月份: 2023 年 12 月

作為2023年壓軸的食評，曾經諗過好多，究竟係解鎖既上海總會抑或第一次去既潤或永？思前想後都係選擇光顧多年的大班樓。

自從搬了新舖後，環境的確是舒服得多，但訂檯依然困難，菜色每季都添上新意，早幾日的菜單，就盡量換上新菜色，再加上自己最多愛的幾味，臨場再加呀加，豐富到極。

頭盤

自從第一次食過便愛上的蟛蜞膏柚皮冬瓜，以魚湯煮過的柚皮加上以蟹湯煮過的冬瓜疊在一起，再澆上一層蟛蜞膏，鮮甜豐腴，只此一家。

畢竟由開業一直光顧，有時候都會食到即將on menu的菜色，醬燒生曬臘乳鴿就是其中之一，以大頂鴿處理，臘得好乾身，但肉質柔韌，送啤酒一流。

再來一道off menu 薑醋豬手豬耳凍，Q彈的外形，豬手及豬耳切得細碎，味道帶薑醋的感覺，好特別。

大家吃得意猶未盡，即場追加台式老腐乳鹹魚臭豆腐，這個以李大姐臭豆腐原型版加以改良，聽說是注入台灣鹹魚、腐乳及馬碲等再重塑，令氣味有層次，外層炸得香脆而內裡熱燙軟熟，美味。

一口湯

每次的一口湯都不同，但都感覺到家常湯的氛圍，今次是青紅蘿蔔響螺湯，很濃稠的質感，一口喝下，回味無窮。主菜
海鮮

就算有幾位新朋友加入，今次都想轉轉口味，胡椒泥蟹一向有口碑，自己都食過好幾次，感覺與花雕蟹是截然不同的風味。

兩隻足斤半以上的泥蟹未上檯，已瀰漫澎湃的胡椒辛香，四隻大蟹鉗分別安排了給在坐的女士，自己樂得享受滿是蟹膏的蟹蓋，而蟹肉不單入味，辣辣地超惹味。

另一道自出現便不離不棄的菜色是魚米粥蝦籽琵琶蝦，粥底綿滑又富米香，而琵琶蝦以 slow cook 處理，幼嫩的口感食幾多次都不會厭。

肉類

一鵝一雞，已成了我必點的家禽之一，蔥油本地小騸雞蓋上大量蔥油，真係好食到震，加上去埋骨，除了雞翼外可以話啖啖肉，又有薑茸加持，不妨追加一碗白飯。

菠蘿咕嚕豬尾又是一道全新菜色，以豬尾入饌又真係估你唔到，除了沒有青椒外，賣相同食味都好似平日見到的咕嚕肉，外層脆香不過內裡比較軟稔，酸酸甜甜幾開胃。

菜

選擇了魚湯白木耳浸瓜絲，魚湯底好鮮甜，配以白木耳及瓜絲，感覺上似食魚羹，但又有菜蔬的清新。

飯

相信是年度驚喜發現的瑤柱咸肉燒鱔煲仔飯，製作繁複，但色香味俱全，以熟成30日的鱔肉吊燒，飯粒蓋上瑤柱絲及咸肉，蘸上了油香，飯焦亦恰好，有焦香而沒有燶味，鱔皮咬落脆卜卜，而鱔魚竟然有肉汁而不乾身。

再加上蜆肉湯作泡飯，味道更加昇華，變中有變，這個單尾找不到挑剔的地方。

而甜品三味每次都有些少改動，但基本不變是杏仁茶，而其他兩款，我就會指定食杞子雪糕，第三款就每次不同。

多年來對大班樓的菜色都有百吃不厭的感覺，踏入2024年已在倒數之中，今年飲食業給北上報復式消費打得叫苦連天，希望大家加倍努力，重新挽回香港人的信心。

Facebook 專頁 : 大班樓

餐廳網頁 : The Chairman

地址 : 中環威靈頓街198號The Wellington3樓

電話 : 2555 2202

IG : foodiephilip

小紅書 : 美食焚化爐

味道 : 5  環境 : 5  服務 : 5  衛生 : 5  抵食 : 5  位置 : 5

希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!

http://www.facebook.com/foodiephilip

聖誕過後，又要倒數，因為好快又會過新年，大家有無諗過食乜慶祝？

聖誕節就話食自助餐，新年我諗好多人會想食中菜，加上近排凍凍地，最啱食煲仔菜同煲仔飯，包保食完成個人暖笠笠。

沙田帝都酒店玉庭係我幾欣賞的一個中菜廳，上次外傭要回鄉，我都特意係玉庭擺一圍同佢餞行。

餐前先飲盅火喉十足既菜膽杏汁豬肺燉花膠湯（$188/位），湯呈奶白色，入口醇香滑溜，豬肺跟白菜同樣燉得夠稔，跟上年係西灣河一間所謂街坊名店（絕不便宜），個豬肺竟然係勁韌，只係煮熟就算，杏仁渣多多的豬肺湯，簡直是天堂與地獄的感覺。

古法雙冬扣羊腩煲（$498）

家陣正值食羊好日子，大廚找來黑草乳羊來炮製羊腩煲，不單烹調時間可以縮減，而且肉質幼嫩，醬汁以竹蔗、冬菇、馬碲、竹筍、柱候醬及腐乳等熬煮而成，個人最鍾意食羊肉加埋腐乳一齊食，真是人間美味。

