有時候好難相信價錢與質數會位置易轉，顧客往往是付出了卻換來一肚子悶氣，但上次去大角咀的協奏坊已經有驚喜，想不到同線另一間協奏坊同樣令人意想不到。
位處銅鑼灣中央圖書館旁邊已佔地利，餐廳內的食物擺設，相當適合小朋友，不會太高。
不說別的，以$300左右價錢，竟然有澳洲生蠔食，仲要係即開，雖然每次只得三隻，要回本就要排多幾次，食落蠔味不會太輕盈，邊位有點爽口，夠新鮮已值回票價。
另一個注目位就一定係Seafood Station，先找來幾隻翡翠螺，果然夠大隻，但有少許碎殼，美中不足。
至於麵包蟹是開兩邊，中間望落已經知多蟹膏，同行的朋友最雀躍，可說是膽固醇之友，吃了半隻便放棄，留返少少胃納。
仲有蟹腳、藍貝、凍蝦及醃魷魚，都是沒有令人討厭的雪味，入口鮮甜，單是生蠔加海鮮已飽了一半。
在熱葷位找來了好幾款較欣賞的菜色，先是很少見的法國田螺，放上薯蓉上烤焗，漆黑的肉質賣相一般，食落又沒有中式田螺的煙韌，不過比較少見，應該要試試。
既有法式，當然有中式的芹香蜜豆龍脷柳，很大路的先泡後炒的手法，都幾香口。
朋友都知道在下喜歡喝湯，西式的蘑菇湯很濃稠，亦有蘑菇的香味，但自已還是愛喝老火的中湯，今次是章魚節瓜湯，一揭開蓋已傳來章魚的幽香，又夠濃味，結果喝了一碗又一碗。
大堂中間位置是即煮意大利粉檯，用挖空了的大芝士來製作，令每條芝士都沾上了芝士，最後仲要澆上芝士粉，香濃的程度可想而知，但只宜少吃，太多會覺得很膩。
烤類拿了燒羊架，羶味十足，真好，同行女性朋友卻受不了，肉質很幼嫩，不錯。
烤焗類還有焗芝士扇貝及焗大蘑菇，扇貝有少許過火，食落有點結實，而大蘑菇夠juicy，好味。
相信吃齊上述的食物已經夠飽了吧!就算壽司多吸引都無能力再戰，還要留肚食甜品。
其實仲有滷水鴨舌之類的前菜小食及各款Cold Cut，只好下次再食。
電話 : 21278828 / 21278838