Baileys X Republica del cacao 南美風情 Afternoon Tea Set @ 大堂酒廊 Lobby Lounge ( 尖沙咀海景嘉福酒店 )

 


自從多了時間四圍走,可以做自己最開心既事,就係飲飲食食。

以往好少接觸下午茶,原以為是女士們的專屬領域,但細心感受,卻是另一片天地。

以往每次到海景嘉福洲際酒店,9成都是光顧海景軒,就連母親最後一次壽宴都是找梁師傅寫菜單。

是日晚上另有聚會,正好有時間試試酒店饒有特色的Afternoon Tea Set

甜點師選用了品牌 Republica del cacao,結合Bailey甜酒,設計出充滿了南美風情的下午茶,而供應期至明年一月底,兩位享用不過$538(另加10%服務費)

摒棄一般的三層架,換上了一個猶如收藏金銀珠寶的木箱,既獨特又有趣。

就連餐單都分為中英兩個版本,正好睇Menu學英文。

鹹點

檸檬香草醃蝦多士

講起蝦多士,相信好多人會第一時間諗起懷舊菜,但今次係個美麗的誤會。

原隻鮮蝦配以檸檬dressing及香草,味道清新怡人,不錯。

牛肉芝士玉米片

小巧的一件,牛肉軟熟可口,與芝士的組合,又沒有違和感。

甜粟米雞粒釀墨西哥辣椒

小心一拎上手就會散開,墨西哥辣椒感覺不太辛澎湃,反而辛香刺激了食慾,都幾好味。

煙三文魚牛油果脆餅

大家有無發覺,除了鬆餅,三文魚係下午茶佔了一個好重要地位,可以話係常客。

好多時三文魚係配麵包類,而今次甜點師配以牛油果脆餅,效果又幾好喎。

甜點

番石榴杏仁啫喱配意大利藍芝士香草蛋糕

賣相簡單不過,外表睇毫無殺傷力,但內裡暗藏玄機,因為Blue Cheese 味道濃烈,一咬之下,芝士味洶湧而出,其實真係好極端,喜歡重口味芝士的朋友,相信不會失望。

牛油果醬黑朱古力紅桑子忌廉脆餅

驟眼睇仲以為係鹹點,咬落先見真章,本身都幾甜,但有紅桑子作平衡點,又有牛油果醬的滑溜,我喜歡。

花生醬牛奶朱古力熱情果蛋糕

置頂以為係花生粒,原來是金朱古力 Dulcey,因為在製造過程中加入焦糖化的牛油,令它帶有金黃色外表與焦化牛油的味道,味道非常獨特,但相對甜度較高。


百利甜酒海鹽焦糖粟米餅

家陣下午茶已不單是飽腹又或是消磨時間,而是在視覺效果上有所要求。

這個迷你粟米,象真度極高,質地軟綿,在甜香中夾雜少許海鹽及酒香,味道非常獨特,超鍾意。

百利甜酒朱古力咖啡迷你蛋糕

有點玩味,在迷你蛋糕插上吱吱筒,內裡是Bailey甜酒,食之前把甜酒注入蛋糕,令口感多了一朕濕潤的酒香。

亞馬遜黑朱古力帽

賣相別緻可愛,黑朱古力濃度高,係我杯茶,入口感覺甘甜,加入爆炸糖好特別。

提子乾英式鬆饼

英式濃縮奶油及果醬

好多時都會覺得鬆餅太大件,兩款口味共4個,食到一半已經覺得好飽,往往會食剩。

想不到今次遇上迷你版,仲好,從中撕開兩半,分別塗上Clotted Cream 同果醬,掃光無難度。

餐後來杯摰愛的Earl Grey Tea,慢慢感受佛手柑的幽香,消弭舌尖上的甜膩感,真好!

Facebook 專頁 :

 InterContinentalGrandStanfordHongKong

地址
:
尖沙咀麼地道70號海景嘉福酒店大

 

電話 : 27215161

 

味道 :
4 
環境 : 4 
服務 : 4  衛生 : 4  抵食 : 4  位置 : 5

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

閃爍聖誕 X 瀛風放題 @ Le Menu ( 灣仔六國酒店 )

 


就快到「聖誕節」,搵到地點慶祝未呀?