豆豉金蒜生啫大鱔煲（$338）

個人好怕鱔肉有泥味，大廚以豉汁先行醃過鱔片，然後以薑蔥芹末置底，連煲一齊焗，上檯前再沿邊灒酒，令鱔肉泥味盡消，而且口感Q彈，滋味無窮。

桂花蟹粉蟹肉銀絲煲（$338）

好少係係煲仔菜食到桂花蚌，但更意想不到爽彈的口感與鮮甜的蟹肉沒違和感，粉絲沾上蛋漿及蟹粉，增添了層次感。

椒香黃油雲南姬松茸虎蝦（$298）

虎蝦先經牛油煎過，所以蝦殼好香脆，而姬松茸沾上了蝦汁，亦變得好惹味，就連配角的彩椒都不能錯過。

蘿蔔栗子蜑家雞煲（$268）

其實似濃雞湯，但加入了砂白，多了一份鮮味，褪骨雞肉好啱懶人，而魚肚爽口之餘，蘸滿了湯汁好啱我胃口，蘿蔔切成細細粒容易入味，真的食了不少。

食完煲仔菜，轉頭就食煲仔飯，今次仗著人多，先後點了三款，叫得煲仔飯，飯底一定要焦香而不過火，有時候踫上燶底，令飯粒變苦就真失敗，但今次幾款煲仔飯都展現出大廚在掌火上的功力，超正。

原隻鮑魚海味佛跳牆煲仔飯（$468）

矜貴版煲仔飯，鮑魚、海參、元貝及花膠舖滿了煲面，但又扣得軟稔，飯底混和了醬汁，食落有點似福建炒飯。

法國鵝肝波士頓龍蝦煲仔飯（$498）

另一個矜貴版煲仔飯，以原隻龍蝦及鵝肝作主角，油脂豐富的鵝肝混和飯中，又是另一種滋味，而龍蝦亦焗得肉質爽彈，不錯。

南安油鸭髀臘味煲仔飯（$258）

三個煲仔飯中，大家不約而同較喜歡傳統風味的油鸭髀臘味煲仔飯，尤其是油份滲入飯粒，飯粒香氣撲鼻，多年來點食都不會厭，有時候覺得比臘味更吸引。

所謂［無雞不成宴］，同行朋友基本上無雞不歡，今次就追加了炸子雞，$228(半隻)/ $456 (全隻)。

先講雞皮，可以話薄而脆，就連雞胸位都肉嫩，水準好高，真心推薦。

薑茶銀耳燉金薯（$48）

就算是中菜，以甜品壓尾是常態，蕃薯同雪耳煲得夠稔，入口即化的感覺，薑味亦夠辛勁，甜度啱啱好，我鍾意。

香芒糯米卷（$48）

糯米搓得軟熟，外層灑上椰絲，中間芒果肉芳香馥郁，必食。

Facebook 專頁 : 帝都酒店

地址 : 沙田白鶴汀街8號帝都酒店1樓

電話 : 26943939

味道 : 4  環境 : 4  服務 : 5  衛生 : 5  抵食 : 4  位置 : 5

IG : foodiephilip

小紅書 : 美食焚化爐

希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!

http://www.facebook.com/foodiephilip

對上一次來帝都酒店，就是同位置的 YAMA，但集團近日都攪作多，幾間餐廳經常互調，而今次就改成 Cafe & Bar，所以大家不時見到有人係吧檯位摸住酒杯底傾計。

跟同行朋友先來兩杯雞尾酒，分別是 Cocktail Selection 2+2 Signature（$120）及Gulfstream（ $100），正好慢慢等朋友。

海鮮拼盤

Seafood Platter （$888）

波士頓龍蝦、生蠔、南非鮑魚、北海道帶子、虎蝦

Boston Lobster, Oyster, South Africa Abalone, Hokkaido Scallop, Tiger Prawn

配搭以下 醬汁 Served with the below sauces:

鮮辣根汁、辣根茄汁、青檸欖油、泰式酸辣汁、香辣蛋黃醬、南美香辣醋青醬

Fresh Horseradish, Horseradish Cocktall Sauce, Lime Olive Oil, Thai Seafood Sauce, Cajun Mayonnaise, Chimichurri

賣相絕對澎湃，放上乾冰營造仙氣縈繞效果是近年常見的手法，畢竟是酒店餐廳，多一分視覺享受都是好事。

海鮮種類同份量十足，如果係兩位女士享用，基本上可以無須再order其他食物。

龍蝦是出預期的軟彈爽口，來貨選得好。

生蠔是即開貨，而且每日品種不同，最喜歡不加任何sauce，單純享受蠔肉的質感。

至於鮑魚夠大隻、帶子肉好厚加埋新鮮虎蝦，真係找不到挑剔的地方，真心好滿足。

松葉蟹肉甘蝦海膽牛油果沙律

Matsuba Crab Meat, Avocado, Ama Ebi and Uni Salad （$348）

將所有食材放係苦白菜上邊，然後一口咬落，蟹肉的鮮甜、甘蝦的甜美、海膽的豐腴以及牛油果的

牛仔膝肉燴意大利寬條類配燒牛骨髓

Pappardelle with Shredded Ossobuco and Roasted Bone Marrow （$268）

邪惡到一個點，但又不能放棄，把牛骨髓中間的精華挖出，用麵條的熱力溶化，拌和在麵條內，有著陣陣油香，麵條是喜歡的al dente，又係必食。

火焰龍蝦干邑濃湯 (1/2隻新鮮龍蝦)

Flaming Lobster Bisque with Cognac (Half Fresh Lobster) （$218）

可以話係近年飲過最正既龍蝦湯，原隻龍蝦已經夠吸睛，湯底已夠濃稠，每口都帶出龍蝦的味道，加入干邑令香氣更盛，美妙。

黑松露泡沫野菌湯

Forest Mushroom Cappuccino with Black Truffle （$108）

散發陣陣黑松露香氣，野菌磨得細緻，帶來純粹的田園氣息，置頂的泡沫令質感更滑溜。

澳洲M6和牛斧頭扒 (1,200克)

Australian M6 Wagyu Tomahawk (1,200g) （$1,280）

勁大條，超抵食，四個人分享毫無懸念，烤得啱啱好，厚切之下都超過十片，配上燒汁更惹味，但個人始終偏好簡單的蘸點海鹽來提鮮。

招牌烤原隻蒜香有機玉米雞(飼養81日) (製作需時45分鐘)

