海洋公園對自己而言，雖然未至於童年回憶，但的確留下不少開心日子，所以只要有空，都會入去逛逛，尤其是如果係海龍皇餐廳或爐炭燒食晚飯，係下午6點已經可以免費入場，足夠時間行下香港大街，又或者去大魚缸睇下魚，晚上更有光影滙演，有車人士，仲可以有兩小時免費泊車，真係超方便，加上有地鐵，係金鐘搭一個站已經到，如果仲有人話去海洋公園好遠，其實佢真係好OUT！
今次都係較早時間入場睇下，夠鐘就去《 Ginger Grill 》。
天氣實在太熱，一坐低就先來一杯［三檸特飲］。
說穿了，其實是以檸檬、青檸及鹹檸檬加雪碧，鹹甜夾雜，又夠凍，爽！
餐廳近日推出了「泰式風情」 雙人晚餐，供應時間由下午五時至晚上八時三十分。
其實感覺上，山下的餐廳比山上的較便宜，好似今次個套餐，單頭$398，加埋一就$440，如果兩個人就仲抵食，兩位不過$680，連加一計落不用$400，個人覺得相當划算。
ASSORTED PLATTER 雜錦拼盤SUGAR CANE WITH SHRIMP,DEEP FRIED CHICKEN IN PANDANG LEAVES AND PORK SATAY SKEWER
一個充滿泰式元素的前菜，蔗蝦炸得熱燙，享用時真的要小心；班蘭葉包雞好香口；而沙嗲豬肉串非常惹味。
SOUP 湯
TRADITIONAL THAI STYLE MINCED PORK IN SUPREME SOUP
食得有點熱氣，來個湯潤潤喉嚨，以肉碎及娃娃菜作湯底，非常簡單，再加入粉絲，充滿了南亞風情。CHARCOAL GRILL 炭燒U.S. STRIPLOIN STEAK (40Z)美國西冷(4安士)
及SALMON FILLET (40Z)三文魚柳(4安士)Canadian Salmon 加拿大三文魚Choose one Charcoal Grill for 1 person set Dinner一人餐可選一款炭燒
因為係兩人分享，便乾脆兩款都點了。
但有一點想講，如果二人餐可以多一款選擇會更好，畢竟越來越多人係免牛族，而且一隻碟放上兩款食物，實在夠怪的，用多隻碟不難吧？
講返西冷份量啱啱好，切開亦有medium rare的質感，肉味夠濃，個人好鍾意。
而三文魚肉質呈粉嫩，入口輕盈滑溜，火喉控制好好。
想味道更誰一步，可以蘸點特製的羅望子酸辣醬
及薑黃薄荷醬。
CURRYSEAFOOD CURRY WITH FARMER BREAD
咖喱海鮮配農夫包
挖空的農夫包內，是滿滿的海鮮咖喱，青口、帶子及鮮魷佔了一半位置，撕開農夫包來蘸汁，又香又惹味。
及
THAI STYLE STIR-FRIED BABY CABBAGE WITH GARLIC
泰式炒椰菜苗
個人都好鍾意每餐飯都有碟菜蔬，今次食泰國菜，炒椰菜苗最啱，不過似乎略鹹。
DESSERT
GINGER GRILL DESSERT PLATTER爐炭燒甜品拼盤
當中包括了常見的芒果糯米飯、班蘭糕、白朱古力片、藍莓及龍珠果，但份量好似一人餐，其實可以多些少會更加好睇，亦都可以同朋友share。
Facebook 專頁 : Ocean Park
官方網頁 : 海洋公園
地址 : 黃竹坑海洋公園海濱樂園夢幻水都
電話 : 3923 2323
味道 : 5 環境 : 4 服務 : 5 衛生 : 5 抵食 : 4 位置 : 4
希望各位喜歡這篇文章的朋友，請在我的專頁上剔”LIKE”，當作小小的鼓勵吧!謝謝!