自從上次送別朋友後，對City Art可說是念念不忘，找了個機會，拉了兩位「大食」朋友，齊齊來一次掃餐牌活動。
除了全時段的半自助晚餐，亦可以分兩小時一段的晚餐，只不過$368起，真的靈活多變。
以個人做法，一定是先攻打海鮮類，餐廳提供Smoky Bay、Auckland Rock 及 Tasmania三款生蠔，味道由淡至濃，各具特色，每款食三隻都已經大半打，未開始食Menu菜，已經逐漸回本。
除了基本的三款生蠔外，更有芥末及煙肉蛋黃醬、芝麻醬、蒜香番茄醬及蒜蓉牛油四款不同風味的焗蠔，各試了一隻，似乎芝麻醬香甜軟綿最令在下欣賞。
如果不喜歡生蠔的朋友，亦有麵包蟹、熟蝦、翡翠螺、青口及長蟹腳，沒有討厭的雪味，翡翠螺肉質柔韌而長蟹腳鮮甜，都是值得推薦。
再向前行幾步，便是自製格仔餅機，客人可以將餐廳調製好的蛋漿注入格仔機，自行泡製，然後加上各式各樣配料。
至於另一個方向，有美國登格斯蟹肉濃湯與及鮮蠔香檳忌廉湯，各取一碗，但鮮蠔湯的賣相竟然有七八分像雜菜湯，真奇怪，還是蟹肉湯夠濃稠。
檯上放滿了七八款不同口味的沙律，喜歡的朋友一定會滿意，又有用小湯匙作食具的小吃，再加上四款芝士，真是未吃主菜，已經給KO一半胃納。
壓軸甜品當然是哈根大師，有香草、芒果、草莓及朱古力，全是大眾化口味，實在要一次過試清。
Menu
煙蠔牛肝菌汁伴蒜蓉青口闊條麵
青口只是一般，闊條麵尚算有嚼口，不過不失。
麵條的吸引力都給大大隻帶子搶去，不錯。
賣相精緻，三色皮又夠煙韌，餡料香口及creamy。
散發出黑松露的幽香，好味。
同意朋友所講，薯仔麵團太大粒了，而牛肉反而覺得普通。
飯粒未夠嚼口之餘，sauce太濃稠了，鵝肝倒是外脆內軟。
醬汁很香滑，吃起來也有嚼勁，甜美可口。
雖然只有半隻，但肉質煙韌有彈性。
脆漿處理得相當好，脆而不油，又夠大隻，不會過於乾身。
只用上一小截，但似乎太咸了，蓋過了鮮味。
只得一小件，但煎得兩邊微焦，反而帶出了香氣。
賣相不敢恭維，但味道尚可以，蟹肉忌廉汁夠鮮甜，的確幫了不少忙。
未夠羶，油香還可以，不過煎得太熟，個人不太欣賞。
肉質鬆軟入味，牛味濃郁。
難得遇上的食材，配上篤肝汁就更惹味，誠意推薦。
煎得過火，令肉質變得結實，平白浪費了上好的食材，蜜糖芥末汁亦減輕了豬柳的燥味。
很大路的烹調手法，紅酒汁與肉眼的配合度高，亦令整道菜加了分。
side dish
只點了迷你薯丸子、蘆筍及炒菠菜，但已經飽到上心口，由朋友清碟算了。
如果不是每碟都是細細件，食量之大如在下都沒可能掃到餐牌，而事實上真的很豐富，今晚又要做運動了。