Signature Roasted Whole Organic Corn Fed Chicken (81 Days) with Garlic (45-minutes preparation time is required) （$468）

另一款肉類是烤雞，選用飼養了81日的有機玉米雞，整隻雞烤得非常均勻，肉質飽滿又嫩，火喉掌控一流，

榛子軟糕

Hazelnut Semifreddo （$98）

口感微微Q彈，榛子味道突出，感覺不錯。

朱古力心太軟配香草雪糕

Chocolate Molten Lava Cake with Vanilla Ice-cream （$98）

黑與白、熱情與冰冷、濃稠與芳香，一個永恆的經典組合，輕輕割開朱古力外層，流出熱燙的朱古力漿，混和了香草雪糕，令人回味無窮。

意大利咖啡芝士朱古力

Tiramisu Truffle （$108）

觀賞性極高，特製黑星球器皿，以乾冰營造出冒煙的效果，一揭開，內裡是朱古力球及 Tiramisu，賣相一流，但略嫌未夠濕潤，但已經有驚喜。

Facebook 專頁 : 帝都酒店

地址 : 沙田白鶴汀街8號帝都酒店1樓

電話 : 26943939

味道 : 4  環境 : 4  服務 : 5  衛生 : 5  抵食 : 4  位置 : 5

IG : foodiephilip

小紅書 : 美食焚化爐

希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!

http://www.facebook.com/foodiephilip

仲有幾日就聖誕節，大家諗到去邊度慶祝未？

當年同太太新婚時正好係屯門蝸居，每逢聖誕節，不想走得太遠，又想有節日氣氛，好多時都會去就近的黃金海岸酒店食飯慶祝，其中少不免會食自助餐，早前有機會入去，就睇下水準如何！

BBQ區

相信是全港最大型BBQ區，出品絕對高質，尤其是以明爐炭火烤雞翼更是必食。

每逢周日，仲會有原隻烤乳豬。

而平日都有烤大蝦、羊架、豬頸肉、雞串、菠蘿、德國肉腸、粟米同紫薯，每件都烤得恰到好處，送啤酒一流（Blue Girl啤酒係 free flow 的）。

海鮮類

有青口、海蝦、雪花蟹腳、半殼扇貝、紐西蘭青口及翡翠螺，種類都算多，而且質素都不錯。

湯類

當然要飲佢地即煮海龍皇湯，配料又多，鮮蝦、砂白同鮮魷，以濃蝦湯烹調，找不到不喝的理由。

至於西湯是蘑菇湯而中湯是每天不同的老火湯。

粉麵檔

大家都知我係澱粉控，無理由不來一碗喇沙，畢竟酒店有沙嗲軒，對於煮唎沙是駕輕就熟，以米粉溝油麵底，加上怡保芽菜、蝦仁、雲吞、豆卜、金菇同冬菇，辣辣地食落好正。

熱葷

熱葷可以大約分為西式同中式，就同大家先講下西式先。

當然要食肉嫩又 creamy 既蒜香紅花白酒煮澳洲藍青口，不佔胃納又甜美。

再來是意式莧菜雲吞配蕃茄忌廉汁，微酸的口感令人好開胃。

另外有烤鴕鳥肉配牛肝菌蘑菇汁、德國咸豬手配酸椰菜、慢煮紅酒澳洲和牛面頰、焗澳洲鱸魚同時令蔬菜。

中式就一定首選蒸古法蒸多寶魚，平日係街市閒閒地都近百蚊一條，家陣無須自己落手落腳，而且仲可以揀自己最鍾意既部位落手。

好有宴會菜feel既雜菌鮑片扒時蔬同薑蔥霸王雞，都煮得好好。

同埋萵筍小耳朵炒蝦仁、薑米帶子叉燒炒飯及松露真菌炆伊麵。

點心

酒店本身有中菜廳，所以點心都能不假外求，不過都不能太多，簡單的有叉燒包、冬菇雞肉燒賣、奶黃水晶餃及上海小籠包。

Carving Station香辣烤澳洲西冷牛肉

食肉獸當然會切返一兩片試試。

喜歡的朋友，大可加點玉桂南瓜同黑椒牛肉酥作伴碟。

冷盤

有煙三文魚、帕爾瑪火腿、雜錦芝士拼盤。

沙律

喜歡健康的朋友，相信都會選擇食沙律，烤鴕鳥肉鷹嘴豆沙律、雞肉古斯米沙律、烤蘆筍芝士沙律、雜果沙律杯、紐西蘭金奇異果、紐西蘭奇異果海鮮沙律、紐西蘭田園沙律。

刺身

有北寄貝、希靈魚魚子、八爪魚、吞拿魚、三文魚及鯛魚，都好大路，解凍亦處理得不錯，沒有討厭的雪味。

甜品

甜品凍櫃有西瓜草莓啫喱蛋糕配玫瑰忌廉、提拉米蘇焦糖芒果、澳洲路易斯蛋糕、黑森林蛋糕、奇異果芝士蛋糕、血橙士多啤梨慕絲蛋糕及澳洲特濃朱古力蛋糕，又有專人服侍，想食邊件指下就得。

而且當中幾款口味都好特別，個人推介血橙士多啤梨慕絲蛋糕同西瓜草莓啫喱蛋糕配玫瑰忌廉。

又有即製法式薄餅同埋比利時窩夫，最啱配返球雪糕。

Movenpick雪糕

獨立包裝的瑞士朱古力、士多啤梨及雲呢拿口味夠衛生，想食幾多都得。

雖然兩個囝囝都大個仔，但見到小朋友角落都開心，因為有朱古力噴泉，果然係  Family Hotel。

其實酒店餅房係今個聖誕另有8款超靚蛋糕賣相好特別買返屋企或者同朋友慶祝時食都可以好開心

。

Facebook 專頁 : Hong Kong Gold Coast Hotel

地址 : 屯門青山公路1號香港黃金海岸酒店低層地下

電話 : 24528448

味道 : 4  環境 : 4  服務 : 4  衛生 : 5  抵食 : 4  位置 : 3

IG : foodiephilip

小紅書 : 美食焚化爐

希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!

