早幾年過澳門，由碼頭開始，已經人頭湧湧，耳邊儘是普通話，入到酒店又好似只係為了賭錢，一家人只好出外四處逛，去多兩次都開始覺得悶。
隨著自由行客量減少，酒店方面將注意力轉向不同階層，不單在住宿上，就連周邊設施都迎合不同客人。
今次入住全澳門最新的新濠影滙酒店，老遠已經見到極具氣勢的「8」字摩天輪，在澳門可說是絕無僅有，實在令人期待。
其實大家可以利用酒店提供的穿梭巴士，往來新濠天地之間。
新濠影滙酒店分為「明星滙」及「巨星滙」，check-in時是分別不同地方，大家可要注意，另外兩者在使用酒店設施時，有部份是有出入，例如手持「巨星滙」房卡的住客，可以自由使用泳池及健身室。
由於係中午出發，一check-in完，可以先去睇多來年響負盛名既「水舞間」，表演時間大約由5點至6點半左右，之後去食晚餐可以話啱啱好，絕無浪費時間。
想要多點新鮮感？又得！
即時轉車返回新濠影滙，在大堂入口處的右方，是一個偌大的Food Court，而左手邊，沿扶手電梯上二樓，就是佈置得有若回到五六十年代的「澳門食街遊」，大家可以試下聞名既葡撻，又或者大牌檔風味，喜歡fine dining既朋友，又可以係大街找到山本秀正、星滙餐廳及上海魅影，各具特色，由情侶到一家大細，都會找到合心意的餐廳。
不過今晚先試來頭不小的「山本秀正」，食評容後再分享，總之一個字~~正！性價比又高。
整個酒店的設計，令人彷彿進入了荷里活的世界，就連房間的welcome chocolate都係「Audrey Hepbum」。
晚餐後，意猶未盡，即隊睇9點開show既「魔幻間」，表演分三個部份，由「近距離魔術」到大型既「舞台魔術」，最衰唔可以拍片，想回味一下充滿笑聲既表都唔得。
睇完show，望望手表，都已經10點幾，不過大家玩得興起，轉場落「派馳」clubbing，大家傾下計，飲返杯Mojito，成個人輕鬆晒。
沖完涼都要凌晨先上床，房內空間感闊落，所謂單人床，根本是雙人床size，訓覺可以大字形訓都不愁。
洗手間有企缸沐浴間及浴缸，而且座廁亦是分開，就連洗面位都有兩個，絕對不怕起床時爭用。
臨訓前想食宵夜？大可在電視的畫面上挑選食物，超方便的。
不過自己貪玩，忍唔住衝落賭場玩幾手，結果點？
總之係「我無羸、佢無輸」，皆大歡喜 ^^！