too

地址：金鐘金鐘道88號太古廣場港島香格里拉7樓

電話：28208571

味道 : 4 環境 : 4 服務 : 4 衛生 : 5 抵食 : 5 位置 : 5

小紅書 : 美食焚化爐

IG : foodiephilip

希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!

http://www.facebook.com/foodiephilip

父親節的選擇 @ The Mistral ( 尖沙咀海景嘉福酒店 )

母親節過後，6月就係父親節的日子，如果喜歡飲返兩杯，又或者鍾意食海鮮，相信尖沙咀海景嘉福酒店 The Mistral 就一定啱晒你。

The Mistral 原本位於地庫位，但家陣搬上一樓，HARBOUR VIEW BRUNCH 仲要有埋海景，景觀好好多，尤其是 Sunday Brunch 時段，有充足陽光照入，人都醒神好多。

這個 Sunday Brunch 成人$688，而 7至11歲小童都只不過$388，若果想進一步享受，同時free flow 享用 Moët & Chandon Imperial Brut / Lambrusco Ceci sparkling / Cantine Pellegrino Grillo 及 Nero d’Avola ，就只須$888（另加10%服務費），個人真心覺得超值，何解？睇下我介紹就知。

論食物種類真係超多，先講下佢個主菜，可以從EGLEFINO AI PORCINI E MADEIRApan-baked haddock fennel porcini mushroom & Madeira wine sauceorZUPPETTA DI PESCEseafood steworARROSTO DI VITELLOpan-roasted veal loinorFILETTO DI MANZOpan-roasted M4 Australian Wagyu tenderloinorPIZZA REGINAMargherita pizzaorTORTINO DI SPINACI E FONTANA (V)double-baked spinach soufflé

當中任選其一。

太太就選擇了海鮮燉湯。

講真，絕對係超級豐富，龍蝦湯底配石班魚、蛤蜊、青口、海鱸、墨魚及虎蝦。

濃稠的湯底，每口都是海鮮的精華，用麵包來蘸點湯汁，更是一流享受。

而我當然係M4澳洲和牛粉絲，伴以鵝肝慕絲，尤其是medium rare的熟成度完美切合我心意，嫣紅的肉質，濃郁的牛味，鬆軟而有嚼口。

此時此刻，當然是配上一杯紅酒。

講完主菜，是日另一重點是Live Pasta Station （1200 to 1400）。

有即煮手功意大利麵及 risotto。

先舀一碗用料十足的Minestrone Soup。

湯底是切得碎碎的馬鈴薯、牛蕃茄、培根、洋蔥及甘筍粒，煮得又夠火喉，所有材料都好軟稔，好味。

兩款pasta是青口及羊肉，而risotto則是蘑菇risotto，最欣賞是不會遷就港人口味而煮得太稔，反而食落有嚼勁，又非常入味，口味正宗。

SEAFOOD BAR

絕對係花多眼亂，因為有齊 Boston lobster /crab leg/ yabby clam/ sea whelk/ green mussel /prawn/ yellow fin tuna carpaccio /octopus salad /smoked Norwegian salmon，

基本上每款食少少已經好飽。

個人先推薦波士頓龍蝦，因為早已經碎上，大家可以挑選龍蝦尾同龍蝦鉗，食落可以啖啖肉，非常方便。

另外，小龍蝦同海蝦都好新鮮彈牙，一份蝦類拼盤好正。

再來介紹蟹腳，因為又係碎上，加埋幼嫩的青口及大大隻翡翠螺，海鮮質素完全滿足我要求。

Swordfish Carpaccio 好少地方食到，當然不能錯過。

ANTIPASTI TABLE

Parma ham/ coppa /speck /salami/ lardo mortadella / pickles

基本上分佈於全場不同角落，可以話琳瑯滿目，

薄切的 OX Tongue 依然無損牛味，可以配上Sundries Tomato 及 Piquillo Peppers。

又有Bellpepper with Tuna可以配搭。

去到沙律環節，真係超多又健康，自己就好鍾意Beetroot Salad，因為平時都會買返屋佐榨汁，對身體好好。

另外，Octopus Salad有嚼口又清新，都值得同大家分享。

仲有Portabello Mushroom、Mixed Red Leaf Salad、Fruit Salad、Carpese Salad、Potato Salad、Cous Cous Salad 及 Pasta Salad。

其他頭盤都有Tuna and Beans、Insalata Rossa，以及店方名物之一Frittata意大利烘蛋，蛋香滿滿，正。

想來點菜蔬？可以有Grilled Vegetables 及 Roasted Pumpkin。

Cheese

有Parmesan、Provlone及Cheese Asiago，食芝士之餘，仲可以配上 truffle honey 或者 baby onion。

DOLCI
Mövenpick ice cream

有瑞士朱古力、薄荷朱古力、雲呢拿、草莓、Espresso Croquant 及 Stracciatella，一共6款獨立包裝口味。

最開心係kid’s candy corner擺放了一部扭糖果機，小朋友可以又食又玩。

其實甜品真係強項，單單一道 Tiramisu 已經盡得我心，輕柔鬆軟帶濕潤的質感，甘甜的可可粉，每口都令人吃不停。

若妳是甜品控，The Mistral selection of Italian desserts 就絕對可以滿足妳：

個人推介成幾足長既Napoleon。

甜美滑溜的Fabio’s Mama Chocolate Mousse。

以及賣相獨特，芝士與朱古力完美結合的Chocolate Ricotta Cheesecake。

加上有Gianduja Crème Brulee、Coffee Opera Cake、Pistachio Cannoli、Lemoncello Caprese Torte、Grappa Pinta de pane、Black Truffle Burned Cake、Pear Tart、Sirausa Lemon Trifle同埋Macaron。