http://www.facebook.com/foodiephilip

曾經有一段日子，常常在九如坊出沒，常去的那間店子亦搬去附近，延續其飲食神話，而在街口轉角處的餐廳，亦同樣搖身一變，成了鴨巴甸公館。

餐廳以廂房為主，但可以根據客人數量而將房間靈活變動，而菜單亦可跟餐廳傾，又是一個靈活點。

不論在廂房，又或是在走廊，都掛上了不少老闆的私人真藏，值得大家細心欣賞。

原來餐廳命名鴨巴甸，是因為香港開埠時最初開發的地區，而牆上的璧畫，盡是本地的傳統風俗寫照，相當有趣，又是一個發掘點。

餐前先來杯單欉蜜蘭香，清甜的感覺，陣陣幽香，令人心曠神怡。

頭啖湯

小小的一杯淮山蓮子湯，非常濃稠的質感，看來花了不少時間去熬製，陣陣醇香甘甜。

兩小吃

前菜的兩小吃分別是柚子車厘茄及漬蘿蔔。

柚子車厘茄醃得好入味，微酸的車厘茄有柚子的香氣，令人胃口大開。

漬蘿蔔咬落爽甜，用來消磨時間一流。

黑魚子鵝肝慕絲

驟眼看還以為是雪糕，原來是鵝肝慕絲，用上36個月獅頭鵝的鵝肝，入口滑如絲，但味道則似是滷水鵝肝，以黑魚子置頂，更覺矜貴。

酒香元貝蛋白

置底的是花雕蛋白，蓋上了一層鹹蛋黃醬汁，然後是雪白的日本帶子，不論色香味都配合得絲絲入扣，尤其是帶子肉嫩滑，拌和了蛋白及鹹蛋黃醬汁，更是人間美味。

芝士豬頭粽

之後是潮汕小食的豬頭粽，其實是用上豬面頰肉及些小糯米，所以咬落有種煙韌的口感，表面鋪上一層芝士，再用火炙過，令香氣更盛。

四川麻香烤海上鲜

自從多了內地人來港，好多餐廳漸漸都融入了內地口味，烤魚是其中之一，當然是有平有貴，今次就選擇了沙巴龍躉，但想食自己心頭好，亦可以同餐廳講聲。

配料是大路的豆卜、豆芽、西芹及木耳，可能食慣了內地的辣度，感覺好輕盈。

南北杏雪耳鷓鴣燉迷你萬壽果

很喜歡這個燉湯，清潤又甜美，鷓鴣對身體又滋補，喝起來感覺好舒服，而且陣陣醇香，秋冬日子飲更是合宜。

西施穀飼和牛尾

用上穀飼和牛尾，更覺矜貴，煮時加入紅棗、圓肉及意大利番茄，所以多了一份天然的甜味，因為以slow cook 處理，肉質亦覺鬆軟，尤其是個肉汁，用來拌飯一流。

蟹粉豆腐滑

賣相簡單亮麗，以豆腐滑置底，上面是大閘蟹粉及自家製醋珠，頗見用心，亦起了平衡的作用。

松露菌滑雞煲仔飯

單尾是煲仔飯，凍凍地食最啱，一揭蓋便瀰漫著松露的香氣，雞隻是選用了三黃雞，油份滲入飯粒，但又粒顆分明，飯焦位微焦，咬落香脆而不過火，火喉控制得真好。

甜品是別出心裁的牛油果桃膠及牛油果慕絲，甜度輕盈又健康，質地滑溜，我鍾意。

 Facebook 專頁 : 鴨巴甸公館

地址 : 中環九如坊3號蘭桂坊酒店1樓

電話 : 36500066

      93302066 ( WhatsApp )

味道 : 5  環境 : 4  服務 : 5  衛生 : 5  抵食 : 4  位置 : 4

IG   :   foodiephilip

小紅書   :   美食焚化爐

希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!