相信最受歡迎一定係酒店自助餐,食物種類多又有氣氛,一班人熱熱鬧鬧又真係好開心。

但好多時都會分兩輪,人多時拎食物都會有點急趕,對嗎?

如果家陣話比妳聽,可以係酒店食放題,食足4個鍾,無錯,妳無聽錯,係4粒鐘,成件事係咪開心好多呢?

位於灣仔的六國酒店,早前推出「黯然銷魂飯」大受歡迎,就算賣到$400一個套餐,依然晚晚爆,或許是質素取勝吧!

而臨近聖誕節,Le Menu 推出日式放顯,就算係節日當天,依然可以由1800食到2200,食足4個鐘。

其實又真係好處多多,一來無須等齊人開動;所有食物按人頭份量上,減少浪費;唔怕比其他客人摷到亂晒,保持衛生;仲可以慢慢食,絕無趕頭趕命的感覺。

先講下價錢,由121日至17日,成人$538 / 小童$438,而1218日至202212日,成人$598 / 小童$498,但已經係實價,無須再加10%服務費。

優惠真係浪接浪,原來4人同行,一人免費(但只限每日首20名顧客,而且不適用於12242526以及31日)

1217日前,客人會獲贈龍蝦雲丹燒同威靈頓牛柳

而係18號之後更加送煎羊扒、煎帶子以及堂弄火焰雪山,單係上述幾樣都已回返一半本啦!

中間仲會加插Off Menu 驚喜。

放題以日式作主打,總共有A~F供大家選擇,睇啱剔好交給侍應就可以,唔使行出行入。

飲品方面,餐廳free flow果汁汽水,成人仲有杯白酒。

就由最喜歡既食物講起。

串燒

帆立貝、青口、西冷牛粒、豬頸肉、雞翼、牛舌、蝦、野菜、粟米、菠蘿以及多春魚

必食西冷牛粒、雞翼、牛舌、帆立貝同菠蘿,燒得好香口,少少焦香,又不會烤過火,配酒一流。

刺身

一向最受人歡迎必定係刺身,每位客人落order,都會擺放得靚靚又整齊,仲要有冰鎮住先上檯,確保新鮮衛生。

三文魚、吞拿魚、希靈魚、油甘魚、榮螺片、八爪魚同甜蝦

食完一round,隨時可以時翻兜。

煮物

其實幾飽肚下,有日式咖哩雞、日式茶碗蒸、豚肉大蜆煮、日式香菇煮物、酒粕三文魚頭味噌湯、牛肉溫泉蛋芝麻醬油湯及沖繩黑糖滷牛肋條

咖喱雞份量多,好入味、大蜆煮好鮮甜,牛肋條炆得好稔又惹味。

天婦羅

蝦、軟殼蟹、金菇、芋頭、鮮冬菇及南瓜

油份似乎可以瀝得更清,但可接受,炸漿厚薄亦合格。

日式小吃



反而小吃水準不錯,尤其是吉列炸蠔,外脆內嫩又juicy

其他有章魚小丸子、海鮮秋葵大阪燒同日式木魚花豆腐

甜品



首選當然係位上火焰雪山,視覺效果一流,充滿了酒香,內裡是雲尼拿雪糕,諗起都想食。

在坐有甜魔,一口氣將甜品紙盡掃。

柚子芝士蛋糕、檸檬撻、星空幻彩啫喱、白桃忌廉卷、3.6牛乳櫻花布丁 及白玉紅豆抹茶凍

個人覺得忌廉卷同抹茶凍幾啱自己口味。

沙律

想食返清少少,有藜麥水牛芝士沙律、烤紅菜頭南瓜沙律、日式柚子鮮蝦沙律、日式黑醋蕃茄以及粟米蛋蟹子沙律

日式涼菜

想食下涼菜,都有日式凍豆腐配胡麻醬、柚子海蜇、帶子裙邊、青瓜粒味付螺肉及鮮茄泡菜冷麵

壽司/卷物

建議大家將胃納放係之前推介菜色,因為壽司只能說不過不失,但總有愛好者的。

種類有三文魚、牛油果醬熟蝦、醬汁蟹棒、北海道帶子、烏賊、炙燒三文魚配羅勒醬、蒜香燒牛肉、玉子燒、芥辣八爪魚軍艦、 吞拿魚茸海苔飯及花之戀手卷

熱湯

泡菜豆腐湯或是西湯(每日更新,今次是忌廉南瓜湯)。

前者都幾辣下,而後者甜滑又濃稠。

/麵類

想飽肚又有醬油酥雞拉麵、日式叉燒烏冬同明太子三文魚炒飯。

總括而言,係聖誕節搵餐廳已經難,竟然無乜加價,仲要upgrade,非正日三送一,食得安全又衛生。

Facebook 專頁 : Le Menu

地址
:
灣仔告士打道72號六國酒店1

 

