自通關後，一連幾個月同太太周遊深圳，住過不少酒店，遠至金沙灣，近到關口，而今次乘著假期，跑到了近深圳灣的中洲萬豪酒店。
不說不知，原來12月正是酒店落成8周年，當中挺過了封關的日子，真不容易。
跟以往的酒店有點不同，checkin counter 並非位於地下大堂，而是要乘搭電梯到43辦理入住手續，住客基本上都是商務人士，當然有家庭客，但相對較少，環境亦顯得寧靜，適合愛旺中帶靜的朋友。
由於是日怕人潮，所以一早到酒店，還未 check in 就先往酒店的中菜廳用膳。
一如其他萬豪酒店，中菜廳簡單的直喚萬豪中菜廳便算。
餐廳規模不算大，但設有卡座、廂房及圓檯，適合不同組合的客人。
看看餐牌，基本上揉合了粵、滬及川菜的影子，幾適合來自不同地方的旅客須要。
最令人有驚喜是麻婆豆腐小青龍，辛香的辣味，把新鮮龍蝦的味道激活了，強烈建議大家一定要來碗白飯拌食，會更滋味。
另一道以花椒來蒸筍殼魚，既不會搶味，反而帶出魚肉的鮮香，火喉又啱啱好，肉質嫩滑，仲要選用斤半左右筍殼，實在找不到挑剔的地方。
整體而言，這個午餐令人滿意。
今次入住的樓層，搭乘電梯時已經可以遠眺深圳灣的開揚景致，房間更是開揚，單是這個已值回票價。
逾700呎的房間相當寬敞，能遠眺深圳市及邊境的景色，落地玻璃帶來溫和的陽光，相當寧靜舒適，用來充電一流。
餐桌上亦放上了甜品、水果及白酒，實在相當窩心。
浴室分開企缸及浸浴，悉隨專便。
而洗手間竟然有兩個，遇上急事或人多入住時都無須同人爭。
至於衛生用品亦相當齊全，但梳子及剃鬚刀，就要打電話向前檯要求，不過就會由AI機械人送到門口，不假人手，相當有趣。
而保險箱、浴袍、風筒、燙斗一應俱全。
住深圳友人見有空，亦老遠跑過來聚聚。
畢竟是具規模酒店，多數都設有下午茶，中空 Lounge可直望幾十米高的天花，落地大玻璃透入陽光，旁邊是一道螺旋樓梯，聽說是不少網紅的打卡位。
Afternoon Tea 主題是 Dopamine，相信係想令人覺得放鬆同開心。
但下午茶有鱘魚子醬、鵝肝醬及螫蝦，用料都算矜貴，而且賣相比起好多酒店要好，質素及味道比起香港的酒店不遑多讓。
至於晚餐，見網上口碑不錯，就選擇了在酒店的 Kitchen Nanshan。
單是海鮮已經有鮑魚、大頭蝦、花蟹、加菲蟹、三點蟹、扇貝、花螺、東風螺及青口，種類好多。
最令人覺得CP值高係有法國生蠔，仲要係即開，加埋芝士焗扇貝同蒜茸焗蠔，難怪自助餐一向受歡迎，至於仲有什麼回本位，會另文同大家詳細分享。
食飽飽又可以到附近大型商場逛逛。
晚上看著遠處點點燈火，有點似在香港半山遠向中環的感覺。
第二日起身，可以見到香港少見的朝陽，人都倍覺精神。
訂房時已包含自助早餐，所以又係不假外求，基本上都以粥粉麵飯為主，再加扒類、蛋類、點心、什糧同cold cut，其實已經好豐富，單係麵類已經有即拉手功麵，而蛋類有堂弄奄列。
飲品同樣多選擇，西瓜汁、哈蜜瓜汁、橙汁、葡萄汁同蘋果汁。
食飽飽當然時活動時間，先去健身室做運動出下汗，然後去相信係全深圳最高，位於62樓既室內泳池游水就最fit。
兩日一夜行程都算充足，酒店附近有大型購物商場，可說是靜中帶旺，幾間餐廳的服務到位，食物亦見水準，而且以商務客為主，適合愛寧靜的朋友。
酒店地址 : 廣東省深圳海德一道88號
電話 : +86 755 8666 6666
想知道更多深圳資訊 :
小紅書 : 美食焚化爐
IG : foodiephilip
希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!