講起拉麵，對於住在北區的人，基本上係惡夢，一碗好麵難求，所以早排同屋企人行開尖沙咀，見一幻又有新攪作，諗返起對上一次食拉麵已經係幾個月前既事，心思思想食返碗。
今次一幻推出了咖喱二重奏（$108/款），當中有兩款新品種。
餐廳除了有卡座，喜歡的仲可以有玻璃窗位，可以近距離望住個海慢慢食，又係另一種享受。
先係咖喱蝦汁拌麵，選上了粗身麵條，希望多點嚼勁，配料有豚角粒、秋葵、粟米芯、茄子及蔥花，而咖喱蝦汁預早放在碗底，所以在享用前要預先拌好，但感覺上蝦汁未夠，若果可以多返些小會更好，但有一點值得提提，係麵條的梘水味已經若有若無，比之前進步得多。
另一碗是咖喱蝦湯拉麵，當然又係粗麵底，配上叉燒、番茄、流心蛋及粟米粒，蝦湯與咖喱汁沒有違和感，反而添上了一份香氣，好味。
因為一碗麵都已經$78至$88，所以二人拉麵套餐（$268）就顯得抵食好多，先來自選拉麵兩碗。
分別選擇了辛辣味噌蝦湯拉麵及日本番茄蝦湯拉麵。
辛辣味噌蝦湯拉麵湯底水準依然的濃稠，少許辣度更加挑起了食慾，幼麵身掛湯能力不俗，麵條亦有嚼口，叉燒覺鬆軟，半隻流心蛋亦有水準，不錯。
至於番茄拉麵就同辛辣味基本上一樣，只是多了新鮮番茄肉及粟米粒，單點仲要平$10，如果一個人食拉麵，個人推薦番茄拉麵。
套餐另包括一幻餃子（一份）、慢煮雞胸沙律（一份）及日本果汁梳打（兩瓶）。
餃子煎得啱啱好，脆而不焦、雞胸沙律清爽健康配以炸過的櫻花蝦好香口，加上飲品，計落平些小，所以都算抵食。
意猶未盡，再追加了蝦味飯糰（$20），以醬油拌和飯粒好惹味。
爽口入味的醬油味筍（$15）及灑上木魚絲的醬燒雞髀菇（$22），又點會滿足？即時各追加多一碟。
跟咖喱套餐的不同，甜辣小椰菜沙律（$38）帶麻醬的甜香，是另一種風味。
Facebook 專頁 : 一幻拉麵Ebisoba Ichigen Hong Kong
Instagram : @ichigenhk
地址 : 尖沙咀廣東道3-27號海港城海運大廈地下OT G59號舖
電話 : 31051199
味道 : 4 環境 : 4 服務 : 4 衛生 : 4 抵食 : 4 位置 : 4
IG : foodiephilip
小紅書 : 美食焚化爐
希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!