電話 : 28663808

 

味道 :
4 
環境 : 4 
服務 : 4  衛生 : 4  抵食 : 5  位置 : 5

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

工展會2021優惠攻略

 


年度香港盛事之一~「工展會」,終於在疫情的陰霾下重現。

上年曾經網購,結果攪到一鑊粥,貨品寄去人地屋企,部份貨品無影無蹤,跟足一個先解決到,個人始終覺得即買係最好。

今次展期由20211211日至明年13日於維多利亞公園舉行。

今年跟以往有點不同,場內已不再設熟食區,就連試食都沒有,相信大家要醫好肚先入場,否則逛到肚餓腳軟。

15歲以下及長者是免費入場,而接種了兩劑疫苗人士,在傍晚6點後亦可免費入場,但有一點要注意,場內是有人流管制,去到可能要排隊等入場。

場地的擺設基本上沿用以往設計,各大品牌攤位非常搶 fo

今年亦設有工展小姐選舉,睇睇大家眼光。

歸根究底,入得場一定係想搶平野或心頭好,今次就同大家介紹幾個重點。

1B11-14)聖諾盟健康家居用品有限公司~SINOMAX 舒適竹炭枕($299/兩個)(每天30套)

1C01-02)聚大行國際有限公司~ 金鳳泰國頂級香米福袋(
包括金鳳泰國頂級香米一公斤及環保袋各一,$2/每天30套)

2B71-80)李錦記(香港)有限公司~11號至15號期間,以$5換購蠔皇極品鮑魚(180克)(每天名額50個)

2C04)御殿堂有限公司~ 檳城娘惹白咖哩麵(110/4包)($10/20包)

3B02)金海海產有限公司~ 菲律賓原條星斑(300克)($10/每天20條)以及挪威三文魚扒/三文魚柳($5/每天20包)

5A34)譽好有限公司~Dreamy Room寢室用品四件套(包括: 床笠x1、被袋x1及枕頭袋x2)原價$100,推廣價$55(限20套)

5B05-06)西進國際市務有限公司~慢磨炸汁機,原價$1988,特價 $998


6C01-04)東方產品供應有限公司~急凍鷓鴣最平四送一,等於$280/5

至於仲有乜野優惠,大家可以係場刊裡找到,到時記得早D入場啊

 官方網頁 : 工展會2021

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

精美用心的中菜 @ 尚夢*茳煳 ( 灣仔 )

 


早年曾經在灣仔上班,附近最多是食肆,花樣百出,諗得到都有,而且經常有新餐廳出現。

尚夢*茳煳走的是新派裝潢,吃的是傳統中加入變化的菜色。

餐廳共有兩層,樓上是廂房,帶點私隱度,而地下是卡座吧檯,感覺都幾破格。

午市套餐大約$110$120不等,但已包括餐前涼拌小食、燉湯、甜品及飲品,因為加入燉湯,所以定價都相當合理,而如果想試下中式Omakase 分別是每位$388$588,可說是豐儉由人。