http://www.facebook.com/foodiephilip

今個聖誕節大家會點慶祝呀？

早幾日就同太太去了九龍酒店的倚窗閣靜靜地預祝了聖誕節。

雖然知道聖誕節期間食物會更豐富，而且會有聖誕老人同大家影相，氣氛會好好多，但家陣都已經滲入了不少聖誕元素。

生蠔

係香港已經好少酒店自助餐有生蠔供應，仲要係即開就更少，今晚有法國銀蠔及愛爾蘭生蠔，但每天品種不同，相較之下，較喜歡法國生蠔肉質較爽身，帶海水味。

海鮮

雖然有蠔就沒有龍蝦，但有齊紐西蘭青口、翡翠螺、小龍蝦仔、俄羅斯松葉蟹腳、加拿大雪花蟹腳、海蝦及智利藍青口，種類都已經超多，而且質素不錯，解凍亦處理得好好。

刺身及壽司

刺身絕對有驚喜，必食，因為有齊北海鮮道帶子、赤貝、紅蝦、八爪魚、油甘魚、劍魚腩以及三文魚。

尤其是帶子肥大肉厚而紅蝦軟熟甜美，仲可以拎多幾轉回本。

相比之下雜錦壽司、蟹子壽司及三文魚子壽司就沒有那麼吸睛了。

今次有新菜色，就係和牛或火腿瑞士芝士火鍋，先把和牛或火腿灼熟，然後加上車厘茄、蒜蓉包、什肉粒及蒜香燒新薯，再澆上半溶芝士，味道濃郁，好有節日氣氛。

Carving Station

有香煎鵝肝，煎得外微脆內軟，再澆上經紅莓汁去油膩感，超正。

畢竟是聖誕節，當然要食烤火雞，肉質毫不覺“嚡”。

見香草海鹽慢烤有骨肉眼扒烤得好好，即時要求來兩片厚切，肉味夠濃，中間位呈嫣紅色，生熟度啱啱好。

德國鹹豬手配上小椰菜、燴栗子、香草扒素菜糖漬紫薯，如果配搭埋香煎露絲瑪莉羊扒，係咪真似食緊聖誕大餐呢？

湯

總共有四款湯，真係好癲。

龍蝦海皇湯

湯料勁多，以龍蝦殼熬成湯底，再加入龍蝦、龍蝦鉗、三文魚、青口、沙白及魷魚圈，所有鮮味都溶入湯裡，鮮甜到一個點。

燉湯係胡椒豬肚湯，火喉足，連豬肚都一咬就開，陣陣辛勁我鍾意。

中湯係椰子雪耳煲雞，而西湯係南瓜西米蓉湯。

熱葷

中式熱葷首選北京片皮鴨，配料有金薑、青瓜、京蔥、蜜瓜、海鮮醬、麻醬及酸梅醬，用薄皮包好一口咬落，滋味滿分。

香口惹味的煙肉焗扇貝、辣辣地的四川口水雞、街頭風味的韭菜豬紅及咖喱魚蛋蘿蔔豬皮，看似不值租，但卻很受歡迎。

另外個人推介帶子海鮮意大利麵及香草檸檬汁煮藍青口。

仲有瑞典經典肉丸伴薯蓉、蟲草花蒸比目魚、蒜香芝士虎蝦、香芋滑雞、臘味炒飯、海鮮乾炒油麵以及蒜蓉炒時蔬。

燒味

有自家出品豉油雞同蜜汁黑毛豬叉燒，水準當然好，雞嫩入味而叉燒鬆軟有嚼口。

仲有前菜類四川麻辣豬肚及涼拌青瓜。

咖喱

喜歡咖喱的食客可以放心，因為有咖喱燴椰菜花及薯仔、泰式紅咖喱牛肉、炸蝦片、印度素咖喱角、印度煎薄餅、印度天多尼烤雞及印度薄餅。

點心

又係自家出品蝦餃同雞肉燒賣，有中菜廳點都有優勢。

沙律

種類又係勁多，有煙火腿菠蘿沙律、羽衣甘藍牛肉藜麥沙律、海鮮沙律、芬蘭薯仔沙律、黑椒豬手凍肉片、精選意大利凍肉什錦、Coppa Ham、煙三文魚碟伴檸檬、黑魚子牛油果醬慢烤火雞三文治、小龍蝦蟹子雞蛋沙律以及烤番茄芝士，愛健康的朋友值得一試。

芝士

有蒜蓉芝士、Mozzarella Cheese、Edam Cheese及Orange Cheddar。

甜品
Movenpick

口味勁多，共有十一款，有瑞士朱古力、士多啤梨、雲呢拿夢幻、Creme Brulee、椰子、薄荷朱古力、Panna Cotta Raspberry、Tiramisu、熱情果芒果雪葩、檸檬青檸及特濃咖啡，食幾多球都得，再加埋toppings，雪糕控大滿足。

店方名物香芒拿破崙，基本上屬迷你版，既香甜，夾層酥脆，好味。

仲要推薦72%朱古力慕絲蛋糕同芒果慕絲蛋糕，前者係我鍾意既高濃度朱古力，而後者又係芳香馥郁既芒果味。

數落仲有士多啤梨白朱古力忌廉蛋糕、栗子朱古力樹頭蛋糕、藍莓芝士蛋糕、聖誕布甸及白蘭地雲呢拿汁、Panna Cotta、香芒布甸以及掛到似聖誕樹既迷你冬甩。

充滿聖誕氛圍的朱古力小杯子蛋糕，美味的木糠布甸、榴槤布甸、Tiramisu Cheese Cake、麵包布甸配雲呢拿汁、Chocolate Fountain、椰汁西米糕、杞子桂花糕、豆腐花、涼粉、芝麻糊、什果Jelly，真係數都有排數。

又有特製健康之選紅桑子特飲，酸酸地幾開胃。

特製甜品

一定要食即焗雲呢拿梳乎厘，鬆軟可口。

另外有充滿節日氣氛的聖誕免治批、即製蘋果金寳撻、即製紅豆熱香餅及Cookies。

飲品

飲品方面，有自家製檸檬青瓜水、蘋果汁、橙汁及羅漢果茶，總比一味汽水強得多。

老老實實，食物種類真係好多，而且平日eshop更加有72折，計落都好抵食。

Facebook 專頁 : The Kowloon Hotel

餐廳專頁 : 九龍酒店倚窗閣

地址 : 尖沙咀彌敦道19-21號九龍酒店2樓

電話 : 27343803

味道 : 4  環境 : 4  服務 : 4  衛生 : 4  抵食 : 4  位置 : 5

IG : foodiephilip

小紅書 : 美食焚化爐

希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!

http://www.facebook.com/foodiephilip

不論閣下是否法國經典著作《小王子》（Le Petit Prince）的讀者，近日海洋公園就推出了「小王子80周年星空遊歷」。

一踏入公園，除了充滿聖誕的節日氣氛外，園內設有多個打卡位。

更有［小王子星河探索館］，內裡以光影擺設帶領大家走進小王的世界，非常有趣，絕對值得推介，而且仲要係免費參觀！

另外，海洋公園亦成了寵物友善公園，在指定的範圍內，主人可安心帶著自己的毛孩，安心在園內逛逛。

行到肚餓，不妨試試有全港最大水族箱，過千條海洋生物伴你進膳的「海龍王餐廳」，最新推出「冬日美饌」套餐（港幣$2,280/四位），算來每位約五百多元，相當划算。（額外加每位 HK$570）

