人越大就越懷念小時候的日子，在街邊「督」魚蛋，吃真正的車仔麵，偶爾半路中途來一句 : 「走鬼呀~！」即場雞飛狗走的場景，真是歷歷在目，只不過時移世易，這種風味已經不復見。
一直都很喜歡Holiday Inn的Buffet，地點就腳之餘，開始得又早，上次帶囝囝來用膳，時間啱啱好，而且近日又推出懷舊菜，以酒店多年的歷史，相信不會令人失望。
餐廳掛滿了昔日的海報作裝飾，門前更擺放了担挑，令人回想起以前的街頭叫賣。
好幾個月沒來，菜色依然的豐富。
生蠔
依然是即開的澳洲貨，每次三隻，略嫌海水味沖得太淡，但肉質保持爽口，來兩round都未夠喉。
Seafood Station
另外有近年在Buffet常見的紅龍蝦仔，肉味咸鮮可口；至於長腳蟹爪沒有令人討厭的雪味，肉質鮮甜；更加有熟蝦及藍貝都能以新鮮的狀態出現，值得一試。
刺身
有三文魚、吞拿魚、鮑片、八爪魚及甜蝦，取了一碟跟大家分享，解雪的處理相當好，肉質柔軟，蘸點一下豉油，提升了鮮味。
湯
一如以往，餐廳共有三款湯，最喜歡的就一定是燉湯，而幾乎每次都是不同口味，今次是竹笙乳鴿湯，一揭開蓋，一陣香味飄來，湯色清澈，入口醇香，每盅都有四份一隻乳鴿，清甜甘美，絕對要試。
另外抽了少許胃部空間喝了碗德國青豆湯，鮮甜滑溜，同樣美味。
Carving Station
有燒火腿及牛扒，各自取了一薄片，前者邊位的油脂十分香濃，而且又不覺粗鞋，而後者就似乎熟了一點，如果可以有medium rare的熟成度就一流了。
頭盤
有煙三文魚芝士火箭菜沙律、韓式雜菌沙律、刁草醃三文魚、三文魚紅菜頭沙律、焗三文魚柳螺絲粉沙律、煙三文魚、蠔肉雞肉沙律及吞拿魚沙律。
烤乳豬
想不到乳豬比起不少燒腊店還要好，皮脆肉香，不妨一試。
熱葷
炸雲吞
既然是主打懷舊菜，炸雲吞的確出色，同行的朋友食過都大讚，香脆就一定，醬汁調教的恰到好處，有如錦上添花。
XO茄子醬扒海參
海參帶微辣，的確惹味。
蒜蓉粉絲蒸扇貝
粉絲沾滿了蒜蓉的香味，扇貝亦不會過火，保持了肉質的鮮嫩。
冬菇海參炆鴨掌
炆得非常入味，但鴨掌又不會甩皮甩骨，海參又滑溜，好味。
蝦籽海參扒娃娃菜
同樣是海參，灑上了蝦籽令味道更添芳香。
莧菜白汁焗蠔
用上西式的烤焗，蠔肉繳得更鮮甜。
焗黑豚肉飯、海參海鮮班戟、煎鱸魚配紅酒魚汁及豉汁炒蜆，都是值得一試的菜色。
甜品
雪櫃整齊的擺放了Cookies & Cream、Vanilla、Strawberry及Coffee四款Haagen-Dazs 雪糕，當然又忍不住，消滅了好幾杯。
芝麻卷
既然主打懷舊菜，望見小時候上酒樓必食的「菲林」，實在喜出望外，而且不會太甜，又有芝麻的幽香，超正。
糯米糍
煙煙韌韌，一口一件，非常方便。
紅棗茶
煮得很香濃，又有圓肉在內，滋潤度十足。
另外仲有水果撻、木糠布甸、葡撻、即焗心太軟、燉蛋及小朋友摯愛的雜果Jelly，單是走一轉，已經夠甜迷一族大滿足。
飲品
提供Dilmah品牌的不同口味，餐後來一杯，油膩感盡消。
其實已經有不少懷舊菜，但如果可以增添一些懷舊點心例如豬肚燒賣、鮮蝦銀針粉或灌湯餃之類就更正了。
電話 : 2315 1118
味道 : 4 環境 : 4 服務 : 4 衛生 : 4 抵食 : 4 位置 : 5
如果喜歡這篇文章,請在我的專頁上剔“LIKE”,當是給我小小的鼓勵吧!謝謝!