今天，我攰了! – 美食焚化爐

由04年第一篇食評開始，斷斷續續的，寫了都有十個年頭，所攪過的飯局，已經記不起有多少次了，而事後，仲辛苦過跑完十公里。到了今日，實在感到意興闌珊，已提不起勁再做攪手。

有興趣既，今次就聽在下訴一次苦吧！

由找心水食肆開始，已經要決定人、時、地。人是人選，畢竟各人生活水平不同，有人嫌貴，這也屬人之常情，值得體諒，唯有從大處著想，盡量找出接近的人選，所以絕對不成問題。

只可惜有人會話點解叫呢個去，唔叫個果去，已經無乜大不了，最麻煩係，佢去我唔去，相比之下，講明要同邊個坐已經小事一樁。

在下遇上過最離譜既case，有一間位於尖沙咀的酒店，雖然沒有奪星，但其頂樓VIP Room要過萬一晚，而在下對於相關口碑亦有興趣，湊巧又識得酒店方面的前公關朋友，諗住以$700一位價錢攪一局，以在下係米芝蓮一星餐廳都會用上$600時，$700可說是合理價，然後再問問身邊既朋友有無興趣，其中兩位同在下講，「比錢既唔去，唔比錢既就去」，而由於公關朋友的幫助，飯局變成試食局，但其中一位當事人問在下點解唔預佢時，我真的〝O〞咀了！

更加試過有人即日放飛機，竟然托第三者，係飯局開始後同在下講佢唔黎，等我仲憝居居預埋位比佢，而當日係講明幾多位計，好彩老闆同在下係老朋友無計，但佢究竟識唔識得尊重兩個字？至於比人老屈爭攪飯局已經唔想再提，試問一下，在下只係想搵人食餐飯，結果變成人氣指標，幾無癮！總之千奇百怪，乜情況都會發生，處理得失衡，結果又比人指手劃腳，東奔西走攪完局，出錢出力出時間，結果仲要比人鬧，為乜？

時間是不單要找出時令的食店，例如冬天去火鍋店，或是時令菜色，又甚至於選擇飯局的日子，因為當下身邊的朋友，實在太多試食局了，順得哥情失嫂意，往往一推已經個幾月後，最慘係食店未必訂到檯，而時間推得太後，到時總會甩甩漏漏，話明位計的飯局，實有人甩底，要即時代為搵人替補，打電話打到手軟，相信有不少朋友收過在下呢類電話吧！