「冬日美饌」四人晚餐”WINTER SET DINNER”FOR FOUR由下午五時至晚上八時三十分供應Available from 5:00pm to 8.30pm
精選頭盤GOURMET PLATTER

柚香涼拌茄子Marinated Eggplant with Pomelo Sauce

茄子煮得軟稔而且入味，帶少許柚子的清香，不錯。

川汁白肉卷Cucumber Wrapped with Poached Pork Belly in Spicy Sauce

可能要遷就大部分人口味，辣度是比較輕盈，但食落又的確幾惹味。

醉香鮑魚伴魚籽Braised Abalone in 25 Years Aged Hua Diao and Fish Roe澳洲鮑魚 Australian Abalone, 加拿大魚籽 Canadian Fish Roe

海洋公園內裡所有餐廳都有一個特點，就是要選用環保海鮮，大家可以安心食用。

鮑魚質地Q彈，帶陣陣酒香，好味。

椒鹽雞軟骨Stir-fried Chicken Cartilage with Chili and Spicy Salt

再來是一道好香口的椒鹽雞軟骨，只可惜欠一杯啤酒。

湯 SOUP
姬松茸桃膠燉烏雞湯Double-boiled Silky Fowl Consomméwith Agaricus Blazei and Snow Gum Soup

一揭開蓋，已瀰漫了幽香，桃膠健康而烏雞滋補，入口醇香，所有精華都融入湯裡，喝畢，整個人都暖和了。主菜MAIN COURSE


黃金燕麥阿拉斯加長腳蟹腳Alaskan King Crab Legs with Oatmeal and Salty Egg阿拉斯加長腳蟹 Alaskan King Crab

外層的黃金衣夠邪惡，拎上手仍覺熱力，蟹肉沾上了鹹蛋黃又是另一種滋味，伴碟的樹葉其實是餅乾，形神俱似。

野菌燒汁牛小排Braised Beef Short Ribs with Wild Mushroom

賣相沒絲毫賣弄，牛小排炆得超稔，尤其是個汁真係好啱拌白飯。

花膠絲竹笙野菌浸時蔬Poached Seasonal Vegetable with Wild Mushroom,Bamboo Fungus and Fish Maw@ 荷蘭花膠 Netherlands Fish Maw

濃味過後，清清地食灼碟菜，伴以花膠絲及竹笙，令口感更添層次。

臘味炒糯米飯Fried Glutinous Rice with Preserved Meat

天寒地凍，實在係食糯米飯的好日子，煙煙韌韌的口感，每口都帶臘味的香氣，秒殺無難度。
甜品DESSERT

薑汁湯圓伴鮮果Ginger Glutinous Rice Ball with Seasonal Fresh Fruits Platter

壓軸當然係湯丸，如果是一家人食冬至飯就最啱，因為有象徵團圓的湯丸。

港幣 HK$2,280

+港幣 HK$570 額外每位 additional charge per person

所有價證設加一服務費

All prices are subject to 1096 service charge

◎ 環保海鮮 Sustainable Seafood

環保海鮮來源地可能因存貨而變更

The origin of sustainable seafood maybe altered depending on availability

辛辣 Spicy: 素菜 Vegetarian地址: 黃竹坑海洋公園夢幻水都海洋奇觀
電話: 39232161

味道 : 4  環境 : 5  服務 : 4  衛生 : 5  抵食 : 4  位置 : 4

IG : foodiephilip

小紅書 : 美食焚化爐

希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!

http://www.facebook.com/foodiephilip

近日開始凍返，有乜野好得過大家圍爐取暖吖！

其實香港人真係好鍾意食火鍋，所以火鍋店都各有特色，而環顧全港，恐怕就只有位於灣仔的美味廚先可以有米芝蓮光環。

近日更加引入【匈牙利國寶鬈毛豬】，實在令人期待。

究竟有乜誘因，令人想試試鬈毛豬？

翻看資料，原來鬈毛豬（Mangalica）是唯一外觀綿羊的豬種，而且在90年代，鬈毛豬面臨絕種的危機，曾經一度只得不足200隻，幸好一眾專業人士的努力下，鬈毛豬已達年產6萬隻，更成了匈牙利的獨有產物。

今次由連續11年獲米芝蓮推介餐廳「美味廚Megan’s Kitchen」聯乘 MOE（匈牙利鬈毛豬保育協會），引入了鬈毛豬肉作為火鍋料。

未開餐前就另加點了小食；莫以為餐廳主打火鍋，就會忽略其他菜色。

脆炸黑松露豆腐

炸得啱啱好，黑松露香氣較強烈，似乎蓋過了豆腐的味道。

鬈毛豬蜜汁叉燒

近年好多時都會食到以黑豚肉做叉燒，而以鬈毛豬就真係第一次，肉質軟稔富蜜味而有嚼口，店方雖然主打火鍋，但想不到叉燒都有水準，最可惜係無要白飯。

老鎮江糖醋鬈毛豬肋排

又係用上鬈毛豬，收汁處理得好好，鎮江醋酸度與甜度拿捏得相當好，而且外層帶微脆，好味。

馬碲蒸手刴鬈毛豬肉餅

手刴肉比機絞碎在口感上是好得多，而且搓成丸狀，一口一粒好特別，其實用來作火鍋配料也不錯。

選擇湯底，望望餐牌，總共有十一款口味，亦可選擇鴛鴦湯鍋。

有11款選擇，可點選鴛鴦湯底；一邊選了梳乎厘蟹皇蕃茄忌廉湯，而另一邊湯底則加了$98，點選了韓式牛肋骨蘿蔔湯，但附上的牛肋骨肉及蘿蔔份量極多又夠稔，滾返熱就食得。