海星花膠燉湯($88

原盅用微火保溫,湯料豐富到一個點,海星、花膠、牛肝菌、瑤柱以及上肉,集齊了清熱、滋補同抗流感的功效,對於身體極好。

湯色清澈,呷落卻又芳香醇厚,湯料的味道通通都跑到湯裡,時間是最佳證明。

醉缸南($108

以小瓦缸放入烏雞蛋雞、雞中翼、鴨舌、豬手以及大蝦,材料好豐富。

最欣賞大廚下得好重手,酒香輕盈而不過份,雞翼同豬手皮位有爽勁,用來佐酒好啱。

自家製醬汁紅燒牛面頰($98

當日望望餐牌,的確有點難以置信,以不到$100的價錢,有整碟的份量,而且炆得好腍及惹味,送飯無得輸,或者家陣已經加返價都不足為奇。

尚夢三色芝士龍蝦茳煳伊麵

其實同一個菜名,卻有兩種不同收費,源於食材的差異,如果是波士頓龍蝦($388),換上澳洲龍蝦($488),肉質各有千秋,就看閣下的喜好了。

大廚選用了低脂芝士、巴馬臣芝士以及車打芝士混合而成,質地濃稠,香氣四溢,而伊麵是老遠跑到元朗,找來老字號的麵家製作傳統手工伊麵,至於是那一間,就不得而知了。

伊麵掛上了香濃的芝士汁,惹味到極,插上幾片炸芝士片,更是令口感更佳。

欖菜肉排($98

等如咕嚕肉一樣,好多地方都食到,但高下立見,肉排外面裹了一層蜜糖,食落鹹甜的平衡處理得相當好,而且有微脆的口感,正。

客家鴛鴦菜($78

說起來,真係好少食到梅菜炒白菜這道菜色,咸味來自梅菜,又幾得意,但略微油份過多。

大良炸鮮奶($65

很傳統的客家菜,炸得色澤金黃,油溫處理得相當好,而鮮奶加入椰汁,多了一朕芳香馥郁的感覺,我鐘意。

 

地址
:
灣仔譚臣道1-3號長康大廈地

 

電話 : 26686980 / 97675106 ( Whatsapp
)

 

味道 :
4 
環境 : 4 
服務 : 4  衛生 : 4  抵食 : 5  位置 : 5

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

輕食午餐 @ 沙嗲軒 ( 屯門香港黃金海岸酒店 )

 


實在有好一段日子沒來屯門了,近日靜極思動,懶骨頭居然想郁動一下,老遠跑到屯門見工。

見工過程尚算順利,但成功與否倒是平常心,甫出門口,心下一鬆,便覺肚餓,沿著黃金海岸的海邊緩跑徑,信步去到酒店找老朋友敍敍。

大堂因為近月迎接聖誕來臨,酒店以動漫「比卡超」作擺設,佈置成多個打卡點,喜歡「比卡超」的朋友可不要錯過。

中菜廳食了好幾次,同名沙嗲軒菜色只在尖沙咀店品嚐過,屯門店多年來都是擦身而過,正好來個輕食午餐。

啱啱 interview 完,天氣又乾燥,口渴到一個點,即時來杯薏米水,清潤甜滑,正好。

餐前小食是「黃金魚皮」,即炸即食熱辣辣,入口時仍感到一陣咸蛋香及熱氣,咬落脆卜卜,送啤酒真係絕配。

五香腐皮豬肉卷($78

外層又係炸得香脆,未食已傳來五香粉的氣味,豬肉夾有少許肥肉,油香令口感及味道增添吸引力,蘸點帶甜的黑醬油會更惹味。

沙嗲雞及豬(半打/$138

店名稱得沙嗲軒,串燒沙嗲當然有水準。

朋友是免牛族,只點了雞及豬串燒,邊位有焦香,甜甜地又有花生香的沙嗲是靈魂所在,令味道提升了不少。

海南雞飯($168

用上新鮮雞,雞味比冰貨好多了,雞肉嫩滑,尤其是有三色醬提供,相當對辦。

雞油飯粒顆分明,而油份又足,食得人心花怒放,配上一小碗雞湯當然是加分點,因為坊間好多食肆求其加碗不知名例湯就胡混過關,但如果是雞雜湯我會更欣賞。

蒜蓉咸魚炒芥蘭($98

吃得太多肉類,想食點菜蔬清清腸胃,朋友二話不說,就來個蒜蓉咸魚炒芥蘭,菜炒得嫩綠,每條都有咸魚的香味,食落亦翠嫩,但略嫌油份偏多。

未知他日會否在附近上班,整個Lunch Time 就在說說笑笑中度過!

