憩睡一夜後，又係時候醫肚，入住豪華閣房間的客人，早餐可選擇到Zen鮮又或是在37樓豪華閣享用。
個人覺得豪華閣的食物種類比起Zen毫不遜色，而且感覺會較精緻。
豪華閣本身有基本食物，點心（蝦餃、牛肉球、鳳爪、叉燒包及燒賣）、粥、蛋、扒、腸、芝士、cold cut、飯糰、包點及甜品都有十幾款，而飲品除了果汁及奶類，更加有乳酪及益力多，水果更是加強版，熱情果、西瓜、木瓜、哈蜜瓜、蜜瓜、菠蘿、石榴、西梅、火龍果、西柚及提子，真係食水果都可以飽肚，誇張到一個點。
其實豪華閣仲有隱藏menu，分為中西日三款。
日式係牛肉飯、烏冬及味噌湯之類，旁邊客人有點，但我只得兩人，見中式陣容勁豐富。
先係配料十足的海鮮粥。
再來是自家製水餃、雲吞配叉燒撈麵。
又有三色小籠包配海參鮑魚烏冬同埋松露蒸蛋。
而西式就選擇了班尼迪克蛋，用刀輕輕一戳，蛋漿便流出，中間的煙三文魚沾上了蛋汁，美味滿分。
但係要記住，所有食物都可以Free Flow，點幾多次都得。
食得太飽，當然去 GYM ROOM 既時候，雖然健身室都好多人，但由於地方大，所以想使用的機種都用到，問題不大。
而同樓層的半標準泳池亦都好受歡迎。
但數到最厲害係更衣室的設備是少有的齊全，除了有休息室、冷熱水池浸身外，仲有乾濕兩種桑拿，真係有點令人意想不到。
見未夠鐘食Lunch，就四圍行下，原來露天平台，有一個兒童天地。
有蓋地方有電玩同小型攀爬遊戲，仲有彈床、吹氣圓柱同網球場。
而最誇張係有電動卡丁車，專門比小朋友玩，而部份房間係有免費玩一次的優惠，見真係有家長帶小朋友去玩，而且係會佩戴安全帽等護具，非常安全。
午間就係啱啱搬了位置的［香樂園］。
而［香樂園］少說已光顧了七、八年，當年帶朋友北上，包廂房同大堂都不知食了多少次，從來沒有失望過，而且價格相當合理，一道以羅漢果炆的扣肉、一道加入鵝肝的片皮鴨，以及幾款賣相亮麗的前菜，都是美好的回憶，今次搬了新位置，地方是更雅致，師傅仍是董師傅，菜色是有所提升，片皮鴨是加上了魚子醬，換上了新妝，部份菜色暫時退下火線，但新菜色是更具吸引力，當然價錢是有所調整，至於詳細的分享，會另文再講。
因為入住豪華閣房間，可延長退房時間至下午四時，出入更加彈性，不錯。
酒店專頁 : 深圳福田香格里拉
酒店地址 : 廣東省深圳福田區益田路4088號
電話 : +86 755 8828 4088
想知道更多深圳資訊 :
小紅書 : 美食焚化爐
IG : foodiephilip
希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!