肉類

點了匈牙利鬈毛豬迷你帶皮豬腩 、匈牙利鬈毛豬梅頭、澳洲純種和牛MB4-5牛板腱 及手切花雕秘醃雪花牛頸脊四款，肉質是各有千秋，尤其是豬腩肉，不單有油香，食落有少許甜味。

牛板腱就肉味濃又有嚼口，兩種牛肉中就喜歡有些少酒香的牛頸脊。

而匈牙利鬈毛豬，入口肉質幼嫩，油香滿滿，肉味濃郁，真心值得一試。

海鮮

有洗得雪白乾淨的蘇格蘭蟶子皇、拎上手仲會郁既海麻蝦，同埋新鮮大連鮑魚仔。

特色丸子拼盤

充滿了特色的丸類，包含了韓式大醬紫菜海蜆鬈毛豬肉丸、梅菜鬈毛豬肉丸 、手打雞肉鵪鶉蛋丸、紫心番薯墨魚丸及韓式大醬八爪魚墨魚丸。

最邪惡莫過於雞肉鵪鶉蛋丸，但口感不錯。

自家餃子拼盤

可以話誠意十足，創意滿分的餃子，拼盤有齊韓式燒烤牛肉洋蔥餃、北京填鴨餃、韓式辣醬海鮮餃、韓式泡菜年糕部隊餃及黑松露和牛餃，味道好獨特，總好過每次都係雲吞水餃。

蔬菜

食得太多肉，點都要蔬菜拼盤來平衡一下。

菇菌

從未係火鍋店中食過咁大條新鮮雲南野生竹笙，蘸滿了湯汁後惹味都一個點，咬落又爽口，正。

新鮮姬松茸又係超大條，不過就要浸耐少少，等姬松茸再入味。

豆腐類及粉麵類

先係豆腐製品拼盤，已包括腐竹、響鈴、豆腐同布包豆腐。

而韓式麵拼盤就一定會有辛辣麵，好啱配泡菜鍋。

飲品

初飲初樂燒酎（原味/蜜桃味/柚子味）、自家製竹庶馬蹄水（杯）及自家製酸梅湯（杯）。

而餐廳更加推出了「匈牙利鬈毛豬+澳洲純種和牛MB4-5火鍋套餐」，大家可以一個價錢，兩種享受。

獨家優惠：原價港幣$680位，但在訂位時只要講出優惠密碼「MK2312PPF」，即可享八五折。

當中已包括十款特色湯底，至於第十一款韓式牛肋骨蘿蔔湯就要另加$98。

套餐除了包含湯底及肉類之外，仲有海鮮、自家製餃子、丸類、素食、粉麵及飲品，都相當豐富。

美味廚Megan’s Kitchen

地址：灣仔灣仔道165-171號樂基中心5樓

電話：28668305

味道 : 5  環境 : 4  服務 : 5  衛生 : 4  抵食 : 4  位置 : 4

#美味廚 #米芝蓮#匈牙利鬈毛豬 #鬈毛豬#綿羊豬 #油花豬#MegansKitchen#sutherlandgastronomy#MOE #mangalistsa#mangalicapork #woollypig#Hungary #Hungarian #pork #SGBrands #butcher #Sgbutchery

IG : foodiephilip

小紅書 : 美食焚化爐

希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!

http://www.facebook.com/foodiephilip

萬眾期待既［第57屆工展會］終於會係明天揭幕，今日率先走了一轉，帶大家睇睇有乜優惠。

東方產品供應有限公司（6C51-54）

主打鷓鴣，一連8日，以$10一隻出售，每日限定50隻（65天的鷓鴣），老實講，自己都有買，煲湯真係好好，今次仲有煮熟產品，值得一試。

兆利發展有限公司（1C10）

主打近年大熱［拉麵說］$100 / 5包，紅燒牛肉同蟹黃麵就不同價錢。

買滿$300，有16cm麥飯石鍋送，用佢煮麵啱啱好。

蛋撻王（6C62）

大家終於可以除低口罩，盡情吃喝玩樂，位於近出口處的蛋撻王，勁多鐵板熟食，半隻龍蝦都係$70，花膠冬菇蘿蔔$50一碗，推薦埋桃膠同榛子朱古力蛋撻，無食早餐又如何？

阿一鮑魚（6C44-45,，56，57）

本地名牌阿一鮑魚，每天推出20個福袋，一連8日，每個只售$1，單計面值都近$600，必搶。

博萬國際有限公司（4C06）

又到一蚊雞時間，由印尼出品的薄荷薑油，每日推出$1（每日38枝）整個工展會期間都有，聞落幾清爽，擦上手又涼涼地，用作家居防身都好。

廣昌隆（2C05）

頂級五花臘肉同頂級臘腸皇，兩各限量20盒（共40盒），每人限買一盒，只係$1，同樣係8日內出售。

百利達酒莊（6C63）

今年首次有酒精類飲品出售，當然要介紹一下以本地漫畫人物作 logo 既酒類，當中有刀劍笑、古惑仔同黃玉郎，完全將本地文化融入產品。

Well Synergy領盛國際有限公司（3A20）

地門日式沙甸魚系列 $50 / 5罐

買滿 :

$100（送麥可利檳城紅酸辣湯米粉）

$200（加送地門什果或麻油）

$300（加送陶瓷碟或陶瓷焗盤及加入99換購4輪摺疊式購物車）

$500（加送陶瓷碟或陶瓷焗盤及萬字醬油）

$800（送4輪摺疊式購物車）

明天11點工展會正式開幕，今晚大家早D瞓，養足精神，聽日11點準時入場盡情購物。

大會網址：www.hkbpe.com.hk

查詢電話（852）3421 2012

「工展會」的入場門券每張港幣8元。為配合政府「夜繽紛」活動、「工展會」於聖誕假期期間（12月23日至31日）延長開放時間至晚上10時，其他日子則至晚上9時，最後一天至晚上8時，而每天晚上7時後免費入場，讓公眾可以盡情享受「行工展」的樂趣。

