有時候真係唔明，每逢大時大節或是放大假，身邊總有人問在下去邊度旅行，彷彿中間多了個等號。
見有時間，同囝囝去游水曬太陽，中間要穿過健身室，雖然細細地，但設備齊全，而且有健身教練當值，幾好。
刺身就好大路，有三文魚、吞拿魚、鱲魚同希靈魚。
熱葷類都有幾多啱自己同小朋友口味，清蒸海班好嫩滑；鮑魚海參冬菇扒菜膽好有賀年菜feel；至於燒豬脾同燒排骨就係囝囝最愛菜色；
鐡板燒有豬頸肉、牛扒、雞翼同德國腸，旁邊有粉麵吧同生滾粥。
中湯有淮山杞子煲唐排，西湯是蘑菇忌廉湯，前者很清甜，而後者夠滑溜，不錯。
而咖哩雞肉、咖哩雜菜同咖哩三文魚頭，不會太辣，但很香口。
其他值得推薦既有咖哩角、百花小棠菜鍋貼、四川蜜豆蝦仁及金梅烤骨，食物種類似乎偏向中國人口味。
而每位客人都會送上一份大蝦，可以在甜酸大蝦或黑松露大蝦中二選一，個人偏好前者，甜酸度恰到好處；後者就味道有點淡。
甜品是在門前的專櫃，都有十幾款，而且大多數係細細件，最啱心多既人。
在餐廳旁邊另有酒吧，不想太早訓，大可飲返杯，而且有大熱標機掟，三五知己傾計都幾好。
其實晚餐同早餐都係同一間餐廳，早餐就6:30開始，如果想加位，都只不過加$100，都算合理。
基本上食物都以中式較出色，中式點心、雞粥、炒麵、Cold Cut、丹麥包、自製多士、牛仔腸、茄汁豆與及任飲果汁，一家四口倒也吃了不少。
地址 : 香港仔黃竹坑道55號如心南灣海景酒店P3
電話 : 39688833
味道 : 4 環境 : 4 服務 : 4 衛生 : 4 抵食 : 4 位置 : 3
如果喜歡這篇文章,請在我的專頁上剔“LIKE”,當是給我小小的鼓勵吧!謝謝!