Facebook 專頁 : Hong Kong Gold Coast Hotel

地址
:
屯門青山公路1號香港黃金海岸酒店大

 

電話 : 24528822

 

味道 :
4 
環境 : 4 
服務 : 4  衛生 : 4  抵食 : 4  位置 : 3

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

Thai-Lobster Sensation Afternoon Tea Set X 回贈 $99 (2 Gift Voucher) @ Mango Tree ( 尖沙咀圓方 )

 


不知不覺,原來 Mango Tree 已經係香港立足了9個年頭,年初係圓方店試過佢地超抵食套餐後,近日又有新攪作,推出 Auspicious
9th Anniversary Celebration
Thai-Lobster Sensation
Afternoon Tea Set
)仲要凡惠顧此套餐即可獲贈 Mango Tree九週年餐飲禮券兩張($99)。


係夕陽斜照下,整個套餐都令人覺得份外絢麗。

就算是星期天,下午茶依然有提供,而且兩位用都不過$399,而且用餐後仲有兩張$99禮劵回贈比大家,下次可以再用。

整個 Afternoon Tea Set,充滿熱帶風情,以竹籃分成鹹甜兩款。

先講講鹹點。

鹹點



最亮麗的必然是「酸辣龍蝦米線沙律」(每人半隻),仲要用上澳洲龍蝦,超值度爆燈。

第一口米線好似太淡,原來係要加少少魚露,酸甜辣夾雜,米線又夠滑,美味度即時飊升,又有龍蝦肉加持,滿意。

鮑魚青芒果沙律

先不要介意鮑魚細細粒,青芒果沙律又真係好酸爽,口感清新,不過酸度個人覺得偏強。

燒鴨米紙卷

好香口,建議蘸點一下魚露,會更加惹味。

冬陰炸雞翼



睇落以為4隻,其實係拆開成單骨雞翼,炸得好香脆,但冬陰公味未算突出。

豬肉串燒

始終串燒係國技之一,豬肉烤得香口,邊位少少焦香,配啤酒最好。

迷你黃咖哩海鮮農夫包

實在有點驚喜,藍貝肉質嫩滑,蘸上了黃咖喱汁足以令人吃不停口,農夫包吸收了黃咖喱汁,慢慢撕開食,又是一道美妙菜色。

另一個竹籃放滿了泰式甜品。

甜點

香芒糯米飯

熟成的芒果肉,甜、香、滑,配以帶椰漿的糯米飯,真是絕配。

泰式班蘭千層糕

口感QQ,卻又帶黏性,獨特的班蘭味,每口都帶有熱帶風情。

翡翠西米丸子

有黃與白兩種顏色,原來黃色的餡料是西米,而白色是椰絲,各有所愛吧!

椰汁西米糕

甜而不膩椰汁香,西米亦煮得軟腍。

下午茶另一亮點是飲品,每個套餐包括以下兩杯指定特飲。

Cocktail

Thai Sangria

以白蘭地混和Chardonnay、芒果及橙汁而成,單憑賣相已經返一百幾十,飲落酒味輕盈,芳香甜美,真心推介。

Mocktail

Rose Apple Delight

以蘋果汁、玫瑰糖漿及青檸再放上玫瑰沙冰,色澤艷麗,視覺效果一流,陣陣玫瑰花香,女士們必然選擇。

Hot Drink

特色熱飲有 Warm Pandan ColadaRose Thai Tea LatteSea Salt Caramel Coffee選擇。

Rose Thai Tea Latte 放上了幾片玫瑰花瓣成了我的選擇,呷一口,質地幾滑,甜度是預的偏高,玫瑰的香氣令咖啡多了一層花香,不錯。

Fresh Juice

果汁有橙汁及西瓜汁,囝囝始終是小朋友,當然選擇了西瓜汁。

若果上述多款都提不起興趣,仲可以反樸歸真,來杯簡單的咖啡或茶。

離開的一刻,正值夕陽西下,從落地玻璃欣賞窗外景色,自有一番謐靜的氛圍。

Facebook專頁 : Mango Tree

集團專頁 : 1957 & Co.

地址
:
尖沙咀柯士甸道西1ELEMENTS圓方金區22032

 

電話 : 2668 4884

 

味道 :
4 
環境 : 4 
服務 : 4  衛生 : 5  抵食 : 5  位置 : 4

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

又到聖誕!又到聖誕!食下玩下! @ Cafe Renaissance ( 灣仔香港萬麗海景酒店 )

 


話咁快就到聖誕節,又係Buffet最火旺的日子,無他,成班人熱熱鬧鬧,既開心又有氣氛。

今年大家都未能出外旅遊,正好多了時間陪伴家人或一班朋友聚聚。

萬麗海景的 Cafe Renaissance 在今個聖誕,特別在122425日,推出加強版Buffet,食物陣容及級數,當然會有所提升啦!