「第 57 屆工展會」詳情及亮點：

日期：2023 年12月16日至2024年1月8日(共24天)

地點：銅鑼灣維多利亞公園

開放時間：12月16日至22日：上午11時至晚上9時12月23日至31日：上午11時至晚上 10 時1月1日至7日：上午11時至晚上9時1月8日：上午11時至晚上8時（展覽會於每天結束前30分鐘停止參觀人士進場;最後一天提早至結束前1小時）

入場門劵：

港幣$8元現場以八達通購票或透過工展會 App、01 空間(space.hk01.com)、AlipayHK、Alipay App 及MyLink App 預先購買電子門票

免費入場：

以下人士可享免費入場：身高1米或以下小童、65 歲或以上長者及殘疾人士每日晚上7時起，所有人士免費進場(1月8日除外)

首 5,000 名新登記工展會 App 的會員
入場禮：每日首 1,000 名購票入場者可獲精美禮品乙份

工展會App 幸運大激賞及終極大激賞：

由12月7日(四)至2024 年1月4日(四)、可於工展會 App 參加「幸運大激賞及終極大激賞」以贏取豐富獎品，包括名貴家電及保健品等，總值港幣 10 萬元

現場抽獎活動：

入場人士可透過以下途徑參與場內各項抽獎活動：

以電子貨幣消費滿港幣$300元或以上(最多2張收據),即可參 與抽獎1次；消費滿港幣600元或以上(最多3張收據)，則可抽獎2次

填妥《消費指南》內的「工展每日開心賞」抽獎券即可參加抽獎；每天有3名得獎者，分別可贏取價值港幣$1,000元獎品填妥入場券內的「投票贏巨獎」抽獎券，即有機會贏取價值共約 港幣$ 75,000 元的獎品

打卡有禮送：

入場人士只需用指定濾鏡拍下「工展會」現場實景、並上傳至社交 平台限時動態及標記@hkbpe，即可領取禮品一份(數量有限,送完 即止)

IG : foodiephilip

小紅書 : 美食焚化爐

希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!

http://www.facebook.com/foodiephilip

每年踏入12月，就係忙到甩轆的日子，冬至、聖誕及新年幾大節日接踵而來，買禮物辦年貨最好一次過，而集吃喝玩樂於一身的工展會就係最好時機。

［第57屆工展會］將於2023年12月16日至2024年1月8日（共24天）於銅鑼灣維多利亞公園舉行。

今次參展的戶外攤位超過900，設有十大主題展區，當中包括香港名牌廣場區、食品飲料區、糧油麵食區、蔘茸海味湯料區、美容保健區、服飾精品區、生活家居區、潮飲•潮食區、社企區及推廣區，每區都各有特色。

而屬於新設的潮飲•潮食區，除了有美食之外，更是首次引入美酒，提供紅、白、手工啤酒、日本威士忌酒及雞尾酒。

大家吃喝玩樂之餘，大會仲有多重抽獎及有獎遊戲，送出總值港元400萬的豐富獎品。

若果行得太累，可以坐低欣賞大會每天安排的表演，而其中最吸引的莫過於［工展小姐選舉］，今年共有九位代表不同參展商的［工展小姐］，大家可按心水，選出最具代表性的工展小姐。

係不同日子，場內仲有好多超值優惠比大家，好多都係港幣$1元起跳，大家可以係官網睇下。

大會網址：www.hkbpe.com.hk

查詢電話（852）3421 2012

「工展會」的入場門券每張港幣8元。為配合政府「夜繽紛」活動、「工展會」於聖誕假期期間（12月23日至31日）延長開放時間至晚上10時，其他日子則至晚上9時，最後一天至晚上8時，而每天晚上7時後免費入場，讓公眾可以盡情享受「行工展」的樂趣。

「第 57 屆工展會」詳情及亮點：

日期：2023 年12月16日至2024年1月8日(共24天)

地點：銅鑼灣維多利亞公園

開放時間：

12月16日至22日：上午11時至晚上9時

12月23日至31日：上午11時至晚上 10 時

1月1日至7日：上午11時至晚上9時

1月8日：上午11時至晚上8時（展覽會於每天結束前30分鐘停止參觀人士進場;最後一天提早至結束前1小時）

入場門劵：港幣$8元

現場以八達通購票或透過工展會 App、01 空間(space.hk01.com)、AlipayHK、Alipay App 及MyLink App 預先購買電子門票

免費入場：

以下人士可享免費入場：

身高1米或以下小童、65 歲或以上長者及殘疾人士

每日晚上7時起，所有人士免費進場(1月8日除外)

首 5,000 名新登記工展會 App 的會員

入場禮：

每日首 1,000 名購票入場者可獲精美禮品乙份

工展會App 幸運大激賞及終極大激賞：

由12月7日(四)至2024 年1月4日(四)、可於工展會 App 參加「幸運大激賞及終極大激賞」以贏取豐富獎品，包括名貴家電及保健品等，總值港幣 10 萬元

現場抽獎活動：

入場人士可透過以下途徑參與場內各項抽獎活動：

以電子貨幣消費滿港幣$300元或以上(最多2張收據),即可參與抽獎1次；消費滿港幣600元或以上(最多3張收據)，則可抽獎2次

填妥《消費指南》內的「工展每日開心賞」抽獎券即可參加抽獎；每天有3名得獎者，分別可贏取價值港幣$1,000元獎品

填妥入場券內的「投票贏巨獎」抽獎券，即有機會贏取價值共約 港幣$ 75,000 元的獎品

打卡有禮送：

入場人士只需用指定濾鏡拍下「工展會」現場實景、並上傳至社交 平台限時動態及標記@hkbpe，即可領取禮品一份(數量有限,送完 即止)

IG : foodiephilip

小紅書 : 美食焚化爐

希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!

http://www.facebook.com/foodiephilip