秉承上年， 「1010跑馬地百萬挑戰盃」於昨晚上演壓軸戰，自己手氣麻麻，整晚都在做善事，唯有寄情另一種娛樂。
因為由3月5日起，至19日止，一連三個星期夜馬賽事期間舉行，都有「Wines in the Valley」活動。
公眾席前空地，早已架好了不同的攤位，展示來自各地不同的酒類，法國、澳洲、意大利、德國及智利，不論紅酒白酒，就連馬迷至愛的啤酒都有供應，加上優惠的價錢，多喝幾杯都不用怕。
有酒當然要有食物，除了馬場本身的餐廳外，露天位置更設有食物亭，一百幾十已經有交易，而且是即場烹調，熱辣辣的，正好把現場氣溫提升。
大會更提供現場樂隊，在勁歌熱舞下，一邊品酒、一邊聽歌。
如果是品酒達人的話，可不要錯過Blind Tasting的機會，分分鐘可以拎枝紅酒返屋企，真係又食又拎。
下個兩個星期三依然有相關活動，今次錯過了，還有兩次機會呀！