東瀛•韓風•海鮮自助晚餐 @ 8度餐廳 ( 土瓜灣8度海逸酒店 )

很久沒來土瓜灣的8度海逸酒店了,家陣多了港人外遊,好多自助餐都減價搶客,而且食物又沒有因貨就價,正。

而且MTR通車,出入都好方便。

首先係逢星期一至五(8折)成人$598 / 長者$508 / 小童$438

星期六、日、公眾假期及前夕(85折)成人$638 / 長者$568 / 小童$498

每位成人或長者惠,同行一位小童半價。

首100位客人,可享額外9折優惠,即係折完再折。

同行4位或以上,生日之星已經半價,仲有free紅或白餐酒乙支;又可以選擇一磅免費生日蛋糕連紅或白餐酒乙支,真係優惠多多。

可以折扣真的吸引,是日就算是平日,都有9成滿。

美國生蠔

雖然沒有龍蝦,但竟然有美國生蠔,加上已經不是大而無當,而係入口有蠔味,邊位帶爽,仲可以食多幾 round,好滿足。

另外仲有西式芝士焗蠔及中式蒜蓉辣椒焗蠔兩款,前者口感豐腴,而後者香口惹味,難怪好受歡迎,不過refill得好快。

清酒煮鮮鮑魚又係一個回本位,用上新鮮貨,柔韌肉質與雪貨是兩碼子的事。

加上海鮮有青口、長腳蟹爪、翡翠螺及凍蝦,雖然沒有龍蝦,但已經好夠。

刺身

竟然有和牛刺身,肉味幾香,不錯。

刺身種類比起好多酒店強,計有赤蝦、赤貝、帶子、吞拿魚、三文魚、油甘魚、蟹柳、玉子及鯖魚,解凍處理得恰當,沒有討厭的雪味,蘸點醬油來提鮮,味道更佳。

壽司首選燒炙牛肉卷,油香滿滿,又有加州手卷及鮪魚蔥軍艦

Carving Station

脆皮豬腩最愛豬皮位脆卜卜,陣陣油香。

特級燒牛肉就等到中間較生的位置先出手,鬆軟有嚼口,我喜歡。

西式忌廉蘑菇湯飲落好香蘑菇味,而且有點點碎粒,而韓國人參雞湯就甘甜可口。

冷熱食的海鮮類都有好多。

木魚清酒大蜆滿是酒香,肉質又嫩,最緊要係無砂。

韓式泡菜芝士煮藍青口辣辣地好惹味。

仲有韓式辣炸荷蘭比目魚、香煎海盲鰽、燒春雞、名古屋炸豬扒、辣酒煮翡翠螺、海鮮炒四季豆、醬油芝麻炒雜菜及櫻花蝦蟹子炒飯

熱葷

基本上以肉類為主。

燒羊扒

羶味輕盈,好怕臊的女士。

紅酒燴牛尾

炆得好稔,如果配碗白飯拌汁仲吸引。

蒜蓉芝士大蝦

好有中菜館風味,有埋伊麵置底會更正。

之後係日韓菜色。

雜菜關東煮、日式牛腩配香辣海藻、韓式大蝦雜菜薯粉絲、韓式泡菜野菌炒大豆芽、韓式牛仔骨、豉汁涼瓜炆鴨及蒸小籠包

咖喱類

咖哩雞、咖哩雜菜、咖喱牛腩配薄脆片

串燒類

即燒即食,有牛肉、多春魚、雞肉以及露筍,每款各點一串,好香口。

炸物有軟殼蟹天婦羅

Cold Cut

Cheese Platter、Cold Cut 、煙三文魚和煙鯖魚柳

前菜類

想先開開胃口,大可試試前菜類。

韓式雜錦前菜、日式雜錦前菜及泰式鳳爪,都係屬於開胃菜。

其他有大啡菇、特色醉雞翼、水牛芝士鮮茄沙律、泰式魷魚沙律、秋葵沙律加上DIY 沙律

甜品

甜品一向是餐廳強項,單係Movenpick迷你杯裝雪糕,已經有士多啤梨、Panna Cotta Raspberry、Espresso Croquant、香草及瑞士朱古力,口味眾多,而且獨立包裝,保證衛生。

至於係甜品區,就有北海道3.6牛乳布甸、芒果忌廉蛋糕、雜錦蛋糕、草莓慕斯蛋糕、雲石芝士餅、車厘子撻、牛油麵包布甸配雲呢那汁加埋抹茶軟芝士餅,陣容真係好豐富,而且好啱自己胃口。

每隔十幾分鐘出爐的蛋白梳乎厘,熱辣辣又充滿蛋香,又係必食。

旁邊的抹茶紅豆白玉蛋糕、葡撻、熱香餅配Movenpick雪糕以及蛋白杏仁茶,都有一定的捧場客。

飲路當然係任飲奶茶、咖啡、可樂、蘋果汁同橙汁,計落又慳返不少。

餐廳專頁 : 8度海逸酒店

地址 : 土瓜灣九龍城道199號8度海逸酒店地下

電話 : 21261960

味道 : 4  環境 : 4  服務 : 4  衛生 : 4  抵食 : 4  位置 : 4

希望各位喜歡這篇文章的朋友,請在我的專頁上剔”LIKE”,當作小小的鼓勵吧!謝謝!

http://www.facebook.com/foodiephilip

發佈留言

發佈留言必須填寫的電子郵件地址不會公開。 必填欄位標示為 *