至於價錢方面,自助午餐成人/$658,小童$398,而自助晚餐分兩時段,頭輪 : 5:30pm – 7:30pm ,次輪 : 8pm – 10pm,成人/$828,小童/$498,當中包一杯果汁或汽水,另加港幣$188,即可暢飲果汁、汽水、精選生啤、氣酒及紅白酒。

先講下聖誕節加強版的陣容。

聖誕節當然要有火雞,原隻上,切幾片試試,肉質一點都不「嚡」,加些少醬汁更惹味。

熱燙的 Raclette 芝士徐徐溶下,蓋在薯角上,味道滿分,香氣四溢。

仲有特別為聖誕而設的芝士火鍋。

亦有邪惡中又美味既香煎鴨肝,配以甜美的新鮮無花果,真係天使魔鬼混合體。

甜品有充滿聖誕氛圍的聖誕樹頭朱古力蛋糕與及意式聖誕麵包布甸

在寒冬中手執一杯香料酒或熱朱古力,又會否勾起妳對聖誕的遐思?

即蒸龍蝦

每位客人都會獲派一張「龍蝦劵」;憑劵可以換取即蒸龍蝦一隻,蝦肉是雪白彈牙,充滿了蝦膏,喜歡的又可以下點紅醋提鮮,比起凍食強了不知多少。

生蠔

即開美國生蠔

首選當然係即開美國生蠔,體形仲要適中,蠔味亦比早幾年質素好好多,而且每次限取三隻,確保衛生及新鮮。

海鮮

陣容都好多,包括咖啡蟹、沙白、翡翠螺、海蝦以及青口,尤其是咖啡蟹可以用爆膏去形容。

刺身



就算是平日,種類都好多,有三文魚、吞拿魚、油甘魚、八爪魚、鮑片以及帶子

個人首選肥厚肉嫩的帶子,同埋柔韌富彈性的八爪魚。

海南雞飯

今次想推介下海南雞飯。

雞肉是嫩滑到一個點,雞油飯粒顆分明,但個人喜歡油份再多一點,配上三色醬料,絕對比坊間不少專門店更勝一籌。

Carving Station



Prime Rib、烤羊腿及燒春雞屬必食之選。

仲有Beef Tenderloin、原條烤魚、風沙雞翼同埋烤鴨

Side Dish

可以配烤南瓜、薯仔以及焗什菜。

仲有香氣濃郁的Chicken Masala,用醬汁碗白飯一流。

湯品



主力燉湯是「冬菇杞子螺頭燉赤肉」,用上細燉盅,份量不多,但隨時可以飲多幾碗,老實講,又幾足火喉,喝起來感覺醇厚。

而西湯是龍蝦湯,很濃稠的質感,龍蝦熬煮的湯底好濃味,亦有不少蝦肉,好味。

熱葷



第一次係自助餐見到有蒸白鱔,又多一個賣點,蒸得時間啱啱好,肉質爽彈又惹味。

其他熱葷有蒸奶黃包、辣炒蝦、炒花枝蜜豆、炒麵及炒什菜,都好啱我口味。

意猶未盡,想來點澱粉質,又有越式牛肉湯河

芝士

Camembert Cheddar
Cheese
以及Gorgonzola
三款。

Cold Cut 及 沙律



莎樂美腸、Sliced Coppa、風乾牛肉及煙三文魚

清清地又可以來一碟DIY Salad,亦有希臘沙律、Quinoa SaladPork Tripe Salad 及雞沙律

甜品



先講下即製蘋果卷,內裡不單有蘋果肉,更有提子乾,層次分明,再加一球香草雪糕,冷熱夾雜,超正,又係必食菜色。

此外,當然會有 Häagen-Dazs 雪糕,味道有咖啡、 Mango and Raspberry Cookies and Cream 、雲呢拿、朱古力以及 Strawberry and Cream,睇下大家有無「食」力,每款食一杯。

甜品區亦係自己經常流連忘返的地方。

原個上的 Earl Grey Mousse Cake、綠茶紅豆慕絲、朱古力紅桑子慕絲蛋糕、栗子蛋糕、班蘭戚風蛋糕、 Cheesecake 以及麵包布甸

切了幾款試試,栗子蛋糕甜而不膩、朱古力紅桑子慕絲蛋糕滑溜可口,誠意推薦。

懶得切開蛋糕?可以有小巧的Chocolate Cone、馬卡龍、雲呢拿奶凍、62%Valrhona Chocolate MousseTiramisuCookieeChocolate Rocky Cake Madeleine

