近日開始轉涼，除了打邊爐， 相信烤肉都係一個幾好既選擇，尤其是配上一杯凍冰冰既啤酒，真係無得輸。
以前去開銅鑼灣，多數會去糖街食碗車仔麵，但自從旁邊開了 Sugar+ 之後，又多了一個好去處。
早排就同朋友去了6樓的宮崎肉本舖。
望望門口主打的宮崎A5桜花牛極上放題（$998），加埋一都要千幾，係家陣市道，竟然要等位，相信有一定質素。
套餐內包括了10款宮崎A5 桜花牛，當中有肉眼、和尚頭、前腿肉、壽喜燒、肩里肌、肩口肉、牛肋肉、五花肉、内後腿肉和外後腿肉。
係人都知和牛好正，所以前四種一次性，後六種可以無限追加，胃口好公平，食得幾多就食幾多，不要浪費。
而最窩心係壽喜燒同肉眼係由職員親自操刀，火喉啱啱好，又可以坐享其成，真好。
食烤肉也好，食火鍋也好，真係要人多，今次四個人都係［食］力派，當然可以掃餐牌。
前菜
一口氣點了宮崎肉本舖和風沙律、椰菜沙律、胡麻豆腐菠菜沙律、冷豆腐龍蝦沙律、和風蕃茄及漬物三品。
但個人比較喜歡冷豆腐龍蝦沙律及和風蕃茄，一個濃香，一個清新。
熱食
點了日式醬燒茄子（2件）及自家製九州和牛黑松露餃子（2件），雖然味道不錯，但奉勸大家留返個胃食烤肉。
內臟
勁多選擇，單是牛類有牛心(2件）、牛肝（2件）及牛腸（2件），三款中牛心爽口彈牙，我鍾意，而牛腸有點韌 好難咬開。
雞類仲多，有雞冠（辛口）4件、雞頸肉（4件）、七味雞腎（4件）、雞皮(4件）、七味雞肝（4件）、燒汁雞心（4件）及雞皮(4件），真係諗到都食到，其中雞冠同雞心好特別，值得推薦。
日式骨付腸（2件）是同行朋友指定菜色。
蟹味噌甲羅燒
有驚喜，尤其是加上邪惡既鵪鶉蛋，拌均放在米通上一齊食就更滋味。
其他比較特別海鮮有日本魷鱼（辛口）(2件）、櫻花蝦蛋黄醬帆立貝(1件）及香草牛油廣島蠔（2件）。
其他雜項有白粟米（2件）、明太子牛油野菌、明太子釀手羽(1件）及芝士年糕（1件）。
自己係澱粉質怪，吃完肉都仲可以來一碗松葉蟹肉茶漬飯。
喜歡鮮味的，有自家製味噌鮮魚湯、A5宮崎牛廣島蠔豆乳湯烏冬以及九州胡麻冷麵，當然是其他人的order，我還是乖乖享用茶漬飯好了。
飲品
比較有特色飲品是青蘋果乳酸梳打及茘枝乳酸梳打，怕甜的不妨來罐凍烏龍茶或是零糖可口可樂吧！
甜品
雖然不是homemade，但三款甜品各有特色，反正甜品是另一個胃，3.6特濃牛乳奶凍、柚子雪葩及MOW 桃味雪糕，全都掃了。
地址 : 銅鑼灣糖街25-31號Sugar+ 6樓
電話 : 3568 5330 / 6880 8908 (WhatsApp)
味道 : 5 環境 : 4 服務 : 4 衛生 : 4 抵食 : 4 位置 : 4
IG : foodiephilip
小紅書 : 美食焚化爐
希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!