好耐無踫上過一間用極品形容既餐廳。
話說一家人去完演藝學院睇兒童話劇後，太太建議改吃西餐，坐得舒適一點，而新堡餐廳正正就位處巴士站，方便就腳，而且店內客人不多，一家四口佔了卡位剛剛好。
店內裝潢大概似土瓜灣的哥登堡之流，有點回到六七十年代的感覺。
睇睇Menu同牆上水牌，晚餐只介乎一百蚊左右，對於精打細算的太太而言，價位恰到好處。
未知是否家族式經營，由樓面到廚房都是懶懶閒，沒精打彩的，都算了，之後還有更離譜的事。
餐前的蒜蓉包烘得不慍不火，邊位看不到焦香的痕跡，口感打了折扣。
法式焗田螺不在套餐內，一份六粒，多數都是現成貨，略為用薯蓉置底，然後放入焗爐烤過便算，肉質鬆散，味道又淡。
秘製龍蝦汁焗海鮮飯賣相慘不忍睹，材料雜亂無章，東一舊、西一堆，最簡單的功夫，將飯面蓋過都馬馬夫夫，已經心知不妙，結果部份飯粒乾巴巴，部份海鮮又沾不上醬汁，幸好能得到醬汁寵幸的飯粒，味道還不錯，至少龍蝦味夠香。
布根地紅酒燴牛脷又是賣相出事，四五片牛脷只懂得向上發展，有如死屍堆埋一齊，下面求其放點翠玉瓜及薯條就算，大廚的審美眼光，在下是不敢恭維；不過牛脷大大片又軟滑，牛味就淡了一點。
全晚最出事的澳洲牛小排特濃燒汁，又是求其層層叠，都算了，明明千叮萬囑要medium rare，但只憑肉眼目測，都知道超過十成熟，因為整塊牛小排是煎燶左，無錯，千真萬確煎燶左，但由廚房到樓面竟然無人理會，照樣奉客，在下相信這叫趕客！
在下還天真地以為溝通出問題，點知樓面竟然冷冷拋下一句：「今日跑馬日，水準係有D出入！」
如果當時兩位囝囝行開左，在下真係會忍唔住爆粗；廚房不負責任，只顧賭馬已經離譜，店主或樓面明知而不理就更過份，最後莽顧客人，照樣serve，直情要black list。
同樓面即時反映後，唯有死死氣拎入廚房再煎過；不經意地望望廚房，只聽見傳來陣陣收音機聲，廚師依然在賭馬。
網友們，你認為在下會再來嗎？
電話 : 25293938
味道 : 2 環境 : 3 服務 : 1 衛生 : 3 抵食 : 3 位置 : 4
如果喜歡這篇文章,請在我的專頁上剔”LIKE”,當是給我小小的鼓勵吧!謝謝!