當中必然要介紹濕潤的Tiramisu及芳香雲呢拿奶凍,所以話甜品係第二個胃真的沒錯。

祝大家今年有個健康又開心既聖誕節。

酒店專頁 : Renaissance Harbour View HotelHong Kong

 

地址
:
灣仔港灣道1號香港萬麗海景酒店閣樓

 

電話 : 25846973 / 28028888

 

味道 : 4  環境 : 4  服務 : 5  衛生 : 5  抵食 : 4  位置 : 4

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

LINE FRIENDS 陪妳度聖誕 @ 奇華餅家

 


仲有不足一個月就到聖誕節,大家除了忙於搵地邊慶祝外,還要傷腦筋諗聖誕禮物。



今次「奇華餅家」聯乘一眾 Line
Friends
,以聖誕作主題,推出LINE
FRIENDS WITH KEE WAH BAKERY
聖誕屋禮盒》



內裡包括了Brown 朱古力曲奇」、「Brown牛油曲奇」各5件,以及「花生脆糖」10,更附送環保袋,售價港幣$108





而另一款「聖誕小食禮盒」,內有「蛋白杏仁趣寶」(25克裝2包)、「特濃朱古力蛋卷」(支裝2包、及「小紅莓牛油曲奇」6件),售價港幣$78(購物滿港幣$50,可享換購價$25優惠,換購環保袋乙個)。


當然,仲有網店限定聖誕套裝,就要登奇華專屬網頁睇睇啦!

(網店傳送門 :
https://bit.ly/3wTtUuk


#LINEFRIENDSHongKong

#奇華餅家

#奇華

#keewah

#keewahbakery

#BROWN

#CONY

#SALLY

#CHOCO

#LOUIE

#ELLY

#LINEFRIENDS

#聖誕節

#xmas

#christmas

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

「日本果漾下午茶」X 偷閒加油站 @ Nina Patisserie ( 荃灣西如心酒店 )

 

經重新打造後,荃灣西如心酒店大堂多了一間 Nina
Patisserie
,的確起了開源的作用,而且價格定位亦相當親民,吃件餅,飲杯咖啡所費無幾,有時工作得太累,也是個充電的空間。


Nina Patisserie 除了散點的西餅及名物蝴蝶酥外,近日發現原來更有Afternoon
Tea
提供,而今次主題是「日本果漾下午茶」,兩位用$468


鹹點

北海道赤肉蜜瓜巴馬火腿撻

蜜瓜與巴馬火腿真係絕配,更何況用上北海道赤肉蜜瓜,甜美度即時upgrade


風乾蕃茄比目魚醬三文治

就算比目魚醬有點豐腴,但有蕃茄的微酸平衡,有種輕食的感覺。


照燒雞肉包

雞肉碎上,醃得非常入味,小小的一件,卻滋味無窮。


香印提子蟹肉酥皮卷

在酥皮卷內是蟹肉,放上幾片日本香印提子,增添了一份甜美的味道。


甜點

巨峰提子意式奶凍

本身一向偏好奶凍,但置面的巨峰提子果凍,卻有點貌合神離的感覺,如果可以融和在奶凍中就更好了。

山形縣梨巴伐利亞蛋糕


梨肉香氣清新,外層口感QQ,相當討好。

日本白桃杏仁撻

在幾款甜品中,賣相最好的必定是這個杏仁撻,桃肉飽滿又juicy,放上金箔點綴,更顯矜貴。


福岡士多啤梨卷蛋

在卷蛋放上福岡士多啤梨,顏色亮麗,而且芳香馥郁,質地鬆軟,我鍾意。


原味及葡萄乾鬆餅配奶油忌廉、士多啤梨果醬及杏桃果醬

擺放係最上層,兩款共四件,其實都幾飽肚,尤其是塗上不同醬料,食食下已經完全消滅。


飲品

同樣是咖啡或茶,但當然係靚版啦!

因為每杯都有拉花,係咪成件事都昇華了一個層次呢?


雖然供應期只是去到1130日,但聽侍應講,接著是聖誕節 Version 2.0 版,當中會把幾款甜品改動,加強聖誕節氣氛,兩個字~期待。

酒店專頁 : 荃灣西如心酒店

Facebook 專頁 : Nina Patisserie

地址
:
荃灣楊屋道8號荃灣西如心酒店地下大

 

電話 : 5330 5315

 

味道 :
4 
環境 : 4 
服務 : 4  衛生 : 4  抵食 : 4  位置 : 5

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip

秋風起 食臘味 X 傳統風味 @ 樂雅軒 ( 油麻地城景國際 )

 

退休後的日子比上班還要忙,早前跟太太每星期都會找間酒店中菜廳飲茶食點心,位於油麻地城景酒店的樂雅軒是其中之一。

聽聞近日中菜部換了新廚,所以今次不再食點心,反而同太太約了幾位朋友,一齊飯聚。

畢竟餐廳地點適中,位置好,晚飯時間都差不多全滿是有道理的。

菜單由朋友決定,也好,自己樂得「坐享其成」。

鮮果拔絲蝦球

加入水果元素,令味道多了一份香氣,但糖漿外層略厚,影響了口感。

菠蘿果醋豬軟骨

利用水果的酸度來平衡豬軟骨的油份,個人覺得啱啱好,而且肉質夠軟腍入味

酥炸咸蛋桶蠔

真係好邪惡,外層的脆漿看似平平無奇,咬落脆卜卜,而內裡充滿肉汁及咸蛋黃的豐腴味道,如果加杯啤酒,又的確好match

太子參燉瑤柱花膠功夫湯

自己是無湯不歡的湯怪,就算係屋企,基本上每日都煲下湯,但唯一不想整的,一定係燉湯,因為既功夫,又要全時間有人睇火,仲要消耗柴火,所以燉湯都係留返比外邊餐廳賺好了。

雖然不知道這個湯燉了多久,但太子參的味道好出,花膠亦軟綿滑溜,湯品更是不用說,醇厚芳香,鮮甜味美。

上湯焗乳龍蝦

用上湯焗龍蝦,比起用芝士,在味道上比較輕盈,而龍蝦肉沾上湯汁好惹味,芡汁亦算薄,貪心一點,若果有埋伊麵底就更好。

蟹黃扒翡翠

這道菜可以在「極上大閘蟹宴」內找到,蟹粉的份量真係好澎湃,完全蓋過了翠嫩的豆苗,豆苗選得好,食落無渣又甜,好味。

紅燒石岐乳鴿

小時候家境麻麻,乳鴿多數是遇上喜慶日子先會出現在餐桌上,所以每次踫上,都會勾起不少回憶。

乳鴿本身滷過再炸,鴿肉香又嫩,非常入味,而鴿皮更是脆脆地,最佳食法當然用手拎起就咬,食完連隻手指都有味。

臘味煲仔飯

看似簡單,但飯粒煮得好又真係要經驗。

飯面放滿了臘腸、臘肉及臘鴨肶,油份都滲入飯粒內,而飯粒既有油香,卻又粒顆分明有嚼口,邊位更有少許飯焦,火喉控制得相當好,就連一向嘴刁的太太都大讚。

雪耳雪梨燉雪燕

近日喉嚨又乾又有痰,正好有滋潤糖水幫幫手,微微的果酸平衡了甜度,雪耳爽口,飲落潤喉生津,說不出的舒服,真好。

若然大家仲想食大閘蟹,當然無問題,樂雅軒本身都有大閘蟹套餐提供,而且是足五兩大閘蟹每位一隻,至於第二隻大閘蟹,仲可專享半價優惠(原價$268)。

睇過餐牌,套餐包括油蟹粉露筍蛋白虎蝦球、蟹粉花膠海鮮會燕窩、蟲草花鮮菌炒班球、蟹粉扒翡翠 、蟹肉蟹粉會伊麵、蟹粉小籠包以及薑母黑糖麻蓉湯圓,每位港幣598(兩位起免茶芥),有興趣可以試試,不過供應期去到今年1219日,想食就要抓緊時間。

Facebook專頁 : The Cityview Hong Kong

 

地址
:
油麻地窩打老道23號城景國際1

 

電話 : 27833286

 

味道 :
4 
環境 : 3 
服務 : 4  衛生 : 4  抵食 : 4  位置 : 5

 

希望各位喜歡這篇文章的朋友請在我的專頁上剔“LIKE”當作小小的鼓勵吧!謝謝!

 

http://www.facebook.com/foodiephilip